ಡಬ್ಬಿಂಗ್ ಬೇಡ ಅಂತಾರೆ, ಪರಭಾಷೆ ಸಿನಿಮಾ ಬೆಂಬಲಿಸ್ತಾರೆ: ಇದು ಕನ್ನಡ ದ್ರೋಹ ಅಲ್ಲವೇ?

'ಸ್ಪೈಡರ್' ಚಿತ್ರಕ್ಕೆ ರಾಕ್ ಲೈನ್ ಬೆಂಬಲ

ಮಹೇಶ್ ಬಾಬು ಅಭಿನಯದಲ್ಲಿ ತಯಾರಾಗಿರುವ 'ಸ್ಪೈಡರ್' ಚಿತ್ರ ಇದೇ ವಾರ ಬಿಡುಗಡೆಯಾಗುತ್ತಿದೆ. ಈ ಚಿತ್ರದ ಪ್ರಚಾರಕ್ಕಾಗಿ ಮಹೇಶ್ ಬಾಬು ಬೆಂಗಳೂರಿಗೆ ಬಂದಿದ್ದರು. ಈ ವೇಳೆ ಕನ್ನಡದ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ 'ಸ್ಪೈಡರ್' ಚಿತ್ರಕ್ಕೆ ಬೆಂಬಲ ಕೊಟ್ಟಿರುವುದು ಈಗ ಕನ್ನಡಿಗರ ಕೋಪಕ್ಕೆ ಕಾರಣವಾಗಿದೆ.

ಡಬ್ಬಿಂಗ್ ಬೇಡ, ಪರಭಾಷೆ ಸಿನಿಮಾ ಬೇಕು

ಈ ಹಿಂದೆ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಡಬ್ಬಿಂಗ್ ಬೇಡವೆಂದು ಹೋರಾಟದಲ್ಲಿ ಭಾಗವಹಿಸಿದ್ರು. ಪ್ರತಿಭಟನೆ ಮಾಡಿದ್ರು. ಆದ್ರೆ, ಈಗ ಪರಭಾಷೆ ಚಿತ್ರಗಳಿಗೆ ಸಂಪೂರ್ಣ ಬೆಂಬಲ ಕೊಟ್ಟಿದ್ದಾರೆ. ಇದರಿಂದ ಕನ್ನಡ ಸಿನಿಮಾಗಳಿಗೆ ಅನ್ಯಾಯವಾಗಲ್ವ? ಎಂಬ ಚರ್ಚೆ ಟ್ವಿಟ್ಟರ್ ನಲ್ಲಿ ನಡೆಯುತ್ತಿದೆ.

'ಸ್ಪೈಡರ್' ಚಿತ್ರವನ್ನ ಕನ್ನಡದಲ್ಲಿ ಡಬ್ ಮಾಡಿ

ಈ ರೀತಿ ನೇರವಾಗಿ ತೆಲುಗು ಸಿನಿಮಾ ಬಿಡುಗಡೆಯಾಗುವ ಬದಲು, ಕನ್ನಡಕ್ಕೆ ಡಬ್ ಆಗಿ ಬರಲಿ. ಇದರಿಂದ ಕನ್ನಡನಾದ್ರೂ ಉಳಿಯತ್ತಿತ್ತು. ಜನರು ಕನ್ನಡದಲ್ಲೇ ಸಿನಿಮಾ ನೋಡುತ್ತಿದ್ದರು ಎಂಬ ಅಭಿಪ್ರಾಯ ಇವರದ್ದು.

ಡಬ್ಬಿಂಗ್ ಸಿನಿಮಾ ಬಂದಾಗ ಹೋರಾಟ ಮಾಡ್ತೀರಾ?

ಡಬ್ಬಿಂಗ್ ಸಿನಿಮಾ ಕೇವಲ 40 ರಿಂದ 50 ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಆಗ ಹೋರಾಟ, ಪ್ರತಿಭಟನೆ ಮಾಡಿದ್ರಿ. ಈಗ 'ಸ್ಪೈಡರ್' ಸಿನಿಮಾ ಕರ್ನಾಟಕದಲ್ಲಿ ಸುಮಾರು 250 ಥಿಯೇಟರ್ ನಲ್ಲಿ ರಿಲೀಸ್ ಆಗುತ್ತಿದೆ. ಈಗ ಏನ್ಮಾಡ್ತಿದ್ದೀರಾ? ಎಂದು ಡಬ್ಬಿಂಗ್ ಪರ ಹೋರಾಟಗಾರರು ಪ್ರಶ್ನಿಸುತ್ತಿದ್ದಾರೆ.