ಫೇಸ್ ಬುಕ್ ನಲ್ಲಿ ರಾಜಮೌಳಿ ಹೊಸ ದಾಖಲೆ

ತೆಲುಗು ಚಿತ್ರರಂಗದಲ್ಲಿ ತಮ್ಮದೇ ಆದಂತಹ ಛಾಪು ಮೂಡಿಸಿರುವ ಕರ್ನಾಟಕ ಮೂಲಕ ನಿರ್ದೇಶಕ ಎಸ್ ಎಸ್ ರಾಜಮೌಳಿ ಅವರು ಫೇಸ್ ಬುಕ್ ನಲ್ಲಿ ಹೊಸ ದಾಖಲೆ ಸೃಷ್ಟಿಸಿದ್ದಾರೆ. ರಾಜಮೌಳಿ ಅವರ ಅಧಿಕೃತ ಫೇಸ್ ಬುಕ್ ಫ್ಯಾನ್ ಪೇಜ್ ಗೆ 5,00,000ಕ್ಕೂ ಅಧಿಕ ಲೈಕ್ಸ್ ಸಿಕ್ಕಿವೆ.

ನಮ್ಮ ದೇಶದ ಯಾವುದೇ ಭಾಷೆಯ ನಿರ್ದೇಶಕನಿಗೂ ಇದುವರೆಗೂ ಈ ಭಾಗ್ಯ ಸಿಕ್ಕಿಲ್ಲ, ಅಂದರೆ ಇಷ್ಟೊಂದು ಲೈಕ್ಸ್ ದಕ್ಕಿಲ್ಲ. ಈ ಫ್ಯಾನ್ ಪೇಜ್ ನಲ್ಲಿ ಏನಿದೆಯಪ್ಪಾ ಅಂತಹಾ ವಿಶೇಷ ಎಂದರೆ, ರಾಜಮೌಳಿ ಅವರ ಚಿತ್ರಕ್ಕೆ ಸಂಬಂಧಿಸಿದ ಲೇಟೆಸ್ಟ್ ಮಾಹಿತಿ, ಫೋಟೋಗಳು ಆಗಿಂದಾಗ್ಗೆ ಅಪ್ ಡೇಟ್ ಆಗುತ್ತಿರುತ್ತವೆ.

ಒಟ್ಟಾರೆಯಾಗಿ ಸಾಮಾಜಿಕ ಜಾಲತಾಣಗಳನ್ನು ಸಮರ್ಪಕವಾಗಿ ಬಳಕೆ ಮಾಡಿಕೊಳ್ಳುವ ಕಲೆ ಕೇವಲ ಕೆಲವರಿಗಷ್ಟೇ ಸಿದ್ಧಿಸಿದೆ. ಅದರಲ್ಲೂ ರಾಜಮೌಳಿ ಅವರಂತಹ ಪ್ರತಿಭಾನ್ವಿತ ನಿರ್ದೇಶಕರು ಸದಾ ಒಂದು ಹೆಜ್ಜೆ ಮುಂದೆ ಇರುವುದರಿಂದ ಇನ್ನಷ್ಟು ಎತ್ತರಕ್ಕೆ ಏರುತ್ತಲೇ ಇದ್ದಾರೆ. (ಒನ್ಇಂಡಿಯಾ ಕನ್ನಡ)