2 ಕೋಟಿ ಆಫರ್ ತಿರಸ್ಕರಿಸಿದ ಸಾಯಿ ಪಲ್ಲವಿ.! ಕಾರಣ ಇಲ್ಲಿದೆ

ಕಂಪನಿಗೆ ಬ್ರಾಂಡ್ ಅಂಬಾಸಿಡರ್ ಆಗುವಂತೆ ಆಫರ್

ಸಾಯಿ ಪಲ್ಲವಿ ಸ್ಟಾರ್ ನಟಿ ಆಗುತ್ತಿದ್ದಂತೆ ಕಾರ್ಪೋರೇಟ್ ಕಂಪನಿಗಳು ಆಕೆಯ ಹಿಂದೆ ಬಿದ್ದಿವಿ. ತಮ್ಮ ಕಂಪನಿಗೆ ಬ್ರಾಂಡ್ ಅಂಬಾಸಿಡರ್ ಆಗಿ ಎಂದು ಆಫರ್ ಮಾಡುತ್ತಿದೆ. ಹೀಗೆ, ಖ್ಯಾತ ಸಂಸ್ಥೆಯೊಂದು ಸಾಯಿ ಪಲ್ಲವಿಗೆ 2 ಕೋಟಿ ಆಫರ್ ನೀಡಿ ಬ್ರಾಂಡ್ ಅಂಬಾಸಿಡರ್ ಆಗುವಂತೆ ಬೇಡಿಕೆ ಮುಂದಿಟ್ಟಿದೆ. ಆದ್ರೆ, ಈ ಆಫರ್ ತಿರಸ್ಕರಿಸಿದ್ದಾರೆ ನಟಿ ಸಾಯಿ ಪಲ್ಲವಿ.

ಫೇಸ್ ಕ್ರೀಮ್ ಗೆ ರಾಯಭಾರಿ ಆಗಲ್ಲ ಅಂದ್ರು ಪಲ್ಲವಿ

ಈ ಸಂಸ್ಥೆ ಹೊಸದಾಗಿ ಫೇಸ್ ಕ್ರೀಮ್ ಒಂದನ್ನ ಪರಿಚಯಿಸುತ್ತಿದೆ. ಇದಕ್ಕೆ ಸಾಯಿ ಪಲ್ಲವಿ ಅವರನ್ನ ರಾಯಭಾರಿಯನ್ನಾಗಿಸಲು ಪ್ಲಾನ್ ಮಾಡಿ ಅಪ್ರೋಚ್ ಮಾಡಿದೆ. ಆದ್ರೆ, ಈ ಡೀಲ್ ಒಪ್ಪಿಕೊಳ್ಳದ ಸಾಯಿ ಪಲ್ಲವಿ ಸಾಧ್ಯವಿಲ್ಲ ಎಂದು ರಿಜೆಕ್ಟ್ ಮಾಡಿದ್ದಾರೆ. ಇದಕ್ಕೆ ಕಾರಣ ಕೂಡ ಹೇಳಿದ್ದಾರೆ.

'ಫಿದಾ' ಹುಡುಗಿ ಬೇಡ ಎಂದಿದ್ದೇಕೆ?

ಸಾಯಿ ಪಲ್ಲವಿ ಸಿನಿಮಾಗಳಲ್ಲಿ ಹೆಚ್ಚು ಮೇಕಪ್ ಹಾಕುವುದಿಲ್ಲ. ತಮ್ಮ ಮುಖದಲ್ಲಿ ಮೊಡವೆಗಳಿದ್ದರೂ ಅದನ್ನ ಕಾಣಿಸಿದಂತೆ ಮಾಡಿಕೊಳ್ಳಲು ಮೇಕಪ್ ಬಳಸುವುದಿಲ್ಲ. ತನ್ನ ನೈಜ ಸೌಂದರ್ಯವನ್ನೇ ಉಳಿಸಿಕೊಂಡು, ಸಿನಿಮಾ ಮಾಡ್ತಾರೆ. ಅಂತಹದ್ರಲ್ಲಿ ಈ ಡೀಲ್ ಒಪ್ಪಿಕೊಂಡರೇ ಕ್ರೀಮ್ ಬಗ್ಗೆ ಜಾಹೀರಾತು ನೀಡಬೇಕು. ಮೊಡವೆ ಇರಲ್ಲ, ಕಲೆ ಇರಲ್ಲ ಎಂದು ಹೇಳಬೇಕು. ಜನರನ್ನ ಮೋಸ ಮಾಡಲು ನನ್ನಿಂದ ಆಗಲ್ಲ. ಸುಳ್ಳು ಹೇಳಲು ಕಷ್ಟ ಎಂಬ ಕಾರಣಕ್ಕೆ ಸಾಯಿ ಪಲ್ಲವಿ ಈ ಡೀಲ್ ಕೈಬಿಟ್ಟಿದ್ದಾರೆ.

ಜನರಿಗೆ ಅದೇ ಸಾಯಿ ಪಲ್ಲವಿ ಇಷ್ಟ

ಅಂದ್ಹಾಗೆ, ಸಾಯಿ ಪಲ್ಲವಿ ಮುಖದಲ್ಲಿ ಹೆಚ್ಚು ಮೊಡವೆಗಳಿವೆ. ಆದ್ರೆ, ಅದು ಆಕೆಗೆ ಯಾವುತ್ತು ಮೈನಸ್ ಆಗಿಲ್ಲ. ಅಭಿಮಾನಿಗಳಿಗೆ ಸಾಯಿ ಪಲ್ಲವಿ ಅಂದ್ರೆ ಆ ನೈಜ ಮುಖ ರಿಜಿಸ್ಟರ್ ಆಗಿದೆ. ಅಸಲಿ ಪಲ್ಲವಿಯನ್ನೇ ಹೆಚ್ಚು ಇಷ್ಟಪಡ್ತಾರೆ. ಮೇಕಪ್ ಇಲ್ಲದ ಪಲ್ಲವಿ ಅಂದ್ರೆನೇ ಅಭಿಮಾನಿಗಳಿಗೂ ಇಷ್ಟ. ಹೀಗಿರುವಾಗ, ಜಾಹೀರಾತಿಗಾಗಿ ಮೇಕಪ್ ಹಾಕಲು ಒಪ್ಪಲಿಲ್ಲ ಈ ನಟಿ. ಇದು ಮೆಚ್ಚುಗೆಗೆ ಪಾತ್ರವಾಗಿದೆ.