Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಯ್ಯೋ, ಆ ಮಗುವಿಗೆ ಸಹಾಯ ಮಾಡಲಾಗುತ್ತಿಲ್ಲವಲ್ಲಾ..: ಸಂಚಾರಿ ವಿಜಯ್ ಹಂಚಿಕೊಂಡ ನೋವಿನ ಘಟನೆ
ವಿಚಿತ್ರ ರೀತಿಯ ಕ್ಯಾನ್ಸರ್ನಿಂದ ಬಳಲುತ್ತಿರುವ ಐದೂವರೆ ವರ್ಷದ ಸಣ್ಣ ಮಗು, ಆಸ್ಪತ್ರೆ ಬೆಡ್ ಮೇಲೆ ಮಲಗಿ, ಬಾಯಿಂದ ರಕ್ತ ಒಸರುತ್ತಿದ್ದರೂ, ಆ ನೋವಿನಲ್ಲೂ ನಗುತ್ತಿರುವ ಹೃದಯ ಹಿಂಡುವ ಚಿತ್ರವೊಂದನ್ನು ನಟ ಸಂಚಾರಿ ವಿಜಯ್ ತಮ್ಮ ಫೇಸ್ಬುಕ್ ಪೇಜ್ನಲ್ಲಿ ಹಂಚಿಕೊಂಡಿದ್ದಾರೆ.
Recommended Video
ಐದೂವರೆ ವರ್ಷದ ಮಗುವಿನ ಬಾಯಿಂದ ರಕ್ತ ಚಿಮ್ಮುತ್ತಿರುವ ಚಿತ್ರಗಳು ನೋಡಲು ಮನಸ್ಸಿಗೆ ಹಿಂಸೆ ಎನಿಸುತ್ತದೆ. ಆದರೆ ಅದನ್ನು ಉದ್ದೇಶಪೂರ್ವಕವಾಗಿಯೇ ಹಂಚಿಕೊಂಡಿದ್ದಾರೆ ಸಂಚಾರಿ ವಿಜಯ್. ಜೊತೆಗೆ ಆ ಚಿತ್ರಗಳ ಹಿಂದಿನ ನೋವಿನ ಕತೆಯನ್ನೂ ಸಹ ಹೇಳಿದ್ದಾರೆ.
ಬಡ ಕಾರ್ಮಿಕರ ನೆರವಿಗೆ ನಿಂತಿರುವುದೇಕೆ ಸೋನು ಸೂದ್: ಉತ್ತರ ಹೇಳುತ್ತಿದೆ ಹಳೆಯ ಚಿತ್ರ
ಸಂಚಾರಿ ವಿಜಯ್ ಹಂಚಿಕೊಂಡಿರುವ ಚಿತ್ರದಲ್ಲಿನ ಮಗು ಅದೇ ಅವಸ್ಥೆಯಲ್ಲಿ ಪ್ರಸ್ತುತ ಎಲೆಕ್ಟ್ರಾನಿಕ್ ಸಿಟಿಯ ನಾರಾಯಣ ಹೃದಯಾಲಯದಲ್ಲಿದೆ. ಆ ಮಗುವಿಗೆ leukocyte adhesion ಎಂಬ ವಿರಳಾತಿವಿರಳ ಕ್ಯಾನ್ಸರ್ ಆಗಿದೆ. ಮಗುವಿನ ಪೋಷಕರಿಗೆ ಇರುವುದು ಒಂದೇ ಮಗು ಅದನ್ನು ಉಳಿಸಿಕೊಳ್ಳಲು ತಮ್ಮದೆಲ್ಲವನ್ನೂ ಪಣಕ್ಕಿಟ್ಟಿದ್ದಾರೆ, ಆದರೆ ಯಾವುದೂ ಸಾಕಾಗುತ್ತಿಲ್ಲ.
ತಿಂಗಳ ಬಾಡಿಗೆ ಕಟ್ಟಲು ಪರದಾಟ
ತಿಂಗಳಿಗೆ 12 ಸಾವಿರ ಬಾಡಿಗೆ ಕೊಡಲು ಒದ್ದಾಡುತ್ತಿರುವ ಪೋಷಕರಿಗೆ ಮಗನನ್ನು ಕ್ಯಾನ್ಸರ್ ಮಹಾಮಾರಿಯಿಂದ ಉಳಿಸಿಕೊಳ್ಳಲು 40-50 ಲಕ್ಷ ಹಣದ ಅವಶ್ಯಕತೆ ಇದೆ. ಸಂಚಾರಿ ವಿಜಯ್ ಸತತ ಒಂದು ವಾರದಿಂದ ಮಗುವಿನ ಸಹಾಯ ಮಾಡಲು ಪ್ರಯತ್ನ ಪಡುತ್ತಲೇ ಇದ್ದಾರೆ ಆದರೆ ಸಾಧ್ಯವಾಗುತ್ತಿಲ್ಲವೆಂದು ನೋವಿನಿಂದ ಇಂದು ಫೇಸ್ಬುಕ್ನಲ್ಲಿ ಇಂದು ಅಸಹಾಯಕತೆ ಹಂಚಿಕೊಂಡಿದ್ದಾರೆ ಜೊತೆಗೆ ತಮ್ಮ ಗುಣವುಳ್ಳ ಗೆಳೆಯರು ಮುಂದೆ ಬಂದು ಸಹಾಯ ಮಾಡಬೇಕು ಎಂದು ಕೈಚಾಚಿದ್ದಾರೆ.
ಆಡುತ್ತಿರಬೇಕಾದ ವಯಸ್ಸಲ್ಲಿ ಆಸ್ಪತ್ರೆಯಲ್ಲಿ
ಮಗುವಿನ ಬಗ್ಗೆ ಬರೆದಿರುವ ಸಂಚಾರಿ ವಿಜಯ್, ಆಟ ಆಡುತ್ತಾ ಕಾಲ ಕಳೆಯಬೇಕಾದ ವಯಸ್ಸಿನಲ್ಲಿ ಆಸ್ಪತ್ರೆಯ ನಾಲ್ಕು ಗೋಡೆಗಳ ಮಧ್ಯ ಕಷ್ಟ ಪಟ್ಟು ಉಸಿರಾಡುತ್ತಾ ಮೊಬೈಲ್ ಹಿಡಿದುಕೊಂಡು ಕಾಲ ಕಳೆಯುವುದನ್ನು ನೋಡಿದರೆ ಮನಸ್ಸಿಗೆ ತುಂಬಾ ಹಿಂಸೆಯಾಗುತ್ತೆ ಎಂದಿದ್ದಾರೆ ಸಂಚಾರಿ ವಿಜಯ್.
ಹಣವಿಲ್ಲದೆ ಪರದಾಡುತ್ತಿದ್ದ ನಟಿಗೆ ಸಹಾಯ ಮಾಡಿದ ಆಕೆಯ ಮೇಕಪ್ ಮ್ಯಾನ್!
ಅಂದಾಜು 40-45 ಲಕ್ಷ ಖರ್ಚಾಗುತ್ತದೆ
ಪೋಷಕರ ಬಗ್ಗೆಯೂ ಬರೆದಿರುವ ಸಂಚಾರಿ ವಿಜಯ್, ಚಿಕಿತ್ಸೆಗೆ ಬೇಕಾಗಿರುವ ಖರ್ಚು ಅಂದಾಜು 40 ರಿಂದ 45 ಲಕ್ಷ. ಅಷ್ಟೇನೂ ಸ್ಥಿತಿವಂತರಲ್ಲದ ಮಗುವಿನ ತಂದೆ ತಾಯಿ ಇಷ್ಟೊಂದು ಹಣವನ್ನು ಹೊಂದಿಸಲಾಗದೆ ಒಬ್ಬನೇ ಮಗನನ್ನು ಉಳಿಸಿಕೊಳ್ಳಲು ಹರಸಾಹಸ ಪಡುತ್ತಿದ್ದಾರೆ ಎಂದಿದ್ದಾರೆ ಸಂಚಾರಿ ವಿಜಯ್.
ಸಾಧ್ಯವಾದಷ್ಟು ಮಂದಿ ಸಹಾಯ ಮಾಡಿ: ಮನವಿ
ಭಾರತಿ ಬಿ ವಿ ಯವರ 'ಸಾಸಿವೆ ತಂದವಳು' ಪುಸ್ತಕ ಓದಿದಾಗ ಕ್ಯಾನ್ಸರ್ ಅನ್ನೋ ಖಾಯಿಲೆ ಎಷ್ಟು ಗಂಭೀರವಾದದ್ದು ಅನ್ನೋದು ತಿಳಿದಿತ್ತು, ಆದರೆ ಈ ಪುಟ್ಟ ಮಗುವಿಗೆ ಇಂಥಾ ಕಾಯಿಲೆ ಬಂದಿರುವುದು ನಿಜಕ್ಕೂ ವಿಧಿಯ ಆಟವೇ ಸರಿ.
ಮಗುವಿನ ತಂದೆ ತಾಯಿಯ ಅನುಮತಿ ಪಡೆದೇ ಮಾಹಿತಿಯನ್ನು ಇಲ್ಲಿ ಹಂಚಿಕೊಂಡಿದ್ದೇನೆ ಎಂದಿದ್ದಾರೆ ವಿಜಯ್. ಜೊತೆಗೆ ಸಾಧ್ಯವಾದಷ್ಟು ಮಂದಿ ಸಹಾಯ ಮಾಡುವಂತೆ ಕೋರಿದ್ದಾರೆ.