ಅಯ್ಯೋ, ಆ ಮಗುವಿಗೆ ಸಹಾಯ ಮಾಡಲಾಗುತ್ತಿಲ್ಲವಲ್ಲಾ..: ಸಂಚಾರಿ ವಿಜಯ್ ಹಂಚಿಕೊಂಡ ನೋವಿನ ಘಟನೆ

ತಿಂಗಳ ಬಾಡಿಗೆ ಕಟ್ಟಲು ಪರದಾಟ

ತಿಂಗಳಿಗೆ 12 ಸಾವಿರ ಬಾಡಿಗೆ ಕೊಡಲು ಒದ್ದಾಡುತ್ತಿರುವ ಪೋಷಕರಿಗೆ ಮಗನನ್ನು ಕ್ಯಾನ್ಸರ್ ಮಹಾಮಾರಿಯಿಂದ ಉಳಿಸಿಕೊಳ್ಳಲು 40-50 ಲಕ್ಷ ಹಣದ ಅವಶ್ಯಕತೆ ಇದೆ. ಸಂಚಾರಿ ವಿಜಯ್ ಸತತ ಒಂದು ವಾರದಿಂದ ಮಗುವಿನ ಸಹಾಯ ಮಾಡಲು ಪ್ರಯತ್ನ ಪಡುತ್ತಲೇ ಇದ್ದಾರೆ ಆದರೆ ಸಾಧ್ಯವಾಗುತ್ತಿಲ್ಲವೆಂದು ನೋವಿನಿಂದ ಇಂದು ಫೇಸ್‌ಬುಕ್‌ನಲ್ಲಿ ಇಂದು ಅಸಹಾಯಕತೆ ಹಂಚಿಕೊಂಡಿದ್ದಾರೆ ಜೊತೆಗೆ ತಮ್ಮ ಗುಣವುಳ್ಳ ಗೆಳೆಯರು ಮುಂದೆ ಬಂದು ಸಹಾಯ ಮಾಡಬೇಕು ಎಂದು ಕೈಚಾಚಿದ್ದಾರೆ.

ಆಡುತ್ತಿರಬೇಕಾದ ವಯಸ್ಸಲ್ಲಿ ಆಸ್ಪತ್ರೆಯಲ್ಲಿ

ಮಗುವಿನ ಬಗ್ಗೆ ಬರೆದಿರುವ ಸಂಚಾರಿ ವಿಜಯ್, ಆಟ ಆಡುತ್ತಾ ಕಾಲ ಕಳೆಯಬೇಕಾದ ವಯಸ್ಸಿನಲ್ಲಿ ಆಸ್ಪತ್ರೆಯ ನಾಲ್ಕು ಗೋಡೆಗಳ ಮಧ್ಯ ಕಷ್ಟ ಪಟ್ಟು ಉಸಿರಾಡುತ್ತಾ ಮೊಬೈಲ್ ಹಿಡಿದುಕೊಂಡು ಕಾಲ ಕಳೆಯುವುದನ್ನು ನೋಡಿದರೆ ಮನಸ್ಸಿಗೆ ತುಂಬಾ ಹಿಂಸೆಯಾಗುತ್ತೆ ಎಂದಿದ್ದಾರೆ ಸಂಚಾರಿ ವಿಜಯ್.

ಅಂದಾಜು 40-45 ಲಕ್ಷ ಖರ್ಚಾಗುತ್ತದೆ

ಪೋಷಕರ ಬಗ್ಗೆಯೂ ಬರೆದಿರುವ ಸಂಚಾರಿ ವಿಜಯ್, ಚಿಕಿತ್ಸೆಗೆ ಬೇಕಾಗಿರುವ ಖರ್ಚು ಅಂದಾಜು 40 ರಿಂದ 45 ಲಕ್ಷ. ಅಷ್ಟೇನೂ ಸ್ಥಿತಿವಂತರಲ್ಲದ ಮಗುವಿನ ತಂದೆ ತಾಯಿ ಇಷ್ಟೊಂದು ಹಣವನ್ನು ಹೊಂದಿಸಲಾಗದೆ ಒಬ್ಬನೇ ಮಗನನ್ನು ಉಳಿಸಿಕೊಳ್ಳಲು ಹರಸಾಹಸ ಪಡುತ್ತಿದ್ದಾರೆ ಎಂದಿದ್ದಾರೆ ಸಂಚಾರಿ ವಿಜಯ್.

ಸಾಧ್ಯವಾದಷ್ಟು ಮಂದಿ ಸಹಾಯ ಮಾಡಿ: ಮನವಿ

ಭಾರತಿ ಬಿ ವಿ ಯವರ 'ಸಾಸಿವೆ ತಂದವಳು' ಪುಸ್ತಕ ಓದಿದಾಗ ಕ್ಯಾನ್ಸರ್ ಅನ್ನೋ ಖಾಯಿಲೆ ಎಷ್ಟು ಗಂಭೀರವಾದದ್ದು ಅನ್ನೋದು ತಿಳಿದಿತ್ತು, ಆದರೆ ಈ ಪುಟ್ಟ ಮಗುವಿಗೆ ಇಂಥಾ ಕಾಯಿಲೆ ಬಂದಿರುವುದು ನಿಜಕ್ಕೂ ವಿಧಿಯ ಆಟವೇ ಸರಿ.