ಈ ಆರು ನಟರಲ್ಲಿ ಉತ್ತಮ ಗಾಯಕರಾರು?ನಿಮ್ಮ ಆಯ್ಕೆ

ಶಿವರಾಜ್ ಕುಮಾರ್

ಶಿವಣ್ಣ ತನ್ನ ವೃತ್ತಿ ಜೀವನದಲ್ಲಿ ಹಲವು ವರ್ಷಗಳಿಂದ ಹಾಡುಗಾರನಾಗೂ ಗುರುತಿಸಿಕೊಂಡಿದ್ದಾರೆ. ಜನುಮದ ಜೋಡಿ ಚಿತ್ರದಲ್ಲಿ ಅವರು ಹಾಡಿದ 'ಮಣಿ ಮಣಿ ಮಣಿಗೊಂದು ದಾರ' ಜನಪ್ರಿಯ ಹಾಡು. ಮಾಲಾಶ್ರೀ ಪ್ರಮುಖ ಭೂಮಿಕೆಯಲ್ಲಿದ್ದ ಶಕ್ತಿ ಚಿತ್ರಕ್ಕೂ ಶಿವಣ್ಣ ಒಂದು ಹಾಡು ಹಾಡಿದ್ದಾರೆ.

ಉಪೇಂದ್ರ

ಆಡು ಮುಟ್ಟದ ಸೊಪ್ಪಿಲ್ಲ ಎನ್ನುವ ಹಾಗೆ ರಿಯಲ್ ಸ್ಟಾರ್ ಉಪೇಂದ್ರ ಚಿತ್ರರಂಗದಲ್ಲಿ ಮಾಡದ ಕೆಲಸವಿಲ್ಲ. ನಿರ್ದೇಶಕನಾಗಿ, ನಟನಾಗಿ ಮಾತ್ರವಲ್ಲದೇ ಚಿತ್ರಕ್ಕೆ ಹಾಡನ್ನು ಹಾಡಿದ ಹೆಗ್ಗಳಿಕೆ ಉಪ್ಪಿದ್ದು. ಅದರಲ್ಲಿ ಪ್ರಮುಖ ಹಿಟ್ ಗೀತೆಗಳೆಂದರೆ ಜೋಗಯ್ಯ ಚಿತ್ರದ 'ತಗಲಾಕೊಂಡೆ ನಾನು', ಸೂಪರ್ ಚಿತ್ರದ 'ನಾನು ಸೂಪರೋ ರಂಗ" ಬುದ್ದಿವಂತ ಚಿತ್ರದ 'ಚಿತ್ರಾನ್ನ ಚಿತ್ರಾನ್ನ' ಹಾಡು ಪ್ರಮುಖವಾದದ್ದು.

ಸುದೀಪ್

ಯಶಸ್ಸಿನ ಉತ್ತುಂಗದಲ್ಲಿರುವ ಸುದೀಪ್ ಅವರ ವಾಯ್ಸಿಗೆ ಮರಳಾಗದವರಿಲ್ಲ. ವೀರಮದಕರಿ, ಗೂಳಿ, ಶಾಂತಿನಿವಾಸ, ರಂಗ ಎಸ್ಎಸ್ಎಲ್ಸಿ ಮುಂತಾದ ಚಿತ್ರಗಳಲ್ಲಿ ಸುದೀಪ್ ಹಾಡಿದ್ದಾರೆ. ಕೆಂಪೇಗೌಡ ಚಿತ್ರದಲ್ಲಿನ 'ಹಳೇ ರೇಡಿಯೋ' ಹಾಡು ಜನಪ್ರಿಯವಾಗಿತ್ತು.

ಪುನೀತ್ ರಾಜಕುಮಾರ್

ಬಾಲನಟನಾಗಿದ್ದಾಗಿಂದಲೇ ಪುನೀತ್ ಒಬ್ಬ ಹಾಡುಗಾರ. ಚಲಿಸುವ ಮೋಡಗಳು, ಬೆಟ್ಟದ ಹೂವು ಮುಂತಾದ ಚಿತ್ರದ ಹಾಡುಗಳು ಈಗಲೂ ಜನಪ್ರಿಯ. ತನ್ನದೇ ವಂಶಿ, ಜಾಕಿ ಚಿತ್ರದಲ್ಲಿ ಪುನೀತ್ ಹಾಡಿದ್ದಾರೆ. ಅಲ್ಲದೇ ಶಿವರಾಜ್ ಕುಮಾರ್, ಗಣೇಶ್ ಚಿತ್ರಗಳಿಗೂ ಹಾಡಿದ್ದಾರೆ. ಇತ್ತೀಚಿನ ಮೈಲಾರಿ ಚಿತ್ರದ 'ಊರಿಂದ ಓಡಿ ಬಂದ ಮೈಲಾಪುರ ಮೈಲಾರಿ' ಹಾಡು ಜನಪ್ರಿಯವಾಗಿತ್ತು.

ಗಣೇಶ್

ಯಶಸ್ಸಿನ ಹಾದಿಯ ಹುಡುಕಾಟದಲ್ಲಿರುವ ಗೋಲ್ಡನ್ ಸ್ಟಾರ್ ಗಣೇಶ್ ಕೆಲವೊಂದು ಚಿತ್ರಗಳಿಗೆ ಹಾಡಿದ್ದುಂಟು. ಕೂಲ್ ಚಿತ್ರದ "ಕಾಫಿಗೆ ಹೋಗೋಣ' ಹಾಡು ಹಿಟ್ ಆಗಿತ್ತು.

ಯೋಗೀಶ್

ಲೂಸ್ ಮಾದ ಯಾನೆ ಯೋಗೀಶ್ ಅವರಲ್ಲಿ ಕೂಡ ಹಾಡುಗಾರನಿದ್ದಾನೆ. ತನ್ನದೇ ಕಾಲಾಯ ತಸ್ಮೈ ನಮ: ಚಿತ್ರದಲ್ಲಿ ಕೊಲವರಿ ಡಿ ಸ್ಟೈಲಿನಲ್ಲಿ ಯೋಗಿ ಹಾಡೊಂದನ್ನು ಹಾಡಿದ್ದರು.