'ಅಮೂಲ್ಯ' ಮದುವೆ ಸಂಭ್ರಮ, ಈ ದಿನದ ವಿಶೇಷತೆಗಳು ಏನು?

ವರ ಪೂಜೆ ಮತ್ತು ಗಂಗೆ ಪೂಜೆ

ಆದಿಚುಂಚನಗಿರಿಯ ಕಾಲಭೈರವೇಶ್ವರ ಸನ್ನಿಧಿಯಲ್ಲಿ ವಿವಾಹಕಾರ್ಯ ನಡೆಯುತ್ತಿದೆ. ಮೊದಲು ವರಪೂಜೆ ಮತ್ತು ಗಂಗೆ ಪೂಜೆಯೊಂದಿಗೆ ಇಂದಿನ ವಿವಾಹ ಕಾರ್ಯಕ್ರಮ ಶುರುವಾಗಲಿದೆ.

ಒಕ್ಕಲಿಗ ಸಂಪ್ರದಾಯದಂತೆ ಮದುವೆ

ಅಮೂಲ್ಯ ಜಗದೀಶ್ ಅವರ ಮದುವೆ ಒಕ್ಕಲಿಗ ಸಂಪ್ರದಾಯದಂತೆ ನಡೆಯಲಿದೆ. ನಿರ್ಮಲಾನಂದ ಸ್ವಾಮಿಗಳ ಆರ್ಶಿವಾದದೊಂದಿಗೆ ವಿವಾಹ ಕಾರ್ಯಗಳು ನಡೆಯಲಿದೆ.

12 ಗಂಟೆಯಿಂದ 12.30ಕ್ಕೆ ಮುಹೂರ್ತ

ಇಂದು ಮಧ್ಯಾಹ್ನ 12 ಗಂಟೆಗೆ ಅಮೂಲ್ಯ ರವರ ಕೊರಳಿಗೆ ಜಗದೀಶ್ ಮಾಂಗಲ್ಯ ಧಾರಣೆ ಮಾಡಲಿದ್ದಾರೆ.

ಸಿಲ್ಕ್ ಸೀರೆಯಲ್ಲಿ ಮಿಂಚಲಿರೋ ಅಮೂಲ್ಯ

ಅಮೂಲ್ಯ ಇಂದು ಸಿಲ್ಕ್ ಸೀರೆಯಲ್ಲಿ ಮಿಂಚಲಿದ್ದಾರೆ. ಹಾಫ್ ವೈಟ್ ಪರ್ಪಲ್ ಬಾರ್ಡರ್ ಸಿಲ್ಕ್ ಸೀರೆ ಇದಾಗಿದೆ. ಶಿಲ್ಪಾ ಗಣೇಶ್ ಮತ್ತು ವರನ ಸಹೋದರಿ ಈ ಸೀರೆಯನ್ನ ಡಿಸೈನ್ ಮಾಡಿದ್ದಾರೆ.

ವಿವಾಹ ಪೂರ್ವ ಕಾರ್ಯಗಳು

ಮಾಂಗಲ್ಯ ಧಾರಣೆಗೂ ಮೊದಲು ಕಾಶೀಯಾತ್ರೆ, ಕಂಕಣಧಾರಣೆ, ಕನ್ಯಾದಾನ ರೀತಿಯ ವಿವಾಹ ಪೂರ್ವ ಕಾರ್ಯಗಳು ನಡೆಯಲಿದೆ.

ತಿಂಡಿಯ ಮೆನು

ಮದುವೆಯ ತಿಂಡಿಯ ಮೆನುವಿನಲ್ಲಿ ಕೇಸರಿಬಾತ್, ಇಡ್ಲಿ, ವಡಾ, ಸಾಂಬಾರ್, ಪೊಂಗಲ್ ಮತ್ತು ಖಾರಾ ಬಾತ್ ಇರಲಿದೆ.

ಊಟದ ಮೆನು

ಮಧ್ಯಾಹ್ನ ಎರಡು ಸಾವಿರ ಜನಕ್ಕೆ ಊಟದ ವ್ಯವಸ್ಥೆಯನ್ನ ಮಾಡಲಾಗಿದೆ. ಖರ್ಜೂರ ಪಾಯಸ, ಲಾಡು, ಕಾಜು ಬರ್ಫಿ, ಬೇಬಿ ಕಾರ್ನ್ ಮಂಚೂರಿ, ಅಕ್ಕಿ ರೊಟ್ಟಿ, ವೆಜ್ ಬಿರಿಯಾನಿ, ಎಣೆಗಾಯಿ ಮಸಾಲ, ಅನ್ನ ಸಾಂಬರ್, ಬೀಡಾ, ಐಸ್ ಕ್ರೀಂ ಊಟದ ಮೆನು ಆಗಿದೆ.