ಡಾ.ರಾಜ್ ಕುಮಾರ್ ಜನ್ಮದಿನ: ಧ್ರುವತಾರೆಯನ್ನು ನೆನೆದ ಸಿನಿ ತಾರೆಯರು

ನವರಸನಾಯಕ ಜಗ್ಗೇಶ್

'ಅನ್ಯತಾರೆ ಸಾಮಾನ್ಯ ಧ್ರುವತಾರೆ ಅಸಮಾನ್ಯ' 'ಗುರು ಪರಂಪರೆ ಸಾಮಾನ್ಯ, ಗುರುರಾಯರು ಅಸಮಾನ್ಯ' 'ಮನುಷ್ಯ ಸಾಮಾನ್ಯ ಅತಿಮಾನುಷ ಅಸಮಾನ್ಯ' 'ನಟ ಸಾಮಾನ್ಯ ವರನಟ ಅಸಮಾನ್ಯ' 'ಶತಮಾನಕ್ಕೆ ಬಂದು ಹೋದ ಅನೇಕರಲ್ಲಿ ಕಲಾಶ್ರೇಷ್ಠ' 'ಕನ್ನಡಕ್ಕೆ ಅಣ್ಣ ಅಂದರೆ ರಾಜಣ್ಣ' 24/4/1929 ತುಲಾರಾಶಿಯಲ್ಲಿ ಜನಿಸಿದ ಅನರ್ಘ್ಯ ರತ್ನನ ದಿನದ ಶುಭಾಶಯ' ಎಂದು ಜಗ್ಗೇಶ್ ವಿಶ್ ಮಾಡಿದ್ದಾರೆ.

ಸಿಂಪಲ್ ಸುನಿ

'ಪದ್ಮಭೂಷಣ, ಕೆಂಟಿಕಿ ಕಲೋನಿಯಲ್, ಕರ್ನಾಟಕರತ್ನ, ನ್ಯಾಷನಲ್ ಅವಾರ್ಡ್, ದಾದಾಸಾಹೇಬ್ ಫಾಲ್ಕೆ, 11 ಕರ್ನಾಟಕ ರಾಜ್ಯ ಪ್ರಶಸ್ತಿ 8 ಫಿಲ್ಮ್ ಫೇರ್ ಪ್ರಶಸ್ತಿ 'ಅಣ್ಣಾವ್ರ ಭಾವಚಿತ್ರದ ಪೋಸ್ಟಲ್ ಸ್ಟ್ಯಾಂಪ್' ಮುಗಿಯದ ಸಾಧನೆಗಳ ಪಟ್ಟಿಯ ಅಭಿಮಾನಿಗಳ ದೇವರು Dr.Rajkumar ರವರಿಗೆ 92ನೇ ಹುಟ್ಟುಹಬ್ಬದ ನಮನಗಳು' ಎಂದು ಸಿಂಪಲ್ ಸುನಿ ರಾಜ್ ಸ್ಮರಣೆ ಮಾಡಿದ್ದಾರೆ.

ನಟ ರಮೇಶ್ ಅರವಿಂದ್

ನಟ ರಮೇಶ್ ಅರವಿಂದ್, ಡಾ.ರಾಜ್ ಕುಮಾರ್ ಅವರ ಹಳೆಯ ವಿಡಿಯೋವನ್ನು ಹಂಚಿಕೊಳ್ಳುವ ಮೂಲಕ ನೆನಪಿಸಿಕೊಂಡಿದ್ದಾರೆ. ಡಾ.ರಾಜ್ ಕುಮಾರ್ ಅವರಿಗೆ ರಮೇಶ್ ಅರವಿಂದ್ ಹಾರ ಹಾಕುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.

Recommended Video

ಅಪ್ಪನಿಗೆ Puneeth Rajkumar ರಿಂದ ಹೃದಯಸ್ಪರ್ಶಿ ಗೀತೆಯ ಕೊಡುಗೆ | Filmibeat Kannada

ಪವನ್ ಒಡೆಯರ್ ವಿಶ್

ನಿರ್ದೇಶಕ ಪವನ್ ಒಡೆಯರ್ ಕೂಡ ಡಾ.ರಾಜ್ ಸ್ಮರಣೆ ಮಾಡಿದ್ದಾರೆ. ಡಾ.ರಾಜ್ ಕುಮಾರ್ ಅವರ ಸುಂದರ ಫೋಟೊವನ್ನು ಹಂಚಿಕೊಳ್ಳುವ ಮೂಲಕ ವರನಟನಿಗೆ ಶುಭಕೋರಿದ್ದಾರೆ.