ಇಡೀ ಸ್ಯಾಂಡಲ್ ವುಡ್ ಒಗ್ಗಟ್ಟಿಗೆ ರಂಗಮಂಚ ಸಿದ್ಧ

ಎಸ್.​ ಸಿ.ಎಲ್​ ಮೂಲಕ ಒಂದಾಗಲಿರುವ ಸ್ಯಾಂಡಲ್ ವುಡ್

ಎಸ್​ .ಸಿ.ಎಲ್​ ಅಂದ್ರೆ (ಸ್ಯಾಂಡಲ್ ವುಡ್ ಕ್ರಿಕೆಟ್​ ಲೀಗ್​). ಇದು ಸ್ಯಾಂಡಲ್​ವುಡ್​ ಸ್ಟಾರ್​ಗಳನ್ನು ಕ್ರಿಕೆಟ್​ ಮೈದಾನದಲ್ಲಿ ಸೇರಿಸುವ ವಿಶೇಷ ಹಾಗೂ ವಿನೂತನ ಪ್ರಯತ್ನ. ಈ ಹಿಂದೆಯೂ ಸ್ಟಾರ್​ಗಳು ಕ್ರಿಕೆಟ್​ ಆಡಿರುವುದನ್ನು ನೀವು ನೋಡಿರಬಹುದು. ಆದ್ರೆ ಎಸ್.​ಸಿ.ಎಲ್​ ಎಲ್ಲಕಿಂತ ವಿಭಿನ್ನ ಮತ್ತು ವಿಶೇಷ.

ಎಷ್ಟು ತಂಡಗಳು?

ಎಸ್​ .ಸಿ.ಎಲ್​ನಲ್ಲಿ ಒಟ್ಟು 8 ತಂಡಗಳಿರುತ್ತವೆ. ಎರಡು ಪೂಲ್​ಗಳಲ್ಲಿ ತಲಾ ನಾಲ್ಕು ತಂಡಗಳು. ಆಯಾ ಪೂಲ್​ನಲ್ಲಿ ಅತಿ ಹೆಚ್ಚು ಗೆಲುವು ಸಾಧಿಸುವ ತಂಡಗಳು ಮುಂದಿನ ಸುತ್ತಿಗೆ ಹೋಗುತ್ತವೆ. ಮೊದಲು ಲೀಗ್​, ನಂತರ ಸೆಮೀಸ್​ ಬಳಿಕ ಫೈನಲ್ಸ್.

'ಅತಿರಥ ಮಹಾರಥರ' ಹೆಸರು

ಕನ್ನಡ ಚಿತ್ರರಂಗದಲ್ಲಿ ಹಲವು ದಶಕಗಳ ಕಾಲ ಸೇವೆ ಸಲ್ಲಿಸಿದ ಮಹಾನ್​ ನಟರ ಹೆಸರನ್ನೇ ಎಂಟೂ ಟೀಮ್ ಗಳಿಗೂ ನಾಮಕರಣ ಮಾಡಿರೋದು ಎಸ್​.ಸಿ.ಎಲ್​ ನ ಸ್ಪೆಷಾಲಿಟಿ.

ಪಂದ್ಯಗಳು ಎಲ್ಲೆಲ್ಲಿ?

ಹುಬ್ಬಳ್ಳಿ, ಶಿವಮೊಗ್ಗ, ದಾವಣಗೆರೆ, ಬಾಗಲಕೋಟೆ, ಮೈಸೂರಿನಲ್ಲಿ ಪಂದ್ಯಗಳು ನಡೆಯಲಿದ್ದು, ಫೈನಲ್ ಮ್ಯಾಚ್ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆಯೋಜಿಸಲಾಗಿದೆ.

ಪೂಲ್​ ಎ ತಂಡಗಳು ಇಂತಿವೆ:

ರಾಜ್​ ರೈಡರ್ಸ್​
ನರಸಿಂಹ ರೋರರ್ಸ್​
ವಜ್ರಮುನಿ ಹಿಟ್ಟರ್ಸ್​
ಶಕ್ತಿಪ್ರಸಾದ್ ​ ಥಂಡರ್ಸ್​

ಪೂಲ್​ ಬಿ ತಂಡಗಳು ಇಂತಿವೆ:

ಶಂಕರ್​ ಪ್ಯಾಂಥರ್ಸ್​
ಕರುನಾಡ ಟೈಗರ್ಸ್
ತೂಗುದೀಪ ಚಾಲೆಂಜರ್ಸ್​
ವಿಷ್ಣುವರ್ಧನ ವಾರಿಯರ್ಸ್​

ಲೋಗೋ ಲಾಂಚ್​

ಮೊನ್ನೆ ಶನಿವಾರವಷ್ಟೇ ಎಸ್.ಸಿ.ಎಲ್ ಲೋಗೋ ಲಾಂಚ್ ಕಾರ್ಯಕ್ರಮ ಅದ್ದೂರಿಯಾಗಿ ನೆರವೇರಿತು. ನವರಸ ನಾಯಕ ಜಗ್ಗೇಶ್​, ಲೂಸ್​ ಮಾದ ಯೋಗಿ, ದೂದ್​ಪೇಡಾ ದಿಗಂತ್​ ಸೇರಿದಂತೆ ಚಿತ್ರರಂಗದ ಹಲವು ಮಂದಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.

ಯೋಗಿ ಎಚ್ಚರಿಕೆ

'ಶಂಕರ್​ ಪ್ಯಾಂಥರ್ಸ್'​ ಟೀಮ್​ನಲ್ಲಿ ಆಡುತ್ತಿರುವ ಲೂಸ್​ ಮಾದ ಯೋಗಿ, ''ನಾವೇ ಈ ಬಾರಿಯ ಎಸ್​ಸಿಎಲ್​ ಗೆಲ್ಲೋದು ಹುಷಾರಾಗಿರಿ'' ಅಂತ ಎಲ್ಲರಿಗೂ ಎಚ್ಚರಿಕೆ ನೀಡಿದರು.

ಆಯೋಜಕರು ಯಾರು?

ಲೆಜೆಂಡರಿ ಎಂಟರ್​ಟೈನ್ಮೆಂಟ್​ ಪ್ರೈವೇಟ್​ ಲಿಮಿಟೆಡ್​ ಮುಂಬೈ ಮೂಲದ ಸಂಸ್ಥೆಯಾಗಿದ್ದು, ಗಜಾನನ ಎಸ್​.ಕೆ ಇದರ ಸಂಸ್ಥಾಪಕರು. ಜಾಹೀರಾತು ಹಾಗೂ ಸಿನಿಮಾ ನಿರ್ಮಾಣ, ಈವೆಂಟ್​ ಮ್ಯಾನೇಜ್ಮೆಂಟ್​, ಬ್ರ್ಯಾಂಡ್​ ಪ್ರಮೋಷನ್ಸ್​ ಸೇರಿದಂತೆ ಹಲವಾರು ಸಿನಿಮಾ ಹಾಗೂ ಕ್ರಿಕೆಟ್​ ಸಂಬಂಧಿ ಕಾರ್ಯಕ್ರಮಗಳನ್ನು ಯಶಸ್ವಿಯಾಗಿ ಆಯೋಜಿಸಿರುವ ಹೆಗ್ಗಳಿಕೆ ಲೆಜೆಂಡರಿ ಎಂಟರ್​ಟೈನ್ಮೆಂಟ್​ ಸಂಸ್ಥೆಯದ್ದು. ಇಂತಹ ಅತ್ಯುನ್ನತ ಲೆಜೆಂಡರಿ ಎಂಟರ್​ಟೈನ್ಮೆಂಟ್​ ಸಂಸ್ಥೆ ಈಗ ಕರ್ನಾಟಕಕ್ಕೂ ಪದಾರ್ಪಣೆ ಮಾಡಿದೆ. ಸ್ಯಾಂಡಲ್​ವುಡ್​ ನ ಕ್ರಿಕೆಟ್​ ಮೂಲಕ ಒಂದು ಗೂಡಿಸಲು ಮುಂದಾಗಿದೆ.