ನಂಬಲಾಗದ ಸ್ಯಾಂಡಲ್ ವುಡ್ ನ ಭಲೇ ಜೋಡಿ

ದರ್ಶನ್-ರಾಗಿಣಿ

ಯಾವ ಯಾಂಗಲ್ ನಿಂದ ನೋಡಿದ್ರೂ ಇದು ಸೂಪರ್ ಜೋಡಿ. ಹೈಟು ಪರ್ಸನಾಲಿಟಿಯಲ್ಲಂತೂ ಕಿಚ್ಚ ಸುದೀಪ್ ಗಿಂತ ರಾಗಿಣಿ ಪರ್ಫೆಕ್ಟ್ ಮ್ಯಾಚಿಂಗ್ ಅನ್ನಿಸೋದು ಚಾಲೆಂಜಿಂಗ್ ಸ್ಟಾರ್ ಗೆ. ಆದ್ರೆ ಇಲ್ಲೀವರೆಗೂ ಚಾಲೆಂಜಿಂಗ್ ಸ್ಟಾರ್-ರಾಗಿಣಿ ಒಂದಾಗಿ ನಟಿಸಿಲ್ಲ.

ಕ್ರೇಜಿಸ್ಟಾರ್-ಕ್ರೇಜಿಕ್ವೀನ್

ಸ್ಯಾಂಡಲ್ ವುಡ್ ನ ಕ್ರೇಜಿಸ್ಟಾರ್ ರವಿಚಂದ್ರನ್ ಹಾಗೂ ಸ್ಯಾಂಡಲ್ ವುಡ್ ಕ್ರೇಜಿಕ್ವೀನ್ ಜೊತೆಗೆ 'ಒಡಹುಟ್ಟಿದವಳು' ಚಿತ್ರದಲ್ಲಿ ನಟಿಸಿದ್ದರು. ಪ್ರೇಕ್ಷಕರು ಈ ಜೋಡಿಯನ್ನು ಮರೆತುಹೋಗಿದೆ. ಕ್ರೇಜಿಸ್ಟಾರ್ ರವಿಮಾಮ-ಕ್ರೇಜಿಕ್ವೀನ್ ರಕ್ಷಿತಾ ಮತ್ತೊಮ್ಮೆ ಜೋಡಿಯಾದ್ರೆ ಆ ರೋಮ್ಯಾನ್ಸ್ ಮತ್ಯಾವ ಜೋಡಿ ಕೊಡೋಕೇ ಸಾಧ್ಯ ಹೇಳಿ.

ಉಪೇಂದ್ರ-ರಾಧಿಕಾ ಪಂಡಿತ್

ಕನ್ನಡದ ಟಿಪಿಕಲ್ ಟ್ಯಾಲೆಂಟೆಡ್ ನಟ ರಿಯಲ್ ಸ್ಟಾರ್ ಉಪ್ಪಿಗೆ ರಾಧಿಕಾ ಪಂಡಿತ್ ಜೋಡಿಯಾದ್ರೆ ಸೂಪರ್ ಅಲ್ವಾ. ಉಪ್ಪಿ ಆಕ್ಟಿಂಗ್ ಜೊತೆಗೆ ಡೈರೆಕ್ಷನ್ ಇದ್ರಂತೂ ಇನ್ನೂ ಸೂಪರ್. ಯಾಕಂದ್ರೆ ರಾಧಿಕಾ ಪಂಡಿತ್ ಆಕ್ಟಿಂಗ್ ವಿಷಯದಲ್ಲಿ ಯಾರಿಗೂ ಕಮ್ಮಿ ಇಲ್ಲ.

ಪ್ರೇಮ್-ರಮ್ಯ

ಲಕ್ಕಿ ಕ್ವೀನ್-ಲವ್ಲಿಸ್ಟಾರ್ ಆ ಜೋಡಿಯನ್ನ ಕಲ್ಪಿಸಿಕೊಂಡ್ರೇ ಥ್ರಿಲ್ಲಿಂಗ್. ಪ್ರೇಮ್ ಗೆ ರಮ್ಯಾ ಜೋಡಿಯಾದ್ರೆ ಅದೊಂಥರಾ ಇಂಟರೆಷ್ಟಿಂಗ್ ಪೇರ್. ಇವರಿಬ್ಬರೂ 'ಜೊತೆಜೊತೆಯಲಿ' ಮತ್ತೊಮ್ಮೆ ಕಾಣಿಸಿಕೊಂಡರೆ ಸೂಪರ್ ಅಲ್ವಾ. ಸ್ಯಾಂಡಲ್ ವುಡ್ ಸೂಪರ್ ಹ್ಯಾಂಡ್ಸಮ್-ಸೂಪರ್ ಬ್ಯೂಟಿ ಈ ಇಬ್ಬರನ್ನ ಲವ್ಲೀ ಜೋಡಿ ಅಂಥ ಎಲ್ಲರೂ ಹೇಳೋದ್ರಲ್ಲಿ ಅನುಮಾನವೇ ಇಲ್ಲ.

ಪುನೀತ್-ರಾಧಿಕಾ ಕುಮಾರಸ್ವಾಮಿ

ಪವರ್ ಸ್ಟಾರ್ ಮತ್ತು ರಾಧಿಕಾ ಕುಮಾರಸ್ವಾಮಿ ಜೋಡಿಯಾದ್ರೆ ವಾವ್ ಅನ್ನಹುದು. ಇಬ್ಬರೂ ಅದ್ಭುತ ಡಾನ್ಸರ್. ಈ ಇಬ್ಬರ ಹೈಟು ವೈಟು ಸಖತ್ ಮ್ಯಾಚಿಂಗ್. ಅಭಿನಯದಲ್ಲೂ ಸೂಪರ್ ಆದ್ರೆ ಯಾವಾಗ್ ಜೋಡಿಯಾಗ್ತಾರೋ ಗೊತ್ತಿಲ್ಲ.

ಸುದೀಪ್-ರಾಧಿಕಾ ಪಂಡಿತ್

ಇವರಿಬ್ಬರೂ ಒಂಥರಾ ಅಭಿನಯ ಸಾಧಕರು. ಸತತ ಮೂರು ರಾಜ್ಯ ಪ್ರಶಸ್ತಿ ಪಡೆದಿರೋ ಹ್ಯಾಟ್ರಿಕ್ ಹೀರೋಯಿನ್ ರಾಧಿಕಾ ಪಂಡಿತ್. ನಾಲ್ಕು ಫಿಲಂಫೇರ್ ಪಡೆದಿರೋ ಕಿಚ್ಚ ಸುದೀಪ್ ಇವರಿಬ್ಬರೂ ಒಂದಾದ್ರೆ ಅಭಿನಯದ ಹಬ್ಬ ಖಂಡಿತ.