Don't Miss!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Automobiles Tata Curvv Vs Citroen Basalt: ಟಾಟಾಗೆ ಸೆಡ್ಡು ಹೊಡೆಯುವ ತಾಕತ್ತಿದೆಯೇ?
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ರಾಜಕುಮಾರ' ಕಲೆಕ್ಷನ್ ಬಗ್ಗೆ ಅವರಿವರ ಮಾತು ನಂಬಬೇಡಿ: ನಿರ್ದೇಶಕರು ಕೊಟ್ರು ಪಕ್ಕಾ ಲೆಕ್ಕ
ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಬಾಕ್ಸ್ ಆಫೀಸ್ ಧೂಳೆಬ್ಬಿಸಿ ಮುನ್ನುಗ್ಗುತ್ತಿದೆ. 6 ವಾರ ಕಳೆದರು ಬಹುತೇಕ ಚಿತ್ರಮಂದಿರಗಳಲ್ಲಿ ಹೌಸ್ ಪುಲ್ ಪ್ರದರ್ಶನ ಕಾಣುತ್ತಿದೆ. ಈ ಮಧ್ಯೆ ಕಲೆಕ್ಷನ್ ನಲ್ಲೂ ಅಬ್ಬರಿಸುತ್ತಿರುವ 'ರಾಜಕುಮಾರ' 100 ಕೋಟಿ ಗಳಿಸಿದೆ ಎಂದು ಗಾಂಧಿನಗರ ಪಂಡಿತರು ಮಾತನಾಡಿಕೊಳ್ಳುತ್ತಿದ್ದರು.[ವಿಮರ್ಶೆ: ಡಾ'ರಾಜಕುಮಾರ' ಹೆಸರು ಉಳಿಸಿದ ಸಿನಿಮಾ]
ಆದ್ರೆ, ಕನ್ನಡದಲ್ಲಿ 100 ಕೋಟಿ ಗಳಿಸುವುದು ಸಾಧ್ಯನಾ ಎಂಬ ಪ್ರಶ್ನೆ ಹಲವರನ್ನ ಕಾಡಿತ್ತು. ಈಗ ಇದಕ್ಕೆಲ್ಲ 'ರಾಜಕುಮಾರ' ಚಿತ್ರದ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ತೆರೆ ಎಳೆದಿದ್ದಾರೆ. 6 ವಾರಗಳ ಅಂತ್ಯಕ್ಕೆ 'ರಾಜಕುಮಾರ' ಎಷ್ಟು ಗಳಿಸಿದ್ದಾನೆ ಎಂಬ ಪಕ್ಕಾ ಲೆಕ್ಕವನ್ನ ಹೇಳಿದ್ದಾರೆ.
'ರಾಜಕುಮಾರ' ನಿಜವಾದ ಕಲೆಕ್ಷನ್ ಬಗ್ಗೆ ತಿಳಿದುಕೊಳ್ಳಲು ಮುಂದೆ ಓದಿ.....
'ರಾಜಕುಮಾರ'ನ ಒಟ್ಟು ಕಲೆಕ್ಷನ್ ಎಷ್ಟು ಗೊತ್ತಾ?
ನಿರ್ದೇಶಕರೇ ಸ್ವಷ್ಟಪಡಿಸಿರುವ ಪ್ರಕಾರ 'ರಾಜಕುಮಾರ' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ 50 ಕೋಟಿ ಗಳಿಸುವತ್ತ ಮುನ್ನುಗ್ಗುತ್ತಿದೆ. ಇಲ್ಲಿಯವರೆಗೂ ಸುಮಾರು 46 ಕೋಟಿ ಗಳಿಸಿರುವ 'ರಾಜಕುಮಾರ' ನಿರ್ಮಾಪಕರ ಕೈಗೆ 31 ಕೋಟಿ ಸೇರಿದೆಯಂತೆ .['ರಾಜಕುಮಾರ'ನ ನಿಜವಾದ ಕಲೆಕ್ಷನ್ ಗುಟ್ಟು ರಟ್ಟು ಮಾಡಿದ ನಿರ್ದೇಶಕ]
ಕನ್ನಡದ ನಂಬರ್ 1 ಸಿನಿಮಾ!
ದಾಖಲೆಗಳ ಪ್ರಕಾರ 'ರಾಜಕುಮಾರ' ಕನ್ನಡದಲ್ಲಿ ಅತಿ ಹೆಚ್ಚು ಗಳಿಸಿದ ಚಿತ್ರ ಎಂಬ ದಾಖಲೆಯನ್ನ ಮಾಡಿದೆ. ಈ ಹಿಂದೆ 'ಮುಂಗಾರು ಮಳೆ' ಮತ್ತು 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರಗಳ ಕಲೆಕ್ಷನ್ ದಾಖಲೆಯನ್ನ ಬ್ರೇಕ್ ಮಾಡಿ ಹೊಸ ಇತಿಹಾಸ ಸೃಷ್ಠಿಸಿದೆ.['ರಾಜಕುಮಾರ'ನ ರಾಜ್ಯಭಾರ ಕಂಡು ಪುನೀತ್ ಗೆ ಜೈಕಾರ ಹಾಕಿದ ಸಿದ್ದರಾಮಯ್ಯ.!]
50 ಕೋಟಿಯತ್ತ 'ರಾಜಕುಮಾರ'ನ ಹೆಜ್ಜೆ!
ಸದ್ಯ ಕನ್ನಡದ ಆಲ್ ಟೈಮ್ ಕಲೆಕ್ಷನ್ ರೆಕಾರ್ಡ್ ಬ್ರೇಕ್ ಮಾಡಿರುವ 'ರಾಜಕುಮಾರ' ಈಗ 50 ಕೋಟಿ ಸನಿಹದಲ್ಲಿದ್ದಾನೆ. ಆದಷ್ಟೂ ಬೇಗ ಗಲ್ಲಾಪೆಟ್ಟಿಗೆಯಲ್ಲಿ 50 ಕೋಟಿ ಮಾಡಲಿದ್ದಾನೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಈ ಮೂಲಕ ಕನ್ನಡದಲ್ಲಿ 50 ಕೋಟಿ ಗಳಿಸಿದ ಮೊದಲ ಸಿನಿಮಾ ಎಂಬ ಖ್ಯಾತಿಗೆ 'ರಾಜಕುಮಾರ' ಪಾತ್ರವಾಗಲಿದೆ.
'ಹೆಬ್ಬುಲಿ' ಕಲೆಕ್ಷನ್ ಎಷ್ಟಾಗಿದೆ?
ಮತ್ತೊಂದೆಡೆ ಸುದೀಪ್ ಅಭಿನಯದ 'ಹೆಬ್ಬುಲಿ' ಚಿತ್ರ 100 ಕೋಟಿ ಗಳಿಸಿದೆ ಎಂಬ ಸುದ್ದಿಯೂ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ. ಆದ್ರೆ, 'ಹೆಬ್ಬುಲಿ'ಯ ಒಟ್ಟಾರೆ ಕಲೆಕ್ಷನ್ ಬಿಟ್ಟು ನಿಮಾರ್ಪಕರಿಗೆ 20 ಕೋಟಿ ಸಿಕ್ಕಿದೆಯಂತೆ. 'ರಾಜಕುಮಾರ' ಚಿತ್ರವೇ ಕನ್ನಡದ ಮೊದಲ 50 ಕೋಟಿ ಸಿನಿಮಾ ಆಗುತ್ತೆ ಎನ್ನುವುದಾದರೇ, ನಿಜಕ್ಕೂ 'ಹೆಬ್ಬುಲಿ' ಗಳಿಕೆ ಎಷ್ಟು ಎಂಬ ಪ್ರಶ್ನೆ ಕಾಡುತ್ತಿದೆ.
ಕನ್ನಡಕ್ಕೆ ಹೆಮ್ಮ ತಂದ ಚಿತ್ರಗಳು
ಕಲೆಕ್ಷನ್ ವಿಚಾರದಲ್ಲಿ ಹಿಂದೆ ಮುಂದೆ ಇದ್ದರೂ, 'ರಾಜಕುಮಾರ', 'ಹೆಬ್ಬುಲಿ', 'ಕಿರಿಕ್ ಪಾರ್ಟಿ', ಅಂತಹ ಚಿತ್ರಗಳು ಕನ್ನಡ ಚಿತ್ರರಂಗಕ್ಕೆ ಹೆಮ್ಮೆ. ಯಾಕಂದ್ರೆ, ಸ್ಯಾಂಡಲ್ ವುಡ್ ಮಾರುಕಟ್ಟೆಯನ್ನ ವಿಶ್ವಜಗತ್ತಿನಲ್ಲಿ ವಿಸ್ತರಿಸುವಂತೆ ಮಾಡುವಲ್ಲಿ ಈ ಚಿತ್ರಗಳು ಪಾತ್ರ ಹೆಚ್ಚಿದೆ.