ಸಂತೋಷ್ ಆನಂದ್ ರಾಮ್ ಬರೆದಿರುವ 5 ಹಾಡು ಸೂಪರ್ ಹಿಟ್

ರಾಕಿಗೆ ಮೊದಲ ಹಾಡು

ದಾಖಲೆಗಳ ಪ್ರಕಾರ ರಾಕಿಂಗ್ ಸ್ಟಾರ್ ಯಶ್ ಅಭಿನಯಿಸಿದ್ದ ರಾಕಿ ಚಿತ್ರದಲ್ಲಿ ಸಂತೋಷ್ ಆನಂದ್ ರಾಮ್ ಒಂದು ಹಾಡು ಬರೆದಿದ್ದಾರೆ. '20-20 ಬಲ್ಲೆ ಬಲ್ಲೆ' ಹಾಡಿಗೆ ಸಂತೋಷ್ ಸಾಹಿತ್ಯ ರಚಿಸಿದ್ದಾರೆ. ಈ ಹಾಡನ್ನ ತೆಲುಗಿನ ಖ್ಯಾತ ಸಂಗೀತ ನಿರ್ದೇಶಕ, ಗಾಯಕ ದೇವಿಶ್ರೀ ಪ್ರಸಾದ್ ಹಾಡಿದ್ದು ವಿಶೇಷ. ಈ ಹಾಡು ಆ ಸಮಯಕ್ಕೆ ಸದ್ದು ಮಾಡಿತ್ತಾದರೂ ಈಗ ನೆನಪಿಲ್ಲ ಅಷ್ಟೇ.

ಯಾರಲ್ಲಿ ಸೌಂಡು ಮಾಡೋದು

ಸಂತೋಷ್ ಆನಂದ್ ರಾಮ್ ನಿರ್ದೇಶಕರಾಗಿ ಕೆಲಸ ಮಾಡಿದ ಮೊದಲ ಸಿನಿಮಾ ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ. ಈ ಚಿತ್ರ ಮತ್ತು ಹಾಡುಗಳು ಸೂಪರ್ ಹಿಟ್ ಆಗಿತ್ತು. ಅದರಲ್ಲೂ ಸಂತೋಷ್ ಬರೆದಿದ್ದ ಯಾರಲ್ಲಿ ಸೌಂಡು ಮಾಡೋದು ಹಾಡಂತೂ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು. ಯಶ್ ಬಗ್ಗೆ ಮಾತಾಡೋರಿಗೆ ಈಗಲೂ ಈ ಹಾಡು ಉತ್ತರವಾಗಿದೆ.

ಬೊಂಬೆ ಹೇಳುತೈತೆ

ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ ಚಿತ್ರದ ಬಳಿಕ ರಾಜಕುಮಾರ ಸಿನಿಮಾಗೆ ನಿರ್ದೇಶನ ಮಾಡಿದ್ರು. ಈ ಸಿನಿಮಾ ಇಂಡಸ್ಟ್ರಿ ಹಿಟ್ ಎನಿಸಿಕೊಂಡಿತ್ತು. ಅದಕ್ಕಿಂತ ದೊಡ್ಡ ಹಿಟ್ ಆಗಿದ್ದು ಸಂತೋಷ್ ಬರೆದಿದ್ದ ಹಾಡು 'ಬೊಂಬೆ ಹೇಳುತೈತೆ'. ಹರಿಕೃಷ್ಣ ನಿರ್ದೇಶನ, ವಿಜಯ್ ಪ್ರಕಾಶ್ ಗಾಯನ ಮೂಡಿಬಂದಿದ್ದ ಈ ಹಾಡು ಆಲ್ ಟೈಂ ಹಿಟ್ ಆಗಿದೆ. ಈ ಹಾಡಿನ ಸಾಹಿತ್ಯಕ್ಕೆ ಸೈಮಾ ಪ್ರಶಸ್ತಿ ಸಿಕ್ಕಿದೆ.

ರಾಜಕುಮಾರ ಚಿತ್ರದಲ್ಲಿ 3 ಹಾಡು

ಬೊಂಬೆ ಹೇಳುತೈತೆ ಹಾಡಿನ ಜೊತೆ ಇನ್ನು ಎರಡು ಹಾಡುಗಳಿಗೆ ಸಂತೋಷ್ ಆನಂದ್ ರಾಮ್ ಸಾಹಿತ್ಯವಿದೆ. ಯಾರಿವನು ಕನ್ನಡದವನು ಹಾಗೂ ಅಪ್ಪು ಡ್ಯಾನ್ಸ್ ಹಾಡಿಗೆ ಸಾಹಿತ್ಯ ರಚಿಸಿದ್ದು ಇದೇ ಸಂತೋಷ್. ಅಲ್ಲಿಗೆ ಈ ಹಾಡುಗಳು ಕೂಡ ಸೂಪರ್ ಹಿಟ್ ಆಗಿತ್ತು.

ಈಗ ಯಜಮಾನ

ಈ ಹಿಂದಿನ ಎಲ್ಲ ಹಾಡುಗಳು ಹಿಟ್ ಆಗಿವೆ. ಅದೇ ನಿರೀಕ್ಷೆಯಲ್ಲಿ ಈಗ ಯಜಮಾನ ಚಿತ್ರದ ಹಾಡು ಕೂಡ ಬಂದಿದೆ. ಫೆಬ್ರವರಿ 5ಕ್ಕೆ ಯಜಮಾನ ಟೈಟಲ್ ಹಾಡು ಬಿಡುಗಡೆಯಾಗುತ್ತಿದೆ. ಹರಿಕೃಷ್ಣ ಮತ್ತು ಸಂತೋಷ್ ಜೋಡಿಯಲ್ಲಿ ಈ ಹಾಡು ಬರ್ತಿರುವುದು ವಿಶೇಷ.