ಬಾಲಿವುಡ್ ನಲ್ಲಿ ನಿಖಿಲ್ ಕುಮಾರ್ ಗೆ ಇಷ್ಟೊಂದು 'ಬೆಲೆ' ಇದ್ಯಾ.?

ಹಿಂದಿ ಸ್ಯಾಟೆಲೈಟ್ ರೈಟ್ಸ್ ಸೇಲ್

ನಿಖಿಲ್ ಕುಮಾರ್ ಹಾಗೂ ರಚಿತಾ ರಾಮ್ ಅಭಿನಯದ 'ಸೀತಾರಾಮ ಕಲ್ಯಾಣ' ಚಿತ್ರದ ಹಿಂದಿ ಸ್ಯಾಟೆಲೈಟ್ಸ್ ಬರೋಬ್ಬರಿ 5.5 ಕೋಟಿ ರೂಪಾಯಿಗೆ ಸೇಲ್ ಆಗಿದೆ. ಇದು ಕನ್ನಡ ಚಿತ್ರರಂಗದ ಮಟ್ಟಿಗೆ ದಾಖಲೆಯೇ ಸರಿ.

ಎಲ್ಲದಕ್ಕೂ 'ಜಾಗ್ವಾರ್' ಕಾರಣ.!

'ಸೀತಾರಾಮ ಕಲ್ಯಾಣ' ಚಿತ್ರದ ಹಿಂದಿ ಅವತರಣಿಕೆಯ ಥಿಯೇಟ್ರಿಕಲ್ ಹಾಗೂ ಸ್ಯಾಟೆಲೈಟ್ಸ್ ರೈಟ್ಸ್ RK Duggal ಸ್ಟುಡಿಯೋಸ್ ಪಾಲಾಗಿದೆ. 'ಜಾಗ್ವಾರ್' ಚಿತ್ರದ ಹಿಂದಿ ವರ್ಷನ್ ಹಾಗೂ ಅದಕ್ಕೆ ಸಿಕ್ಕ ಪ್ರತಿಕ್ರಿಯೆ ನೋಡಿ ಕ್ಲೀನ್ ಬೌಲ್ಡ್ ಆಗಿರುವ ಇವರು 'ಸೀತಾರಾಮ ಕಲ್ಯಾಣ' ಚಿತ್ರದ ಹಿಂದಿ ಪ್ರಸಾರ ಹಕ್ಕುಗಳಿಗಾಗಿ ಕೋಟ್ಯಾಂತರ ರೂಪಾಯಿ ಸುರಿದಿದ್ದಾರೆ.

ಧೂಳೆಬ್ಬಿಸಿದ 'ಸೀತಾರಾಮ ಕಲ್ಯಾಣ' ಟೀಸರ್

ಒಂದು ತಿಂಗಳ ಹಿಂದೆಯಷ್ಟೇ ಬಿಡುಗಡೆ ಆದ 'ಸೀತಾರಾಮ ಕಲ್ಯಾಣ' ಚಿತ್ರದ ಟೀಸರ್ ಗೆ ಯೂಟ್ಯೂಬ್ ನಲ್ಲಿ 65 ಲಕ್ಷಕ್ಕೂ ಹೆಚ್ಚಿನ ವ್ಯೂಸ್ ಲಭ್ಯವಾಗಿದೆ. ಮಾಸ್ ಹಾಗೂ ಕ್ಲಾಸ್ ಪ್ರೇಕ್ಷಕರಿಗೆ ಹೇಳಿ ಮಾಡಿಸಿದ ಹಾಗಿರುವ ಈ ಚಿತ್ರಕ್ಕೆ ಎ ಹರ್ಷ ಆಕ್ಷನ್ ಕಟ್ ಹೇಳಿದ್ದಾರೆ.

ನಿಖಿಲ್ ಎರಡನೇ ಸಿನಿಮಾ 'ಕುರುಕ್ಷೇತ್ರ'

ಹಾಗ್ನೋಡಿದ್ರೆ, ನಿಖಿಲ್ ಕುಮಾರ್ ಅಭಿನಯಿಸಿದ ಎರಡನೇ ಸಿನಿಮಾ 'ಕುರುಕ್ಷೇತ್ರ'. ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿ ಇರುವ 'ಕುರುಕ್ಷೇತ್ರ' ಯಾವಾಗ ತೆರೆಗೆ ಬರುತ್ತೋ, ಗೊತ್ತಿಲ್ಲ. 'ಕುರುಕ್ಷೇತ್ರ'ಕ್ಕೂ ಮುನ್ನ 'ಸೀತಾರಾಮ ಕಲ್ಯಾಣ' ತೆರೆಗೆ ಬಂದರೂ ಅಚ್ಚರಿ ಇಲ್ಲ.