ಶೈನ್ ಶೆಟ್ಟಿ- ಗಾಯಕಿ ಸಂಗೀತಾ ಕೊನೆಗೂ ಸರ್ಪ್ರೈಸ್ ಕೊಟ್ಟೆ ಬಿಟ್ಟರು!

ನಿಶ್ಚಿತಾರ್ಥನೂ ಅಲ್ಲ, ಮದ್ವೆನೂ ಅಲ್ಲ

ಶೈನ್ ಶೆಟ್ಟಿ ಮತ್ತು ಸಂಗೀತಾ ರಾಜೀವ್ ವಿಚಾರದಲ್ಲಿ ಎಲ್ಲರೂ ಊಹಿಸಿದ್ದು ಸುಳ್ಳಾಗಿದೆ. ಸರ್ಪ್ರೈಸ್ ಎಂದು ಹೇಳಿದ್ದು ನಿಶ್ಚಿತಾರ್ಥನೂ ಇಲ್ಲ, ಮದ್ವೆ ಸುದ್ದಿನೂ ಅಲ್ಲ. ಅವರಿಬ್ಬರು ಒಟ್ಟಿಗೆ ಸೇರಿ ಮಾಡುತ್ತಿರುವ ಹೊಸ ಪ್ರಾಜೆಕ್ಟ್ ಕುರಿತು ಘೋಷಣೆ ಮಾಡಿದ್ದಾರೆ. 'ನೀನೇ ನೀನೇ' ಎಂಬ ಹೊಸ ಆಲ್ಬಮ್ ಸಾಂಗ್ ಮಾಡಿರುವ ಬಗ್ಗೆ ಸರ್ಪ್ರೈಸ್ ನೀಡಿದ್ದಾರೆ.

ಸಂಗೀತಾ ಕಂಪೋಸ್, ಶೈನ್ ನಟನೆ

ಸಂಗೀತಾ ರಾಜೀವ್ ಕಂಪೋಸ್ ಮಾಡಿ ಹಾಡಿರುವ 'ನೀನೇ ನೀನೇ' ಹಾಡಿಗೆ ಶೈನ್ ಶೆಟ್ಟಿ ನಟನೆ ಮಾಡಿದ್ದಾರೆ. ವಿಶೇಷ ಅಂದ್ರೆ ಸಂಗೀತಾ ಜೊತೆ ಈ ಹಾಡಿಗೆ ಸೋನು ನಿಗಮ್ ಸಹ ಗಾಯಕರಾಗಿದ್ದಾರೆ. ಸಂಗೀತಾ ಮತ್ತು ಶ್ರೀನಾಥ್ ಎಂಬುವರು ಸಾಹಿತ್ಯ ರಚಿಸಿದ್ದು, ಸೆಪ್ಟೆಂಬರ್ 28ಕ್ಕೆ ಟೀಸರ್ ಬಿಡುಗಡೆಯಾಗಲಿದೆ.

ನಿರಾಸೆಯೂ ಕಂಡು ಬಂತು

ಶೈನ್ ಶೆಟ್ಟಿ ಮತ್ತು ಸಂಗೀತಾ ಇಬ್ಬರು ಭಾನುವಾರ ಸರ್ಪ್ರೈಸ್ ಕೊಡ್ತಾರೆ ಎಂದಾಗ, ಬಹುಶಃ ಎಂಗೇಜ್ ಆಗಿರುವುದನ್ನು ಬಹಿರಂಗಪಡಿಸಲಿದ್ದಾರೆ ಎಂದು ನಿರೀಕ್ಷಿಸಿದ್ದ ಕೆಲವರು, ಈ ಸುದ್ದಿಯಿಂದ ನಿರಾಸೆಯೂ ಆಗಿದ್ದಾರೆ. ಅದನ್ನು ಕಾಮೆಂಟ್ ಮೂಲಕ ವ್ಯಕ್ತಪಡಿಸಿದ್ದಾರೆ.

Recommended Video

ಜೊತೆ ಜೊತೆಯಲಿ ಮೇಘ ಶೆಟ್ಟಿಗೆ ಬಂತು ಬಂಪರ್ ಆಫರ್ | Filmibeat Kannada

ನೀ ಹಿಂಗ ನೋಡಬ್ಯಾಡ...

ಇದಕ್ಕೂ ಮುಂಚೆ 'ನೀ ಹಿಂಗ ನೋಡಬ್ಯಾಡ...' ಎಂಬ ಹಾಡನ್ನು ಸಂಗೀತಾ ಕಂಪೋಸ್ ಮಾಡಿದ್ದರು. ಈ ಹಾಡಿಗೆ ಒಳ್ಳೆಯ ಪ್ರತಿಕ್ರಿಯೆ ಸಹ ವ್ಯಕ್ತವಾಗಿತ್ತು. ಯೂಟ್ಯೂಬ್‌ನಲ್ಲಿ 28 ಲಕ್ಷಕ್ಕೂ ಅಧಿಕ ಬಾರಿ ಈ ಹಾಡು ವೀಕ್ಷಣೆ ಕಂಡಿದೆ.