'ಹೆದರುವ ಅವಶ್ಯಕತೆ ಇಲ್ಲ': ಇಂಡಸ್ಟ್ರಿ ಮೇಲಿನ ಡ್ರಗ್ಸ್ ಆರೋಪದ ಬಗ್ಗೆ ಶಿವಣ್ಣ ಹೇಳಿದ್ದೇನು?

ಯಾವುದು ವಿಪರೀತವಾಗಬಾರದು

''ಒಳ್ಳೆಯದು ಇರುತ್ತೆ, ಕೆಟ್ಟದ್ದು ಇರುತ್ತೆ. ಯಾವುದನ್ನು ತೆಗೆದುಕೊಳ್ಳಬೇಕು ಎಂಬ ಅರಿವು ನಮಗಿರಬೇಕು. ಡ್ರಗ್ಸ್, ನಶೆ ಇನ್ನೊಂದು, ಮತ್ತೊಂದು ಎಲ್ಲವೂ ಇದೆ, ಇರುತ್ತೆ. ಆದರೆ ಆ ಬಗ್ಗೆ ನಾವು ಗಮನ ಕೊಡಬಾರದು. ಫನ್‌ಗೋಸ್ಕರ ತೆಗೆದುಕೊಂಡರೂ ಅದು ವಿಪರೀತವಾಗಬಾರದು. ಸಮಾಜಕ್ಕೆ ನಾವು ಮಾದರಿಯಾಗಬೇಕು'' - ಶಿವರಾಜ್ ಕುಮಾರ್

ನಮ್ಮ ಇಂಡಸ್ಟ್ರಿಯಲ್ಲಿ ಕಂಡಿಲ್ಲ

''ಇಂಡಸ್ಟ್ರಿಯಲ್ಲಿ ಡ್ರಗ್ಸ್ ಇದೆ ಇಲ್ಲ ಅನ್ನೋದನ್ನು ನಾವು ಹೇಳುವುದಕ್ಕೆ ಆಗಲ್ಲ, ನಾನೇನು ಪೊಲೀಸ್ ಅಲ್ಲ. ಆದರೆ, ನಾನು ಶೂಟಿಂಗ್ ಮಾಡಿದ ಚಿತ್ರಗಳು, ಅಲ್ಲಿ ಕೆಲಸ ಮಾಡುವ ಎಲ್ಲರೂ ಕೆಲಸದ ಬಗ್ಗೆ ಮಾತ್ರ ಗಮನ ಕೊಟ್ಟಿದ್ದಾರೆ. ಇದುವರೆಗೂ ನಾನು ನೋಡಿದಂತೆ ನಮ್ಮ ಇಂಡಸ್ಟ್ರಿಯಲ್ಲಿ ಕಂಡಿಲ್ಲ. ಈ ಸುದ್ದಿಗಳು ನೋಡಿದ್ಮೇಲೆ ನನಗೆ ತಿಳಿಯುತ್ತಿದೆ'' - ಶಿವರಾಜ್ ಕುಮಾರ್

ಯಾರಿಗೂ ಹೆದರುವ ಅವಶ್ಯಕತೆ ಇಲ್ಲ

'ಇಂಡಸ್ಟ್ರಿಯಲ್ಲಿ ಇದೆ ಅಂದ್ಮೇಲೆ ಹೆದರಿಕೊಳ್ಳುವುದರಲ್ಲಿ ಏನಿದೆ. ಸತ್ಯ ಹೊರಗೆ ಬರಬೇಕು. ಮಾಧ್ಯಮಗಳಲ್ಲಿ ಹೆಸರುಗಳನ್ನು ಹೇಳಬಹುದಾಗಿತ್ತು ಅಲ್ಲವೇ? ಎಂದು ಪರೋಕ್ಷವಾಗಿ ನಿರ್ದೇಶಕ ಇಂದ್ರಜಿತ್ ಲೋಕೇಶ್ ಗೆ ಹೇಳಿದ್ದಾರೆ.

ಸಲಹೆ ಕೊಡೋದಕ್ಕೆ ಏನಿದೆ

'ಸಿನಿಮಾ ಇಂಡಸ್ಟ್ರಿಯಲ್ಲಿ ಹಿರಿಯರು ಅಥವಾ ನಾಯಕತ್ವ ಎಂದಾಕ್ಷಣ ಎಚ್ಚರಿಕೆ, ಸಲಹೆ ನೀಡುವುದಲ್ಲ. ಅದು ಪ್ರತಿಯೊಬ್ಬರಿಗೂ ಅವರ ಮನಸ್ಸಿಗೆ ಬರಬೇಕು. ನನ್ನ ಜೀವನವನ್ನು ನಾನು ಪ್ರೀತಿಸಬೇಕು, ಇದು ದೇವರ ಕೊಟ್ಟ ಉಡುಗೊರೆ. ಅದನ್ನು ಚೆನ್ನಾಗಿ ನೋಡಬೇಕು' ಎಂದು ಹ್ಯಾಟ್ರಿಕ್ ಹೀರೋ ಪ್ರತಿಕ್ರಿಯೆ ನೀಡಿದ್ದಾರೆ.