ಶಿವಣ್ಣನ 'ವಿಲನ್ ಹೇರ್ ಸ್ಟೈಲ್'ಗೆ ಕ್ರೇಜ್ ನೋಡ್ರಪ್ಪಾ!

ವೈರಲ್ ಆಯ್ತು 'ವಿಲನ್' ಹೇರ್ ಸ್ಟೈಲ್!

ಪ್ರೇಮ್ ನಿರ್ದೇಶನ ಮಾಡುತ್ತಿರುವ 'ದಿ ವಿಲನ್' ಚಿತ್ರ ಪ್ರತಿಯೊಂದು ಹಂತದಲ್ಲೂ ಕುತೂಹಲ ಹೆಚ್ಚಿಸುತ್ತಾ ಬಂದಿದೆ. ಪೋಸ್ಟರ್ ರಿಲೀಸ್ ಮಾಡಿ ಸುದ್ದಿ ಮಾಡಿದ್ದ 'ದಿ ವಿಲನ್' ಈಗ ಹೇರ್ ಸ್ಟೈಲ್ ವಿಚಾರದಲ್ಲಿ ವೈರಲ್ ಆಗಿದೆ.['ದಿ ವಿಲನ್' ನಲ್ಲಿ ಶಿವಣ್ಣ ಮತ್ತು ಸುದೀಪ್ ಲುಕ್ ಹೇಗಿರಲಿದೆ ಗೊತ್ತಾ?]

ಶಿವಣ್ಣನ 'ಹೇರ್ ಸ್ಟೈಲ್'ಗೆ ಅಭಿಮಾನಿಗಳು ಫಿದಾ!

ಶಿವರಾಜ್ ಕುಮಾರ್ ಅವರ 'ವಿಲನ್' ಹೇರ್ ಸ್ಟೈಲ್ ಅಭಿಮಾನಿಗಳು ಫಿದಾ ಆಗಿದ್ದು, ಅವರಂತೆ ಹೇರ್ ಸ್ಟೈಲ್ ಮಾಡಿ ಫೋಸ್ ಕೊಟ್ಟಿದ್ದಾರೆ.

'ವಿಲನ್' ಗೆಟಪ್ ನಲ್ಲಿ ಹ್ಯಾಟ್ರಿಕ್ ಹೀರೋ ಫ್ಯಾನ್ಸ್

'ವಿಲನ್' ಚಿತ್ರದಲ್ಲಿ ಶಿವರಾಜ್ ಕುಮಾರ್ ಉದ್ದನೆಯ ಕೂದಲು ಬಿಟ್ಟು, ಅದಕ್ಕೆ ಹಿಂದೆ ಜಡೆ ಕಟ್ಟಿ, ಕುರುಚಲು ಗಡ್ಡ ಬಿಟ್ಟು ರಗಡ್ ಲುಕ್ ನಲ್ಲಿ ಶಿವಣ್ಣ ಮಿಂಚುತ್ತಿದ್ದಾರೆ. ಈಗ ಅದೇ ರೀತಿಯಾಗಿ ಅವರ ಅಭಿಮಾನಿಗಳು ಕೂಡ ಫಾಲೋ ಮಾಡ್ತಿದ್ದಾರೆ.

ಕಿಚ್ಚನ ಹೇರ್ ಸ್ಟೈಲ್ ಗೆ ಕ್ರೇಜ್!

'ದಿ ವಿಲನ್' ಚಿತ್ರದಲ್ಲಿ ಸುದೀಪ್ ಅವರ ಹೇರ್ ಸ್ಟೈಲ್ ಗೆ ಎಲ್ರೂ ಬೋಲ್ಡ್ ಆಗಿದ್ದಾರೆ. Rat Tail (ಇಲಿ ಬಾಲ) ಸ್ಟೈಲ್ ಗೆ ಮೋಡಿಯಾಗಿರುವ ಅಭಿಮಾನಿಗಳು ಈಗ ವಿಲನ್ ಸ್ಟೈಲ್ ನ್ನ ಅನುಕರಿಸುತ್ತಿದ್ದಾರೆ.['ದಿ ವಿಲನ್' ಚಿತ್ರಕ್ಕಾಗಿ ಸುದೀಪ್ 'ಹಿಂದಿನ' ಅವತಾರ.. ನಿಮ್ಮ ಕಣ್ಣಿಗೆ ಕಂಡಿಲ್ಲದ್ದು.!]

ಅಂದು 'ಜೋಗಿ' ಹೇರ್ ಸ್ಟೈಲ್

ಪ್ರೇಮ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ 'ಜೋಗಿ' ಚಿತ್ರದಲ್ಲಿ, ಶಿವರಾಜ್ ಕುಮಾರ್ ಅವರ ಗೆಟಪ್ ಮತ್ತು ಹೇರ್ ಸ್ಟೈಲ್ ಅಂದು ಟ್ರೆಂಡ್ ಹುಟ್ಟುಹಾಕಿತ್ತು. ಶಿವಣ್ಣನ ಅಭಿಮಾನಿಗಳು 'ಜೋಗಿ' ಮತ್ತು 'ಜೋಗಯ್ಯ' ರೀತಿಯಲ್ಲಿ ಕೂದಲು ಬಿಟ್ಟು, ಖುಷಿ ಪಟ್ಟಿದ್ದರು.

'ವಿಲನ್' ಚಿತ್ರೀಕರಣ ಶುರು

ಈಗಾಗಲೇ 'ದಿ ವಿಲನ್' ಚಿತ್ರದ ಚಿತ್ರೀಕರಣ ಶುರುವಾಗಿದ್ದು, ಹದಿಮೂರು ದಿನಗಳ ಕಾಲ ಬೆಂಗಳೂರಿನಲ್ಲಿ 'ದಿ ವಿಲನ್' ಶೂಟಿಂಗ್ ನಡೆಯಲಿದೆ. ಅದಾದ ಬಳಿಕ ಲಂಡನ್, ಬ್ಯಾಂಕಾಕ್, ಕೇರಳ, ಚೀನಾ ಸೇರಿದಂತೆ ಕಣ್ಮನ ಸೆಳೆಯುವ ಸುಂದರ ತಾಣಗಳಲ್ಲಿ ನಡೆಯಲಿವೆ ಎನ್ನಲಾಗಿದೆ.['ದಿ ವಿಲನ್' ಚಿತ್ರೀಕರಣಕ್ಕೆ ಅಣಿಯಾಗಿದ್ದಾರೆ ಅಭಿನಯ ಚಕ್ರವರ್ತಿ ಸುದೀಪ್]