ಶಿವು ಅಡ್ಡದಲ್ಲಿ ಶಿವಣ್ಣ 'ಭಜರಂಗಿ' ಸೆಂಚುರಿ ಸಂಭ್ರಮ

ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರ 105ನೇ ‌ಚಿತ್ರ 'ಭಜರಂಗಿ' ಸೆಂಚುರಿ ಸಂಭ್ರಮ ಇತ್ತೀಚೆಗೆ ಸದ್ದಿಲ್ಲದಂತೆ ನಡೆದಿದೆ. ಶಿವರಾಜ್ ಕುಮಾರ್ ಅವರ ಅಭಿಮಾನಿ ಬಳಗ 'ಶಿವು ಅಡ್ಡ' ಭಜರಂಗಿ ಚಿತ್ರದ ಶತದಿನೋತ್ಸವ ಸಂಭ್ರಮ ಆಚರಿಸಿದೆ.

ಸಾಮಾನ್ಯವಾಗಿ ಚಿತ್ರವೊಂದರ ಸೆಂಚುರಿ, ಆಫ್ ಸೆಂಚುರಿ ಕಾರ್ಯಕ್ರಮಗಳನ್ನು ಚಿತ್ರತಂಡವೇ ಅದ್ದೂರಿಯಾಗಿ ಮಾಡುತ್ತದೆ. ಆದರೆ ಅಭಿಮಾನಿಗಳು ಆ ರೀತಿಯ ಸಂಭ್ರಮ ಮಾಡುವುದು ಬಲು ವಿರಳ. ಶಿವು ಅಡ್ಡ ಅಭಿಮಾನಿಗಳ ಬಳಗ ಭಜರಂಗಿ ಚಿತ್ರತಂಡದ ಎಲ್ಲರನ್ನೂ ಆಹ್ವಾನಿಸಿ ಅವರಿಗೆ ನೆನಪಿನ ಕಾಣಿಕೆ ಕೊಟ್ಟು ಸಂಭ್ರಮಿಸಿರುವುದು ವಿಶೇಷ. [ಭಜರಂಗಿ ಚಿತ್ರವಿಮರ್ಶೆ]

ಭಜರಂಗಿ ಗ್ಯಾಲರಿ

ತಮ್ಮ 52ರ ಹರೆಯದಲ್ಲೂ ಶಿವಣ್ಣನ ಹೊಸ ಹುರುಪು, ಉತ್ಸಾಹವನ್ನು 'ಭಜರಂಗಿ' ಚಿತ್ರದಲ್ಲಿ ಕಾಣಬಹುದು. ಎಲ್ಲೂ ಅವರ ಪಾತ್ರ ಪೇಲವವಾಗಿ ಕಾಣದಂತೆ ನಿರ್ದೇಶಕರು ತೆರೆಯ ಮೇಲೆ ತೋರಿಸಿದ್ದಾರೆ. ಒಟ್ಟಾರೆಯಾಗಿ ಶಿವಣ್ಣ ಅಭಿಮಾನಿಗಳಿಗೆ 'ಜೋಗಿ' ದಿನಗಳನ್ನು ನೆನಪಿಸುತ್ತದೆ ಭಜರಂಗಿ.

ಇನ್ನು ಈ ಚಿತ್ರದಲ್ಲಿ ಶಿವಣ್ಣ ಸಿಕ್ಸ್ ಪ್ಯಾಕ್ ತೋರಿಸಿ ಅಭಿಮಾನಿಗಳ ಶಿಳ್ಳೆ ಗಿಟ್ಟಿಸುತ್ತಾರೆ. ಒಂದು ಮಾಸ್ ಸಿನಿಮಾಗೆ ಏನು ಬೇಕೋ ಅಷ್ಟೂ ಅಂಶಗಳು ಚಿತ್ರದಲ್ಲಿದ್ದು ನೀಟಾಗಿ ಪ್ರೆಸೆಂಟ್ ಮಾಡಿದ್ದಾರೆ ನಿರ್ದೇಶಕ ಎ.ಹರ್ಷ. 2014ರಲ್ಲಿ ಶತಕ ಪೂರೈಸಿದ ಮೊದಲ ಚಿತ್ರದ ಎಂಬ ಖ್ಯಾತಿಗೂ ಚಿತ್ರ ಪಾತ್ರವಾಗಿದೆ. (ಏಜೆನ್ಸೀಸ್)