ಈ ಫೋಟೋದಲ್ಲಿರುವ ವ್ಯಕ್ತಿಯನ್ನು ನೀವು ಬಲ್ಲಿರಾ?

ಈ ಫೋಟೋನ ಒಮ್ಮೆ ಕ್ಲಿಯರ್ ಆಗಿ ನೋಡಿ....ಬಿಳಿ ಜುಬ್ಬ-ಪೈಜಾಮ ತೊಟ್ಟು, ಕಣ್ಣಿಗೆ ಕೂಲಿಂಗ್ ಗ್ಲಾಸ್ ಹಾಕೊಂಡು, ಕೈಯಲ್ಲಿ ಬಂದೂಕು ಹಿಡಿದು, ಬೆಂಬಲಿಗರ ಜೊತೆ ಆಗಮಿಸುತ್ತಿರುವ ಈ ವ್ಯಕ್ತಿಯನ್ನ ನೋಡಿ ತಾಲಿಬಾನ್ ಗ್ಯಾಂಗ್ ನವರಿರಬಹುದಾ ಅಂತ ಊಹಿಸಬೇಡಿ.

ಇವರು ನಿಮ್ಮೆಲ್ಲರ ನೆಚ್ಚಿನ ನಾಯಕ ನಟ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್.! ಹೌದು, ಅಣ್ಣಾವ್ರ ಮಗ ಶಿವಣ್ಣ ತಾಳಿರುವ ಹೊಸ ಅವತಾರ ಇದು. ಹಾಗಾದ್ರೆ, ಈ ಗೆಟಪ್ ಹೊಸ ಚಿತ್ರಕ್ಕಿರಬಹುದಲ್ವಾ ಅಂತ ಲೆಕ್ಕ ಹಾಕಬೇಡಿ.

ಈಗಾಗಲೇ ಶೂಟಿಂಗ್ ನಡೆಯುತ್ತಿರುವ ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ 'ಕಿಲ್ಲಿಂಗ್ ವೀರಪ್ಪನ್' ಚಿತ್ರಕ್ಕಾಗಿ ಶಿವಣ್ಣ ಈ ರೂಪ ತಾಳಿದ್ದಾರೆ. ಅಲ್ಲಿಗೆ, 'ಕಿಲ್ಲಿಂಗ್ ವೀರಪ್ಪನ್' ಚಿತ್ರದಲ್ಲಿ ಶಿವಣ್ಣ ಟೆರರಿಸ್ಟ್ ಪಾತ್ರ ನಿರ್ವಹಿಸುತ್ತಾರಾ? ಗೊತ್ತಿಲ್ಲ.! ಆದ್ರೆ, ಸಿನಿಮಾದಲ್ಲಿ ವೀರಪ್ಪನ್ ನ ಟ್ರ್ಯಾಪ್ ಮಾಡೋಕೆ ಶಿವಣ್ಣ ತಾಳುವ ಹತ್ತು ಹಲವು ಅವತಾರಗಳಲ್ಲಿ ಇದೂ ಒಂದು.

ಅಂದ್ಹಾಗೆ, ಈ ಗೆಟಪ್ 'ಕಿಲ್ಲಿಂಗ್ ವೀರಪ್ಪನ್' ಚಿತ್ರಕ್ಕೆ ಮೇಜರ್ ಟ್ವಿಸ್ಟ್ ನೀಡುತ್ತಂತೆ. ಅಷ್ಟು ಬಿಟ್ಟರೆ ಬಾಕಿ ಸಮಾಚಾರ ಗುಪ್ತ್ ಗುಪ್ತ್ ಆಗಿದೆ.

ದಿನಕ್ಕೊಂದು ವಿಶೇಷತೆಗಳಿಂದ 'ಕಿಲ್ಲಿಂಗ್ ವೀರಪ್ಪನ್' ಸದ್ದು ಮಾಡುತ್ತಲೇ ಇದೆ. ವರ್ಮಾ ಕಿಸೆಯಲ್ಲಿ ಇನ್ನೂ ಏನೇನ್ ಇದ್ಯೋ ದೇವರೇ ಬಲ್ಲ.