'ನನ್ನ ರಾಜ್ಯ, ನನ್ನ ಬಾವುಟ'ಕ್ಕೆ ಭರ್ಜರಿ ಬೆಂಬಲ ನೀಡುತ್ತಿರುವ 'ಶಿವು ಅಡ್ಡ'

ಟ್ವಿಟ್ಟರ್ ನಲ್ಲಿ ಶಿವು ಅಡ್ಡ ಬೆಂಬಲ

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಸೇರಿದಂತೆ ಇಡೀ ಅಣ್ಣಾವ್ರ ಕುಟುಂಬ ಹಾಗೂ ಕನ್ನಡ ಚಿತ್ರರಂಗದ ಬೆಂಬಲಿಗರಾಗಿರುವ 'ಶಿವು ಅಡ್ಡ' ಬಳಗ ಟ್ವಿಟ್ಟರ್ ನಲ್ಲಿ 'ನನ್ನ ರಾಜ್ಯ ನನ್ನ ಬಾವುಟ' ಅಭಿಯಾನಕ್ಕೆ ಜೈಕಾರ ಹಾಕಿದೆ.

ಭಾರತೀಯತೆ ಕಮ್ಮಿ ಆಗಲ್ಲ

''ನನ್ನ ರಾಜ್ಯ ನನ್ನ ಬಾವುಟ' ಎಂದಾಕ್ಷಣ ನನ್ನ ಭಾರತೀಯತೆ ಕಮ್ಮಿ ಆಗಲ್ಲ'' ಎಂಬ ಸಂದೇಶ ಸಾರುವ 'ಕೆಂಪು-ಹಳದಿ' ಬಾವುಟ ಹಿಡಿದಿರುವ ಡಾ.ರಾಜ್ ಭಾವಚಿತ್ರವನ್ನ 'ಶಿವು ಅಡ್ಡ' ಟ್ವೀಟ್ ಮಾಡಿದೆ.

ಇಂದು ಅಣ್ಣಾವ್ರು ನಮ್ಮೊಂದಿಗೆ ಇದ್ದಿದ್ದರೆ.?

''ಇಂದು ಅಣ್ಣಾವ್ರು ನಮ್ಮೊಂದಿಗೆ ಇದ್ದಿದ್ದರೆ, ಬಿಜೆಪಿಯ ದೆಹಲಿ ಗುಲಾಮರು ನಮಗೆ ಕೆಂಪು ಹಳದಿ ಬಾವುಟ ಬೇಡ ಅಂತ ಕ್ಯಾತೆ ತೆಗೆಯೋ ಧೈರ್ಯ ತೋರ್ತಿದ್ರಾ.?'' ಎಂದು ರಾಮಚಂದ್ರ ಎಂಬುವರು ಮಾಡಿದ ಟ್ವೀಟ್ ನೂ ಶಿವು ಅಡ್ಡ ರೀಟ್ವೀಟ್ ಮಾಡಿಕೊಂಡಿದೆ.

ರಾಜ್ ರಾಜ್ಯಭಾರ.!

ಸದ್ಯ ಟ್ವಿಟ್ಟರ್ ನ ತುಂಬೆಲ್ಲ ಡಾ.ರಾಜ್ ಕುಮಾರ್ ಹಾಗೂ ಹಳದಿ-ಕೆಂಪು ಬಾವುಟವೇ ರಾರಾಜಿಸುತ್ತಿದೆ.

ಶಿವಣ್ಣನ ಅಭಿಮಾನಿಗಳೆಲ್ಲ ಒಂದಾಗಿದ್ದಾರೆ

'ಮೈ ಸ್ಟೇಟ್ ಮೈ ಫ್ಲ್ಯಾಗ್' ಅಭಿಯಾನಕ್ಕೆ ಶಿವಣ್ಣನ ಅಭಿಮಾನಿಗಳು ಕೂಡ ಕೈ ಜೋಡಿಸಿದ್ದಾರೆ.