ಸೈಮಾ 2022: ನಾಮಿನೇಟ್ ಆದ ಕನ್ನಡದ ಟಾಪ್ ನಟರ ಪಟ್ಟಿ ಇಲ್ಲಿದೆ!

'ಸೈಮಾ'ಗೆ ದರ್ಶನ್ ನಾಮಿನೇಟ್!

ಸೈಮಾ ಪ್ರಶಸ್ತಿಗೆ ಕನ್ನಡದ ಹೆಸರಾಂತ ನಟರು ನಾಮಿನೇಟ್ ಆಗಿದ್ದಾರೆ. ನಟ ದರ್ಶನ್ ಕೂಡ ಈ ಸಾಲಿನಲ್ಲಿ ಇದ್ದಾರೆ. 'ರಾಬರ್ಟ್' ಸಿನಿಮಾದ ನಟನೆಗಾಗಿ ದರ್ಶನ್ ಹೆಸರು ನಾಮಿನೇಟ್ ಆಗಿದೆ. ನಟ ಚಾಲೆಂಜಿಂಜ್ ಸ್ಟಾರ್ ದರ್ಶನ್ 2022ರ ಸೈಮಾ ಪ್ರಶಸ್ತಿಗೆ ನಾಮಿನೇಟ್ ಆಗಿದ್ದಾರೆ. ಈ ಸಿನಿಮಾ 2021ರ ಮಾರ್ಚ್‌ನಲ್ಲಿ ರಿಲೀಸ್ ಆಯ್ತು. ಕೊರೊನಾ ಹಾವಳಿ ನಡುವೆಯೂ 'ರಾಬರ್ಟ್' ಸಿನಿಮಾ ಗೆದ್ದು ಬೀಗಿತು. ನಟ ದರ್ಶನ್ ಚಿತ್ರದಲ್ಲಿ ಎರಡು ಭಿನ್ನ ಶೇಡ್‌ಗಳಲ್ಲಿ ಕಾಣಿಸಿಕೊಂಡಿದ್ದರು.

'ಯುವರತ್ನ'ಗಾಗಿ ಪುನೀತ್ ರಾಜ್‌ಕುಮರ್!

ನಟ ಪವರ್‌ ಸ್ಟಾರ್ ಪುನೀತ್‌ ರಾಜ್‌ಕುಮಾರ್ ಹೆಸರು 2022ರ ಸೈಮಾ ಪ್ರಶಸ್ತಿಗೆ ನಾಮಿನೇಟ್ ಆಗಿದೆ. 'ಯುವರತ್ನ' ಸಿನಿಮಾಗಾಗಿ ಪುನೀತ್ ರಾಜ್‌ಕುಮಾರ್ ಹೆಸರು ನಾಮಿನೇಟ್ ಆಗಿದೆ. 'ಯುವರತ್ನ' ನಟ ಪುನೀತ್ ರಾಜ್‌ಕುಮಾರ್ ಮತ್ತು ಸಂತೋಷ್ ಆನಂದ್‌ರಾಮ್ ಕಾಂಬಿನೇಷನ್‌ನಲ್ಲಿ ಬಂದು ಹಿಟ್ ಲಿಸ್ಟ್ ಸೇರಿದ ಸಿನಿಮಾ. ಈ ಚಿತ್ರದಲ್ಲಿ ಪುನೀತ್ ರಾಜ್‌ಕುಮಾರ್ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 'ಯುವರತ್ನ' 2021 ಏಪ್ರಿಲ್‌ನಲ್ಲಿ ರಿಲೀಸ್ ಆಗಿತ್ತು.

ಸೈಮಾ ರೇಸ್‌ನಲ್ಲಿ, ಗಣೇಶ್, ಧನಂಜಯ್!

2022ರ ಸೈಮಾ ಪ್ರಶಸ್ತಿಗೆ ಕನ್ನಡದ ಹೆಸರಾಂತ ನಟರು ನಾಮಿನೇಟ್ ಆಗಿದ್ದಾರೆ. ಈ ರೇಸ್‌ನಲ್ಲಿ ನಟ ಗಣೇಶ್ ಮತ್ತು ಧನಂಜಯ್ ಕೂಡ ಇದ್ದಾರೆ. ನಟ ಧನಂಜಯ್ 'ಬಡವ ರಾಸ್ಕಲ್' ಚಿತ್ರದ ಅಭಿನಯಕ್ಕಾಗಿ ನಾಮಿನೇಟ್ ಆಗಿದ್ದಾರೆ. ಹಾಗೆ ನಟ ಗಣೇಶ್ ಹೆಸರು ಕೂಡ ಪಟ್ಟಿಯಲ್ಲಿ ಇದೆ. ಗಣೇಶ್ 'ಸಕ್ಕತ್' ಸಿನಿಮಾದ ನಟೆನೆಗಾಗಿ ನಾಮಿನೇಟ್ ಆಗಿದ್ದಾರೆ. ಈ ಎರಡೂ ಸಿನಿಮಾಗಳು ಕೂಡ ಕಳೆ ವರ್ಷ ತೆರೆಕಂಡಿವೆ.

ಶಿವಣ್ಣ, ರಿಷಬ್ ಶೆಟ್ಟಿ!

ಒಟ್ಟು ಆರು ಮಂದಿ ನಟರ ಹೆಸರುಗಳು ಈ ಬಾರಿಯ ಸೈಮಾ ಪ್ರಶಸ್ತಿಗೆ ನಾಮಿನೇಟ್ ಆಗಿವೆ. ಅದರಲ್ಲಿ ನಟ ಶಿವರಾಜ್ ಕುಮಾರ್‌ ಮತ್ತು ರಿಷಬ್ ಶೆಟ್ಟಿ ಕೂಡ ಇದ್ದಾರೆ. 'ಭಜರಂಗಿ' ಚಿತ್ರಕ್ಕಾಗಿ ನಟ ಶಿವರಾಜ್ ಕುಮಾರ್ ಹೆಸರು ನಾಮಿನೇಟ್ ಆಗಿದೆ. ಇನ್ನು 'ಗರುಡ ಗಮನ ವೃಷಭ' ವಾಹನ ಚಿತ್ರಕ್ಕಾಗಿ ನಟ ರಿಷಬ್ ಶೆಟ್ಟಿ ನಾಮಿನೇಟ್ ಆಗಿದ್ದಾರೆ. ಇವರಲ್ಲಿ ಪ್ರಶಸ್ತಿ ಯಾರ ಮುಡಿಗೆ ಎನ್ನುವುದನ್ನು ನೋಡಬೇಕಿದೆ.