ದರ್ಶನ್ 'ಕುರುಕ್ಷೇತ್ರ'ಕ್ಕೆ ಎಂಟ್ರಿ ಕೊಟ್ಟ ಬಾಲಿವುಡ್ ನಟ ಸೋನು ಸೂದ್

ಸೋನುದರ್ಶನ್ ನಟನೆಯ 50ನೇ ಸಿನಿಮಾ 'ಕುರುಕ್ಷೇತ್ರ' ಚಿತ್ರದ ಚಿತ್ರೀಕರಣ ಈಗಾಗಲೇ ಭರ್ಜರಿಯಾಗಿ ನಡೆಯುತ್ತಿದೆ. ಆದರೆ ಈ ಸಿನಿಮಾಗೆ ಈಗ ಬಾಲಿವುಡ್ ನಟ ಸೋನು ಸೂದ್ ಎಂಟ್ರಿ ಕೊಟ್ಟಿದ್ದಾರೆ.

'ಕುರುಕ್ಷೇತ್ರ' ಚಿತ್ರದ ಬಹುಪಾಲು ಎಲ್ಲ ಪಾತ್ರಗಳಿಗೂ ಈಗಾಗಲೇ ಕಲಾವಿದರ ಆಯ್ಕೆ ಆಗಿತ್ತು. ಆದರೆ ಚಿತ್ರದಲ್ಲಿನ ಅರ್ಜುನ ಪಾತ್ರಕ್ಕೆ ಇದುವರೆಗೆ ಯಾವ ನಟರು ಫೈನಲ್ ಆಗಿರಲಿಲ್ಲ. ಇದೀಗ ಈ ಪಾತ್ರವನ್ನು ನಟ ಸೋನು ಸೂದ್ ನಿರ್ವಹಿಸಲಿದ್ದಾರಂತೆ.

ಈ ಹಿಂದೆ ಸುದೀಪ್ ನಟನೆಯ 'ವಿಷ್ಣುವರ್ಧನ' ಚಿತ್ರದಲ್ಲಿ ನಟಿಸಿದ್ದ ಸೋನು ಸೂದ್ ಈಗ ದರ್ಶನ್ ಅವರ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಮಧ್ಯಮ ಪಾಂಡವ ಅರ್ಜುನನಾಗಿ ಸೋನು ಮಿಂಚಲಿದ್ದಾರೆ. ಸದ್ಯ ಚಿತ್ರದ ಚಿತ್ರೀಕರಣ ಹೈದರಾಬಾದ್ ನಲ್ಲಿರುವ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ನಡೆಯುತ್ತಿದೆ. ನಾಗಣ್ಣ ನಿರ್ದೇಶನದ ಈ ಚಿತ್ರವನ್ನು ಮುನಿರತ್ನ ನಿರ್ಮಾಣ ಮಾಡುತ್ತಿದ್ದಾರೆ.