ಈ ವಾರ ಬಿಡುಗಡೆಯಾದ ಎಲ್ಲ ಚಿತ್ರಗಳಿಗೂ ಸಂಕಷ್ಟ!

ಪೈರಸಿ ವಿರುದ್ಧ ಯುವರತ್ನ ಹೋರಾಟ

ಪುನೀತ್ ರಾಜ್ ಕುಮಾರ್ ಅಭಿನಯದ 'ಯುವರತ್ನ' ಚಿತ್ರವೂ ಪೈರಸಿ ಆಗಿದೆ. ಪೈರಸಿ ಆಗಿರುವ ಲಿಂಕ್‌ಗಳನ್ನು ಶೇರ್ ಮಾಡಲಾಗಿದೆ. ಈ ಕುರಿತು ಚಿತ್ರತಂಡ ಕ್ರಮ ತೆಗೆದುಕೊಂಡಿದೆ. ಪೈರಸಿ ಲಿಂಕ್‌ಗಳ ಬಗ್ಗೆ ಪೈರಸಿ ನಿಗ್ರಹ ತಂಡಕ್ಕೆ ಮಾಹಿತಿ ನೀಡಲಾಗಿದೆ. ಎಲ್ಲ ಪೈರಸಿ ಲಿಂಕ್‌ಗಳನ್ನು ತೆಗೆಯಲಾಗುತ್ತಿದೆ ಎಂದು ನಿರ್ಮಾಪಕ ಕಾರ್ತಿಕ್ ಗೌಡ ಟ್ವಿಟ್ಟರ್‌ನಲ್ಲಿ ಮಾಹಿತಿ ನೀಡಿದ್ದಾರೆ.

ಸುಲ್ತಾನನಿಗೂ ಪೈರಸಿ ಕಾಟ

ತಮಿಳು ನಟ ಕಾರ್ತಿ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದಲ್ಲಿ ಮೂಡಿ ಬಂದಿರುವ ಸುಲ್ತಾನ ಸಿನಿಮಾ ಏಪ್ರಿಲ್ 2 ರಂದು ತೆಲುಗು ಮತ್ತು ತಮಿಳು ಭಾಷೆಯಲ್ಲಿ ಬಿಡುಗಡೆಯಾಗಿದೆ. ರಿಲೀಸ್ ಆಗಿ ಮೊದಲ ಶೋ ಮುಗಿಯುತ್ತಿದ್ದಂತೆ ಸುಲ್ತಾನ ಚಿತ್ರವೂ ಲೀಕ್ ಆಗಿದೆ.

ರಾಬರ್ಟ್ ಪೈರಸಿ: 'ಬಿಗ್ ಬ್ರದರ್ಸ್' ವಿರುದ್ಧ ಉಮಾಪತಿ ಶ್ರೀನಿವಾಸ್ ಗುಡುಗು

ನಾಗಾರ್ಜುನ ವೈಲ್ಡ್ ಡಾಗ್

ತೆಲುಗು ನಟ ನಾಗಾರ್ಜುನ ನಟಿಸಿರುವ ವೈಲ್ಡ್ ಡಾಗ್ ಸಿನಿಮಾವೂ ಈ ವಾರವೇ ತೆರೆಕಂಡಿದೆ. ದುರಾದೃಷ್ಟವಶಾತ್ ಈ ಚಿತ್ರವೂ ಮೊದಲ ದಿನವೇ ಲೀಕ್ ಆಗಿದೆ. ಪೈರಸಿ ಲಿಂಕ್ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

Chandan & Kavitha Engaged : ಉಂಗುರ ಬದಲಿಸಿಕೊಂಡ ಚಂದನ್ ಮತ್ತು ಕವಿತಾ ಗೌಡ | Filmibeat Kannada

ಪ್ರತಿ ಸಿನಿಮಾನೂ ಲೀಕ್!

ಈ ಹಿಂದೆ ಕನ್ನಡ ಮತ್ತು ತೆಲುಗು ಭಾಷೆಯಲ್ಲಿ ತೆರೆಕಂಡಿದ್ದ ಪೊಗರು ಹಾಗೂ ರಾಬರ್ಟ್ ಚಿತ್ರಗಳು ಪೈರಸಿಯಾಗಿದ್ದವು. ಥಿಯೇಟರ್ ಕಾಪಿ ಲೀಕ್ ಆಗಿದ್ದರೂ ಚಿತ್ರಮಂದಿರದಲ್ಲಿ ಜನ ಸಿನಿಮಾ ನೋಡಿದರು. ಸಿನಿಮಾ ಚೆನ್ನಾಗಿದ್ದರೆ ಪೈರಸಿ ಕಾಪಿ ಯಾರೂ ನೋಡಲ್ಲ ಎಂಬ ನಂಬಿಕೆಯಲ್ಲಿ ಚಿತ್ರತಂಡ ಮುಂದೆ ಸಾಗುತ್ತಿದೆ. ಪೈರಸಿ ತಡೆಯುವ ನಿಟ್ಟಿನಲ್ಲಿ ಕಟ್ಟುನಿಟ್ಟಿನ ಕ್ರಮ ಜರುಗಿಸಲು ಸಾಧ್ಯವಾಗುತ್ತಿಲ್ಲ. ಈ ಹಿಂದೆಗೂ ಪೈರಸಿಯಾಗಿದೆ. ಮುಂಬರುವ ಚಿತ್ರಗಳಿಗೂ ಈ ಆತಂಕ ಕಾಡುತ್ತಿದೆ.