ಅಂಬಿ ಪುತ್ರನ ಚಿತ್ರಕ್ಕಾಗಿ ಬರ್ತಾರೆ ಭಾರತದ ಸೂಪರ್ ಸ್ಟಾರ್ಸ್.!

'ಅಮರ್' ಚಿತ್ರದಲ್ಲಿ ಸೂಪರ್ ಸ್ಟಾರ್ ಗಳು

ಅಂಬರೀಶ್ ಮಗನ ಚೊಚ್ಚಲ ಸಿನಿಮಾ ಅಮರ್ ಗೆ ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್ ಗಳು ಸಾಥ್ ನೀಡಲಿದ್ದಾರೆ. ಹೀಗಂತ ಸ್ವತಃ ನಿರ್ದೇಶಕ ನಾಗಶೇಖರ್ ಹೇಳಿಕೊಂಡಿದ್ದಾರೆ. ಚಿತ್ರದ ಒಂದು ಹಾಡಿನಲ್ಲಿ ಅಂಬರೀಶ್ ಅವರ ಸಮಕಾಲಿನ ತಾರೆಯರನ್ನ ಕುಣಿಸುವ ಯೋಜನೆ ಹಾಕಿಕೊಂಡಿದ್ದಾರೆ.

in pics: ಅಂಬರೀಶ್ ಮಗನ ಚಿತ್ರದ ಮುಹೂರ್ತ ಕಾರ್ಯಕ್ರಮ

ಯಾವೆಲ್ಲ ದಿಗ್ಗಜರು ಬರಬಹುದು.?

ಇನ್ನು ಅಂಬರೀಶ್ ಅವರ ಸಮಕಾಲಿನ ಸೂಪರ್ ಸ್ಟಾರ್ ಗಳು ಅಂದ್ರೆ, ಫಟ್ ಅಂತ ನೆನಪಾಗುವುದೇ. ಮೆಗಾಸ್ಟಾರ್ ಚಿರಂಜೀವಿ, ತೆಲುಗು ನಟ ಮೋಹನ್ ಬಾಬು, ಸೂಪರ್ ಸ್ಟಾರ್ ರಜನಿಕಾಂತ್, ಕಮಲ್ ಹಾಸನ್, ಬಾಲಿವುಡ್ ನಟ ಶತ್ರುಘ್ನ ಸಿನ್ಹ, ಅಮಿತಾಬ್ ಬಚ್ಚನ್ ಸೇರಿದಂತೆ ಹಲವರು ಅಂಬಿಗೆ ತುಂಬ ಆತ್ಮೀಯರು. ಇವರನ್ನ ಬಿಟ್ಟರೇ, ಸ್ಯಾಂಡಲ್ ವುಡ್ ನಲ್ಲಿ ಹಲವು ನಟ-ನಟಿಯರು ಅಂಬಿ ಮಾತಿಗೆ ಇಲ್ಲ ಎನ್ನಲ್ಲ. ಆದ್ರೆ, ಯಾರ್ಯಾರು ಎಂಬುದರ ಬಗ್ಗೆ ಯಾವುದೇ ಸುಳಿವು ಕೂಡ ನಾಗಶೇಖರ್ ಬಿಟ್ಟುಕೊಟ್ಟಿಲ್ಲ.

ಈ ಹಾಡಿಗೆ ಕೊರಿಯೋಗ್ರಫರ್ ಯಾರು ಗೊತ್ತಾ.?

ಅಂದ್ಹಾಗೆ, 'ಅಮರ್' ಚಿತ್ರದ ಎಲ್ಲ ಹಾಡುಗಳಿಗೂ ಇಮ್ರಾನ್ ಸರ್ದಾರಿಯಾ ನೃತ್ಯ ಸಂಯೋಜನೆ ಮಾಡಲಿದ್ದಾರೆ. ಆದ್ರೆ, ಈ ಮೇಲೆ ಹೇಳಿದ ವಿಶೇಷ ಹಾಡಿಗೆ ಬಹುಭಾಷಾ ನೃತ್ಯ ಸಂಯೋಜಕರಾದ ಪ್ರಭುದೇವ ಅಥವಾ ಲಾರೆನ್ಸ್ ಅವರಿಂದ ಮಾಡಿಸುವ ಉದ್ದೇಶವಿದೆ ಎಂದು ನಿರ್ದೇಶಕರು ತಿಳಿಸಿದ್ದಾರೆ.

ತಾನ್ಯ ಹೋಪ್ ಹೀರೋಯಿನ್

ಇನ್ನುಳಿದಂತೆ ನಟಿ ತಾನ್ಯ ಹೋಪ್ ಅಮರ್ ಚಿತ್ರದ ನಾಯಕಿಯಾಗಿದ್ದಾರೆ. ಸದ್ಯ, ತಾನ್ಯ, ದರ್ಶನ್ ಅಭಿನಯಿಸುತ್ತಿರುವ 'ಯಜಮಾನ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಮ್ಯೂಸಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ ಮಾಡಲಿದ್ದಾರೆ. ಇನ್ನು ನಿರ್ದೇಶಕರ ಜೊತೆ ಕವಿರಾಜ್ ಸಾಹಿತ್ಯ ರಚನೆಗೆ ಕೈಜೋಡಿಸಲಿದ್ದಾರೆ.