ನಟಿಗೆ ಬೆಂಬಲ ನೀಡಲು ಹೋಗಿ ವಿವಾದಾತ್ಮಕ ಟ್ವೀಟ್ ಮಾಡಿದ ವರ್ಮಾ.!

ಶ್ರೀರೆಡ್ಡಿಯನ್ನ ಅಶೋಕನಿಗೆ ಹೋಲಿಸಿದ ವರ್ಮಾ

ಚಕ್ರವರ್ತಿ ಅಶೋಕನಿಗೆ ತೆಲುಗು ನಟಿ ಶ್ರೀರೆಡ್ಡಿಯನ್ನ ಹೋಲಿಸಿದ್ದಾರೆ ರಾಮ್ ಗೋಪಾಲ್ ವರ್ಮಾ. 'ಅಶೋಕನಂತೆ ಶ್ರೀರೆಡ್ಡಿ ಕೂಡ ಗ್ರೇಟ್' ಎಂದಿರುವ ವರ್ಮಾ ವಿರುದ್ಧ ಕೆಲವರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಆರ್.ಜಿ.ವಿಯ ಟ್ವೀಟ್ ನಲ್ಲಿ ಏನಿದೆ.?

''ನಟಿ ಶ್ರೀರೆಡ್ಡಿಯ ಪ್ರತಿಭಟನೆಯನ್ನ ಕೆಲವರು ಖಂಡಿಸುತ್ತಿದ್ದಾರೆ. ಈ ಹಿಂದೆ ಶ್ರೀರೆಡ್ಡಿ ಮಾತನಾಡಿರುವ ಕೆಟ್ಟ ಭಾಷೆ ಇರಬಹುದು ಅಥವಾ ಆಕೆ ಬಳಸಿರುವ ಅವಾಚ್ಯ ಶಬ್ದಗಳಿಂದ ಬೇಸರಗೊಂಡು ವಿರೋಧ ಮಾಡ್ತಿದ್ದಾರೆ. ಆದ್ರೆ, ನೆನಪಿರಲಿ, ಕ್ರೂರಿಯಾಗಿದ್ದ ಸಾಮ್ರಾಟ್ ಅಶೋಕ ಕೂಡ ಬದಲಾದ ನಂತರವೇ ಗ್ರೇಟ್ ಆಗಿದ್ದು'' ಎಂದಿದ್ದಾರೆ.

ಶ್ರೀರೆಡ್ಡಿ ಗ್ರೇಟ್

''ಸಾಮ್ರಾಟ್ ಅಶೋಕ ಯುದ್ಧದಲ್ಲಿ ಮೊದಲು ಅನೇಕ ಜನರನ್ನ ಕೊಂದರು. ಅವರ ಹೃದಯದಲ್ಲಿ ಬದಲಾವಣೆ ಮೂಡಿದ ಬಳಿಕವೇ ಲಕ್ಷಾಂತರ ಜನರಿಗೆ ಸಂರಕ್ಷನಾಗಿದ್ದು. ಹೀಗೆ, ಯೋಚಿಸಿದರೇ, ನಟಿ ಶ್ರೀರೆಡ್ಡಿ ಕೂಡ ಸಾಮ್ರಾಟ್ ಅಶೋಕ ಅವರಂತೆ ಗ್ರೇಟ್'' ಎಂದು ಬಣ್ಣಿಸಿದ್ದಾರೆ.

ಶ್ರೀರೆಡ್ಡಿಯನ್ನ ಎದುರಿಸಲು ಭಯ ಪಡ್ತಿದ್ದಾರೆ

''ಇಂಡಸ್ಟ್ರಿಯಲ್ಲಿರುವ ಪುರುಷರು ಶ್ರೀರೆಡ್ಡಿಯ ಪ್ರಮಾಣಿಕತೆಯನ್ನ ಎದುರಿಸಲು ಎದುರುತ್ತಿದ್ದಾರೆ. ಹೀಗಿರುವಾಗ, ಶ್ರೀರೆಡ್ಡಿಗೆ ಸಿಗುತ್ತಿರುವ ಖ್ಯಾತಿಯಿಂದ ಅಸೂಯೆಗೊಂಡ ಕೆಲ ಮಹಿಳೆಯರು ನಟಿಯನ್ನ ಖಂಡಿಸುತ್ತಿದ್ದಾರೆ. ಧೈರ್ಯ ಮತ್ತು ಪ್ರಮಾಣಿಕತೆ ಹೊಂದಿರುವ ಮಹಿಳೆಯರು ಮಾತ್ರವೇ ಸ್ತ್ರೀ ಶಕ್ತಿಯನ್ನ ಅನುಸರಿಸುತ್ತಾರೆ'' ಎಂದು ಟ್ವೀಟ್ ನಲ್ಲಿ ಅಭಿಪ್ರಾಯಪಟ್ಟಿದ್ದಾರೆ.