ಟ್ವಿಟ್ಟರ್ ನಲ್ಲಿ 'ಬಾಹುಬಲಿಗೆ' ಮಹಾಮಸ್ತಕಾಭಿಷೇಕ

ಇಡೀ ಚಿತ್ರರಂಗ ಕ್ಷೇತ್ರದಲ್ಲಿ ಸಂಚಲನ ಮೂಡಿಸಿರುವ ಟಾಲಿವುಡ್ ಚಿತ್ರ 'ಬಾಹುಬಲಿ' ಇದೇ 10ನೇ ತಾರೀಖಿನಂದು ಅಮೋಘವಾಗಿ ತೆರೆ ಕಾಣುತ್ತಿದ್ದು, ಅಭಿಮಾನಿಗಳು ಕೌಂಟ್ ಡೌನ್ ಶುರು ಹಚ್ಚಿಕೊಂಡಿದ್ದಾರೆ.

ಅದಕ್ಕಿಂತಲೂ ಹೆಚ್ಚಾಗಿ ಇಡೀ ಚಿತ್ರರಂಗದ ಹಲವಾರು ಸ್ಟಾರ್ ಗಳು ತಮ್ಮ-ತಮ್ಮ ಸ್ಟಾರ್-ವಾರ್ ಗಳನ್ನೆಲ್ಲಾ ಮರೆತು, ಮೈಕ್ರೋ ಬ್ಲಾಗಿಂಗ್ ತಾಣದಲ್ಲಿ ಪ್ರಶಂಸೆಯ ಸುರಿಮಳೆಗಳನ್ನು ಸುರಿಸಿದ್ದಾರೆ.

ಟಾಲಿವುಡ್ ಖ್ಯಾತ ನಟ ಅಲ್ಲು-ಅರ್ಜುನ್ ಬಾಹುಬಲಿ ತಂಡಕ್ಕೆ ಹಾಗೂ ಚಿತ್ರದ ನಾಯಕ ಪ್ರಭಾಸ್ ಮತ್ತು ರಾಣಾ ದಗ್ಗುಬಾಟಿಗೆ ಟ್ವಿಟ್ಟರ್ ಮೂಲಕ ಶುಭಾಶಯ ಕೋರಿದ್ದಾರೆ. [ಬಿಡುಗಡೆಗೂ ಮುನ್ನವೇ ದಾಖಲೆ ಬರೆದ ಬಾಹುಬಲಿ]

ನಾನು 'ಡಾರ್ಲಿಂಗ್' ಪ್ರಭಾಸ್ ಗೆ ಹೃದಯಪೂರ್ವಕ ಶುಭಾಶಯಗಳನ್ನು ತಿಳಿಸುತ್ತೇನೆ. ಮತ್ತು ನನ್ನ ಪ್ರೀತಿಯ ಗೆಳೆಯ ರಾಣಾದಗ್ಗುಬಾಟಿಯ ಮುಂದಿನ ಚಿತ್ರ ಜೀವನಕ್ಕೆ 'ಬಾಹುಬಲಿ' ಒಂದೊಳ್ಳೆ ಟರ್ನಿಂಗ್ ಪಾಯಿಂಟ್ ಆಗಲಿದೆ, ತೆಲುಗು ಚಿತ್ರರಂಗಕ್ಕೆ ಇಂತಹ ಅಮೋಘ ಚಿತ್ರವನ್ನು ಕೊಡುಗೆಯಾಗಿ ನೀಡಿದ್ದಕ್ಕಾಗಿ ಎಸ್.ಎಸ್. ರಾಜಮೌಳಿ ಅವರಿಗೆ ಧನ್ಯವಾದ ಸಲ್ಲಿಸಲು ಇಚ್ಛಿಸುತ್ತೇನೆ ಅಂತ 'ಬನ್ನಿ' ಟ್ವೀಟ್ ಮಾಡಿದ್ದಾರೆ. 'ಬಾಹುಬಲಿ' ವಿತರಣಾ ಹಕ್ಕು ; ಎಚ್.ಡಿ.ಕೆ ಹೊಸ ಡೀಲ್.?

ಅದ್ಧೂರಿ ಸೆಟ್, ರೋಚಕ ವಿಷುವಲ್ ಜೊತೆಗೆ, ವಿ ವಿಜಯೇಂದ್ರ ಪ್ರಸಾದ್ ಕಲ್ಪನೆಯಲ್ಲಿ ಮೂಡಿಬಂದಿರುವ 'ಬಾಹುಬಲಿ' ಚಿತ್ರಕ್ಕೆ 'ಈಗ' ಖ್ಯಾತಿಯ ಎಸ್.ಎಸ್ ರಾಜಮೌಳಿ ಆಕ್ಷನ್-ಕಟ್ ಹೇಳಿದ್ದಾರೆ. [ಮೈನವೀರೇಳಿಸುವ ಡೈಲಾಗ್ ನಲ್ಲಿ ಬಾಹುಬಲಿ ನ್ಯೂ ಟ್ರೈಲರ್]

ಭಾರತದ ಅದ್ಧೂರಿ ಸಿನೆಮಾದ ಬಗ್ಗೆ ಟ್ವಿಟ್ಟರ್ ನಲ್ಲಿ ವ್ಯಕ್ತವಾದ ಪ್ರತಿಕ್ರಿಯೆ ಹಾಗೂ ಶುಭಾಶಯಗಳ ಗುಚ್ಛ ಇಲ್ಲಿದೆ ನೋಡಿ....