'ದಿ ವಿಲನ್' ಬಗ್ಗೆ ಎದ್ದಿರುವ ಪ್ರಶ್ನೆಯಿಂದ ಬೇಸರಗೊಂಡ ಸುದೀಪ್.!

ವಿಲನ್ ತಡವಾಗಲು ಪ್ರೇಮ್ ಕಾರಣ.!

ದಿ ವಿಲನ್ ಚಿತ್ರವನ್ನ ನಿರ್ದೇಶಕ ಪ್ರೇಮ್ ಕೈಗೆತ್ತಿಕೊಂಡಾಗನಿಂದಲೂ ಒಂದಲ್ಲ ಒಂದು ವಿಶೇಷತೆಗಳನ್ನ ಸೇರಿಸುತ್ತಿದ್ದಾರೆ. ಬಹುದೊಡ್ಡ ತಾರಬಳಗ, ವಿಶೇಷವಾದ ಗೆಟಪ್, ಕಾಸ್ಟ್ಯೂಮ್, ಲೊಕೇಶನ್ ಹೀಗೆ ಪ್ರತಿಯೊಂದರಲ್ಲೂ ತುಂಬ ಪ್ಲಾನ್ ಮಾಡಿ ಚಿತ್ರೀಕರಣ ಮಾಡುತ್ತಿದ್ದಾರೆ. ಹೀಗಿರಬೇಕಾದ್ರೆ, ವಿಲನ್ ಸಿನಿಮಾ ಲೇಟ್ ಆಗಲು ಪ್ರೇಮ್ ಕಾರಣ ಎಂಬ ಮಾತು ಈಗ ಚರ್ಚೆಯಾಗುತ್ತಿದೆ.

ಹೀಗಂತ ಶಿವಣ್ಣ ಹೇಳಿದ್ರಂತೆ.!

'ವಿಲನ್' ಸಿನಿಮಾ ತಡವಾಗ್ತಿರೋದಕ್ಕೆ ನಿರ್ದೇಶಕ ಪ್ರೇಮ್ ಕಾರಣ ಸ್ವತಃ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಹೇಳಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿತ್ತು. ಹೌದು, ಶಿವಣ್ಣ ಹೇಳಿದ್ದು ನಿಜಾ.! ಆದ್ರೆ, ಇದನ್ನ ಗಂಭೀರವಾಗಿ ಹೇಳಲಿಲ್ಲ. ಫ್ರೆಂಡ್ಲಿ ಆಗಿ ಮಾತನಾಡುವಾಗ, ಹಾಗೆ ಸುಮ್ಮನೇ ''ವಿಲನ್ ಬಗ್ಗೆ ಪ್ರೇಮ್ ನ ಕೇಳಬೇಕು'' ಎಂದರು. ಆದ್ರೀಗ, ಇದು ಗಂಭೀರವಾಗಿ ಹೇಳಿದ್ದಾರೆ ಎನ್ನುವಷ್ಟು ಬಿಂಬಿತವಾಗಿದೆ.

ಸುದೀಪ್ ಬೇಸರ

ಇನ್ನು ವಿಲನ್ ಸಿನಿಮಾ ತಡವಾಗುತ್ತಿರುವುದಕ್ಕೆ ನಿರ್ದೇಶಕ ಪ್ರೇಮ್ ಕಾರಣ ಎಂಬ ಸುದ್ದಿಯನ್ನ ನೋಡಿದ ಕಿಚ್ಚ ಸುದೀಪ್ ಬೇಸರ ವ್ಯಕ್ತಪಡಿಸಿದ್ದಾರೆ. ''ಪ್ರೇಮ್ ಯಾವುದೇ ಪ್ಲ್ಯಾನ್ ಮಾಡದೇ ಸಿನಿಮಾ ಮಾಡುವವರಲ್ಲ. ಅವರೊಬ್ಬ ಫ್ಯಾಷನ್ ಫಿಲ್ಮ್ ಮೇಕರ್. ತಡವಾಗುವುದಕ್ಕೆ ಸಂದರ್ಭ ಅಥವಾ ಕೆಲ ವ್ಯಕ್ತಿಗಳು ಕಾರಣವಾಗ್ತಾರೆ. ಆದ್ರೆ, ಪ್ರೇಮ್ ಒಬ್ಬರೇ ಕಾರಣ ಮತ್ತು ಯಾವುದೇ ಫ್ಲ್ಯಾನಿಂಗ್ ಇಲ್ಲದೇ ಸಿನಿಮಾ ಮಾಡ್ತಾರೆ ಎನ್ನುವುದು ಸೂಕ್ತವಲ್ಲ'' ಎಂದು ಟ್ವೀಟ್ ಮಾಡಿದ್ದಾರೆ.

ಇನ್ನು ಚಿತ್ರೀಕರಣ ಬಾಕಿಯಿದೆ

ಮೂಲಗಳ ಪ್ರಕಾರ 'ದಿ ವಿಲನ್' ಚಿತ್ರದ ಶೂಟಿಂಗ್ ಬಹುತೇಕ ಮುಗಿದಿದೆ. ಸದ್ಯ, ಸುದೀಪ್ ಅಭಿನಯದ ಹಾಡೊಂದನ್ನ ಚಿತ್ರೀಕರಿಸುಯತ್ತಿರುವ ವಿಲನ್ ಚಿತ್ರತಂಡ ಸದ್ಯದಲ್ಲೇ ಟೀಸರ್ ಬಿಡುಗಡೆ ಮಾಡುವ ಸಿದ್ದತೆಯಲ್ಲಿದ್ದಾರೆ. ಬಟ್ ಒಂದಂತೂ ನಿಜ, ಸಿನಿಮಾ ತಡವಾಗ್ತಿದೆ. ಆದ್ರೆ, ಅದ್ಧೂರಿಯಾಗಿ ಬರಲಿದೆ ಎನ್ನುವುದು ಮಾತ್ರ ಖುಷಿಯ ವಿಚಾರ.