'ಕ್ಯಾಪ್ಟನ್' ಆದ ಸುದೀಪ್: ಲಾರ್ಡ್ಸ್ ಮೈದಾನದಲ್ಲಿ ಕಿಚ್ಚ ಮುನ್ನಡೆಸಲಿರುವ ತಂಡ ಯಾವುದು?

ಲಂಡನ್ ಟೂರ್ನಿಯಲ್ಲಿ ಸುದೀಪ್ ನಾಯಕ!

ಇಂಗ್ಲೆಂಡ್ ನಲ್ಲಿ ನಡೆಯುತ್ತಿರುವ `ಕಾರ್ಪೋರೇಟರ್ ಕ್ರಿಕೆಟ್‌ ಡೇ' ಟೂರ್ನಿಯಲ್ಲಿ ಸುದೀಪ್ ತಂಡವೊಂದನ್ನ ಮುನ್ನೆಡಸುತ್ತಿದ್ದಾರೆ. ಸುದೀಪ್ ಮುನ್ನಡೆಸುತ್ತಿರುವ ತಂಡದ ಲೋಗೋ ಮತ್ತು ಹೆಸರನ್ನ ಸ್ವತಃ ಸುದೀಪ್ ಅವರೇ ತಮ್ಮ ಟ್ವಿಟ್ಟರ್ ಅಕೌಂಟ್ ನಲ್ಲಿ ಹಂಚಿಕೊಂಡಿದ್ದಾರೆ.[ಸಿಸಿಎಲ್ ಮ್ಯಾಚ್ ನಿಂದ ಕಿಚ್ಚ ಅವರಿಗೆ ಸಿಗುವ ಸಂಭಾವನೆ ಎಷ್ಟು]

ಕಿಚ್ಚನ ತಂಡದ ಲೋಗೋ ಇಲ್ಲಿದೆ ನೋಡಿ!

`ಕಾರ್ಪೋರೇಟರ್ ಕ್ರಿಕೆಟ್‌ ಡೇ' ಟೂರ್ನಿಯಲ್ಲಿ ಸುದೀಪ್ 'ವಿಸನ್ಯಾಯ್ರ್' (Visionnaire) ಎಂಬ ತಂಡದ ನಾಯಕನಾಗಿದ್ದು, ತಂಡದ ಅಧಿಕೃತ ಚಿಹ್ನೆಯನ್ನ ಬಿಡುಗಡೆ ಮಾಡಲಾಗಿದೆ. ಆದ್ರೆ, ತಂಡದಲ್ಲಿ ಯಾರೆಲ್ಲ ಆಟಗಾರರು ಇರಲಿದ್ದಾರೆ ಎಂಬ ಮಾಹಿತಿ ಇನ್ನು ಬಹಿರಂಗವಾಗಿಲ್ಲ.[ಫೋಟೋ ಆಲ್ಬಂ: ತಮಿಳು ಸ್ಟಾರ್ ಕ್ರಿಕೆಟ್ ಲೀಗ್ ನಲ್ಲಿ ಕಿಚ್ಚ-ಶಿವಣ್ಣ ಭಾಗಿ]

ಪ್ರಾಕ್ಟೀಸ್ ನಲ್ಲಿ ನಿರತರಾಗಿರುವ ಕಿಚ್ಚ

ತಮ್ಮ ಕನಸಿನ ಲಾರ್ಡ್ಸ್ ಮೈದಾನದಲ್ಲಿ ಕ್ರಿಕೆಟ್ ಆಡಲು ಉತ್ಸುಕರಾಗಿರುವ ಸುದೀಪ್ ಈ ಟೂರ್ನಿಗಾಗಿ ಈಗಾಗಲೇ ಪ್ರಾಕ್ಟಿಸ್ ಮಾಡ್ತಿದ್ದಾರೆ. 'ಕರ್ನಾಟಕ ಇನ್ಸ್ ಟ್ಯೂಟ್ ಆಫ್ ಕ್ರಿಕೆಟ್'ನಲ್ಲಿ ಬ್ಯಾಟ್ ಹಿಡಿದು ಬೆವರಿಳಿಸುತ್ತಿದ್ದಾರೆ.[ಶುರುವಾಗುತ್ತಿದೆ ಸ್ಯಾಂಡಲ್ ವುಡ್ ನಲ್ಲಿ ಮತ್ತೊಂದು ಕ್ರಿಕೆಟ್ ಲೀಗ್]

ಮೇ 11 ರಿಂದ ಟೂರ್ನಿ ಶುರು!

ಅಂದ್ಹಾಗೆ, ಕ್ರಿಕೆಟ್ ಕಾಶಿ ಎಂದೇ ಖ್ಯಾತಿ ಪಡೆದಿರುವ ಇಂಗ್ಲೆಂಡಿನ ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಮೇ 11 ರಂದು `ಕಾರ್ಪೋರೇಟರ್ ಕ್ರಿಕೆಟ್‌ ಡೇ' ಟೂರ್ನಿ ನಡೆಯಲಿದೆ.[KPL ಕ್ರಿಕೆಟ್ ಲೀಗ್ ಗೆ ಬಾಯ್ ಬಾಯ್ ಹೇಳ್ತಾರ ಕಿಚ್ಚ ಸುದೀಪ್?]

ಕಿಚ್ಚನಿಗಿದೆ ನಾಯಕತ್ವದ ಅನುಭವ!

ಸುದೀಪ್ ಈಗಾಗಲೇ ಹಲವು ಕ್ರಿಕೆಟ್ ಟೂರ್ನಿಯಲ್ಲಿ ತಂಡವನ್ನ ಮುನ್ನಡೆಸಿದ್ದಾರೆ. 'ರಾಜ್ ಕಪ್', ಸಿಸಿಎಲ್ ನಲ್ಲಿ ಕರ್ನಾಟಕ ಬುಲ್ಡೋಜರ್ಸ್, ಆಲ್ ಸ್ಟಾರ್ಸ್ ತಂಡದ ನಾಯಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಈಗ ಲಾರ್ಡ್ಸ್ ಮೈದಾನದಲ್ಲೂ ಕ್ಯಾಪ್ಟನ್ ಆಗಿ ಕಣಕ್ಕಿಳಿಯಲಿದ್ದಾರೆ.