'ಬಿಗ್ ಬಾಸ್' ವೇದಿಕೆಯಲ್ಲಿ 'ಯಜಮಾನ'ನನ್ನ ನೆನೆದ ಸುದೀಪ್

ಪೈಲ್ವಾನ್ ಮತ್ತು ಯಜಮಾನ ಹವಾ

ಸಂಕ್ರಾಂತಿ ಹಬ್ಬದ ವಿಶೇಷವಾಗಿ ಸುದೀಪ್ ಅಭಿನಯದ ಪೈಲ್ವಾನ್ ಟೀಸರ್ ಹಾಗೂ ದರ್ಶನ್ ಅಭಿನಯದ ಯಜಮಾನ ಚಿತ್ರದ ಹಾಡು ಬಿಡುಗಡೆಯಾಗಿತ್ತು. ಈ ಎರಡು ವಿಡಿಯೋಗೆ ಭಾರಿ ಮೆಚ್ಚುಗೆ ಸಿಕ್ಕಿದ್ದು, ಎರಡ್ಮೂರು ದಿನ ಸೋಶಿಯಲ್ ಮೀಡಿಯಾದಲ್ಲಿ ಪೈಲ್ವಾನ್ ಮತ್ತು ಯಜಮಾನನೇ ಟ್ರೆಂಡಿಂಗ್ ನಲ್ಲಿತ್ತು. ಹೀಗಾಗಿ, ಸುದೀಪ್ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

ಯಜಮಾನನ ಪರವಾಗಿ ಥ್ಯಾಂಕ್ಸ್ ಹೇಳಿದ ಬಿಗ್ ಬಾಸ್

''ಪೈಲ್ವಾನ್ ಟೀಸರ್ ಮತ್ತು ಯಜಮಾನ ಹಾಡು ಎರಡಕ್ಕೂ ಬಹಳ ಅದ್ಭುತವಾಗಿ ಬೆನ್ನುತಟ್ಟಿ, ಪ್ರೋತ್ಸಾಹಿಸಿದ್ದಕ್ಕೆ ಎಲ್ಲರಿಗೂ ಧನ್ಯವಾದಗಳು'' ಎಂದು ಸುದೀಪ್ ಹೇಳಿದರು. ಪೈಲ್ವಾನ್ ಬಗ್ಗೆ ಮಾತ್ರ ಹೇಳಿದ್ದರೇ, ಅದು ಸುದೀಪ್ ಶೋ ಹಾಗಾಗಿ ಸಾಮಾನ್ಯ ಎನ್ನಬಹುದಿತ್ತು. ಬಟ್, ಇಲ್ಲಿ ಪಕ್ಷಪಾತವಿಲ್ಲದೇ ಕನ್ನಡ ಸಿನಿಮಾಗಳು ಎಂಬ ಕಾರಣಕ್ಕೆ ಯಜಮಾನ ಮತ್ತು ಪೈಲ್ವಾನ್ ಎಂದು ಹೆಸರೇಳಿದ್ದು ನಿಜಕ್ಕೂ ಶ್ಲಾಘನೀಯ.

'ಪೈಲ್ವಾನ್' ವೀಕ್ಷಣೆ ಎಷ್ಟು?

ಜನವರಿ 15 ರಂದು ತೆರೆಕಂಡಿದ್ದ ಪೈಲ್ವಾನ್ ಟೀಸರ್, ಇದುವರೆಗೂ 3.7 ಮಿಲಿಯನ್ (37.2 ಲಕ್ಷ) ವೀಕ್ಷಣೆ ಕಂಡಿದೆ. ಹೆಬ್ಬುಲಿ ಕೃಷ್ಣ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಈ ಚಿತ್ರದಲ್ಲಿ ಸುದೀಪ್ ಕುಸ್ತಿಪಟು ಪಾತ್ರ ನಿರ್ವಹಿಸಿದ್ದಾರೆ.

ಯಜಮಾನ ಹವಾ ನಿಂತಿಲ್ಲ

ದರ್ಶನ್ ಅಭಿನಯದ 'ಯಜಮಾನ' ಹಾಡು ಕೂಡ ಜನವರಿ 15 ರಂದೇ ರಿಲೀಸ್ ಆಗಿತ್ತು. 5.7 ಮಿಲಿಯನ್ (57.3 ಲಕ್ಷ) ವೀಕ್ಷಕರನ್ನ ಹೊಂದಿದೆ. ಪಿ ಕುಮಾರ್ ಮತ್ತು ಹರಿಕೃಷ್ಣ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದಯ, ಶೈಲಜಾ ನಾಗ್ ಮತ್ತು ಬಿ ಸುರೇಶ್ ನಿರ್ಮಾಣ ಮಾಡಿದ್ದಾರೆ.