'ಕೆಜಿಎಫ್‌- 2' ಹಾಗೂ 'RRR'ಗಿಂತ 'ವಿಕ್ರಾಂತ್‌ ರೋಣ' ಚಿಕ್ಕ ಸಿನಿಮಾ?

ಚಿತ್ರದ ಒಟ್ಟು ಕಾಲಾವಧಿ ಎಷ್ಟು?

'ವಿಕ್ರಾಂತ್‌ ರೋಣ' ಹಿಂದಿ ವರ್ಷನ್ ಕಾಲಾವಧಿ 2 ಗಂಟೆ 27 ನಿಮಿಷ 39 ಸೆಕೆಂಡ್‌ಗಳು ಎಂದು ಬಾಲಿವುಡ್ ಚಿತ್ರ ವಿಮರ್ಶಕ ತರಣ್ ಆದರ್ಶ್ ಮಾಹಿತಿ ನೀಡಿದ್ದಾರೆ. ಉಳಿದ ವರ್ಷನ್‌ಗಳ ಕಾಲಾವಧಿ ಕೂಡ ಒಂದೆರಡು ಸಿನಿಮಾ ಹೆಚ್ಚು ಕಮ್ಮಿ ಇರಲಿದೆ. ನಿನ್ನೆಯಷ್ಟೇ ಸಿಬಿಎಫ್‌ಸಿಯಿಂದ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕಿದ್ದು, ಗುರುವಾರ 2D ಹಾಗೂ 3D ವರ್ಷನ್‌ಗಳಲ್ಲಿ ಸಿನಿಮಾ ರಿಲೀಸ್ ಆಗಲಿದೆ.

'ಕೆಜಿಎಫ್‌- 2' ಹಾಗೂ 'RRR'ಗಿಂತ ಕಾಲಾವಧಿ ಕಮ್ಮಿ

ಇತ್ತೀಚೆಗೆ ಕೆಲ ದೊಡ್ಡ ಸಿನಿಮಾಗಳ ಕಾಲಾವಧಿ ಹೆಚ್ಚಾಗಿ ಇದ್ದಿದ್ದನ್ನು ನೋಡಿದ್ದೇವೆ. ಸಾಮಾನ್ಯವಾಗಿ ಭಾರತೀಯ ಸಿನಿಮಾಗಳ ಕಾಲಾವಧಿ ಎರಡೂವರೆ ಗಂಟೆ ಮೀರುವುದಿಲ್ಲ. ಆದರೆ ಸಿನಿಮಾದಲ್ಲಿ ಧಮ್ಮಿದ್ದರೆ, ನೋಡಿಸಿಕೊಳ್ಳುವ ವಿಷಯ ಕಾಲು ಗಂಟೆ ಹೆಚ್ಚಾದರೂ ಪ್ರೇಕ್ಷಕರು ನೋಡುತ್ತಾರೆ ಅನ್ನುವ ಲೆಕ್ಕಾಚಾರವಿದೆ. ಕೆಲ ಸಿನಿಮಾಗಳು ದೀರ್ಘಾವಧಿ ಕಾರಣಕ್ಕೆ ಸೋತಿರುವ ಉದಾಹರಣೆ ಕೂಡ ಇದೆ. ಕೆಜಿಎಫ್ ಚಾಪ್ಟರ್-2 ಸಿನಿಮಾ ಕಾಲಾವಧಿ 2 ಗಂಟೆ 48 ನಿಮಿಷ ಇತ್ತು. ಇನ್ನು ಆರ್‌ಆರ್‌ಆರ್ ಚಿತ್ರದಲ್ಲಿ 3 ಗಂಟೆಗಳ ಕಾಲ ರಾಜಮೌಳಿ ರಾಮ್ - ಭೀಮ್ ಕಥೆ ಹೇಳಿದ್ದರು. ಈ ಎರಡು ಚಿತ್ರಗಳಿಗೆ ಹೋಲಿಸಿದ್ರೆ, ಕಾಲಾವಧಿ ವಿಚಾರದಲ್ಲಿ 'ವಿಕ್ರಾಂತ್ ರೋಣ' ಚಿತ್ರ ಸಿನಿಮಾ.

ಜೋರಾಗಿದೆ ಅಡ್ವಾನ್ಸ್ ಟಿಕೆಟ್ ಬುಕ್ಕಿಂಗ್

5 ದಿನ ಮೊದಲೇ ಆನ್‌ಲೈನ್‌ನಲ್ಲಿ 'ವಿಕ್ರಾಂತ್ ರೋಣ' ಚಿತ್ರದ ಅಡ್ವಾನ್ಸ್ ಟಿಕೆಟ್ ಬುಕ್ಕಿಂಗ್ ಶುರುವಾಗಿದ್ದು, ಭರ್ಜರಿ ರೆಸ್ಪಾನ್ಸ್ ಸಿಕ್ತಿದೆ. 2Dಗಿಂತ 3D ವರ್ಷನ್ ನೋಡಲು ಪ್ರೇಕ್ಷಕರು ಹೆಚ್ಚು ಕಾತರರಾಗಿರುವುದು ಗೊತ್ತಾಗುತ್ತಿದೆ. 3D ಕನ್ನಡಕದಲ್ಲಿ ಕಿಚ್ಚನ ಆರ್ಭಟ ಮತ್ತಷ್ಟು ಕಿಕ್ ಕೊಡುವ ನಿರೀಕ್ಷೆಯಿದೆ.

ಹೊರ ದೇಶಗಳಲ್ಲಿ ನಾಳೆಯೇ 'ವಿಕ್ರಾಂತ್ ರೋಣ' ಎಂಟ್ರಿ

ವಿಶ್ವದಾದ್ಯಂತ ಬಹಳ ದೊಡ್ಡಮಟ್ಟದಲ್ಲಿ 'ವಿಕ್ರಾಂತ್ ರೋಣ' ಸಿನಿಮಾ ಬಿಡುಗಡೆಯಾಗುತ್ತಿದೆ. ಸದ್ಯ 3200ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ರೋಣನ ಆರ್ಭಟ ಪಕ್ಕಾ ಆಗಿದ್ದು, ಈ ಸಂಖ್ಯೆ ಮತ್ತಷ್ಟು ಹೆಚ್ಚುವ ಸಾಧ್ಯತೆಯಿದೆ. ಪಾಕಿಸ್ತಾನ, ನೇಪಾಳ ಸೇರಿದಂತೆ ಹಲವು ದೇಶಗಳಲ್ಲಿ ಸಿನಿಮಾ ರಿಲೀಸ್ ಆಗ್ತಿದ್ದು, ಕೆಲವೆಡೆ ನಾಳೆಯೇ ಪ್ರೀಮಿಯರ್ ಶೋಗಳು ಪ್ರಾರಂಭವಾಗಲಿದೆ.