ಶಿವಣ್ಣನ 'ಮಾಸ್ ಲೀಡರ್' ನೋಡಿ ಮೆಚ್ಚಿಕೊಂಡ ಕಿಚ್ಚ ಏನಂದ್ರು?

ಶಿವಣ್ಣ ಗೆಟಪ್ ತುಂಬಾ ಇಷ್ಟ ಆಯ್ತು

''ನನಗೆ ಶಿವಣ್ಣ ಅವರ ಗೆಟಪ್ ಇಷ್ಟವಾಯಿತು. ನಾವು ಲಂಡನ್ ನಲ್ಲಿದ್ದಾಗ ಸಿನಿಮಾ ರಿಲೀಸ್ ಬಗ್ಗೆ ಮಾತನಾಡುತ್ತಿದ್ದರು. ನಾನು ಆಗ ಸಾಮಾನ್ಯವಾಗಿ ಕೇಳಿದ್ದೆ ಚಿತ್ರದ ಮೊದಲ ಕಾಪಿ ಯಾವಾಗ ಬರುತ್ತೆ ಅಂತ. ಈಗ ನೋಡೋ ತರ ಆಯ್ತು'' - ಸುದೀಪ್, ನಟ

ಸಿನಿಮಾ ನೋಡಲು ಗೀತಕ್ಕ ಕಾರಣ

''ಮಾಸ್ ಲೀಡರ್ ಸಿನಿಮಾ ಇಂದು ನೋಡುವುದಕ್ಕೆ ನಾನು ಅಥವಾ ಶಿವಣ್ಣ ಕಾರಣವಲ್ಲ. ಗೀತಕ್ಕ ಇದಕ್ಕೆ ಕಾರಣ. ನಾವು ಅವತ್ತು ಮಾತನಾಡಿದ್ದನ್ನ ಫಾಲೋ ಅಪ್ ಮಾಡಿ ಇಂದು ಇಂತಹ ಅವಕಾಶ ಮಾಡಿಕೊಟ್ಟಿದ್ದಾರೆ'' - ಸುದೀಪ್, ನಟ

ಶಿವಣ್ಣನ ಮೊದಲ ಚಿತ್ರ ಪ್ರದರ್ಶನ

''ಸಾಮಾನ್ಯವಾಗಿ ನನ್ನ ಚಿತ್ರಮಂದಿರದಲ್ಲಿ ಬೇರೆ ಸಿನಿಮಾ ನೋಡಿದ್ದೀವಿ, ನನ್ನ ಸಿನಿಮಾ ನೋಡಿದ್ದೀವಿ. ಶಿವಣ್ಣ ಅವರದ್ದು ಮೊದಲ ಸಲ ಪ್ರದರ್ಶನ ಮಾಡಿದ್ದು, ಶಿವಣ್ಣ ಹೇಳಿದ್ರು ಚೆನ್ನಾಗಿದೆ ಅಂತ'' - ಸುದೀಪ್, ನಟ

ಸಾಮಾಜಿಕ ಜವಾಬ್ದಾರಿಯುತ ಚಿತ್ರ

''ಇದೊಂದು ಸಾಮಾಜಿಕ ಸಂದೇಶ ಕುರಿತಾದ ಸಿನಿಮಾ. ಇದು ಸಾಮಾಜಿಕ ಸಂದೇಶ ಎನ್ನುವುದಕ್ಕಿಂತ ಸಾಮಾಜಿಕ ಜವಾಬ್ದಾರಿ ಎನ್ನಬಹುದು. ಇದನ್ನ ತಲೆಯಲ್ಲಿಟ್ಟುಕೊಂಡು ಸಿನಿಮಾ ಮಾಡಿದ್ದಾರೆ. ನಿರ್ಮಾಪಕರು ಮತ್ತು ನಿರ್ದೇಶಕರು ಒಳ್ಳೆ ಕೆಲಸ ಮಾಡಿದ್ದಾರೆ'' - ಸುದೀಪ್, ನಟ

ತುಂಬಾ ಖುಷಿ ಆಯ್ತು

''ಇಂತಹ ಚಿತ್ರ ಇಲ್ಲೊಂದು ಪ್ರದರ್ಶನ ಮಾಡಿದ್ರು. ತುಂಬಾ ಖುಷಿ ಆಯ್ತು'' ಎಂದು ಮಾಸ್ ಲೀಡರ್ ಚಿತ್ರ ನೋಡಿದ ನಂತರ ಸುದೀಪ್ ತಮ್ಮ ಅನುಭವ ಹಂಚಿಕೊಂಡರು.