KPL ಟ್ರೋಫಿ ಅನಾವರಣ ಮಾಡಿದ ಸುದೀಪ್ ಕೊಟ್ರು ಸರ್ಪ್ರೈಸ್ ಸುದ್ದಿ

ಮತ್ತೆ ಕೆಪಿಎಲ್ ಗೆ ಕಿಚ್ಚ ಸುದೀಪ್

ಕರ್ನಾಟಕ ಪ್ರೀಮಿಯರ್ ಲೀಗ್ ನಲ್ಲಿ ಕಿಚ್ಚ ಸುದೀಪ್ ನೇತೃತ್ವದ ರಾಕ್ ಸ್ಟಾರ್ ತಂಡ ಭಾಗವಹಿಸಿತ್ತು. ಮೂರು ಆವೃತ್ತಿಗಳಲ್ಲಿ ಸೆಲೆಬ್ರಿಟಿಗಳ ತಂಡ ವೃತ್ತಿಪರತೆ ಆಟಗಾರರ ಜೊತೆ ಕ್ರಿಕೆಟ್ ಆಡಿದ್ದಾರೆ. ಆಮೇಲೆ ಇದ್ದಕಿದ್ದಂತೆ ರಾಕ್ ಸ್ಟಾರ್ ತಂಡ ಕೆಪಿಎಲ್ ಟೂರ್ನಿಯಿಂದ ಹೊರಬಂದಿತ್ತು. ಇದೀಗ, ಮತ್ತೆ ಕೆಪಿಎಲ್ ಆಡಲು ಮನಸ್ಸು ಮಾಡಿದ್ದಾರೆ ಸುದೀಪ್.

ಮುಂದಿನ ಆವೃತ್ತಿಯಲ್ಲಿ ಕಿಚ್ಚನ ಇಲೆವನ್

ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಯಲ್ಲಿ ಮಂಗಳವಾರ 8ನೇ ಆವೃತ್ತಿಯ ಕೆಪಿಎಲ್ ಟ್ರೂರ್ನಿಯ ಟ್ರೋಫಿ ಅನಾವರಣ ಮಾಡಲಾಯಿತು. ಈ ವೇಳೆ ಮಾತನಾಡಿದ ಸುದೀಪ್ ''ಮುಂದಿನ ಆವೃತ್ತಿಯಲ್ಲಿ ನಾವು ಆಡಲು ಸಿದ್ಧ ಇದ್ದೇವೆ. ಅವಕಾಶ ಕಲ್ಪಿಸಿದರೇ ನಾವೂ ಭಾಗಿಯಾಗುತ್ತೇವೆ'' ಎಂದು ಕೆ.ಎಸ್.ಸಿ.ಎ ಪದಾಧಿಕಾರಿಗಳಿಗೆ ಮನವಿ ಮಾಡಿದರು. ಅವರಿಂದಲೂ ಪಾಸಿಟೀವ್ ಪ್ರತಿಕ್ರಿಯೆ ಸಿಕ್ಕಿದೆ.

ರಾಕ್ ಸ್ಟಾರ್ ಅಥವಾ ಬುಲ್ಡೋಜರ್ಸ್?

ಕೆಪಿಎಲ್ ಟೂರ್ನಿಯ ಮೂರು ಆವೃತ್ತಿಯಲ್ಲಿ ರಾಕ್ ಸ್ಟಾರ್ ತಂಡ ಭಾಗಿಯಾಗಿದೆ. ಸುದೀಪ್ ಜೊತೆ ತೆಲುಗು, ಹಿಂದಿ, ತಮಿಳು ನಟರು ಕೂಡ ಸಾಥ್ ನೀಡಿದ್ದರು. ಬಹುಶಃ ಅದೇ ತಂಡ ಮತ್ತೆ ಕಂಬ್ಯಾಕ್ ಆಗುತ್ತಾ ಅಥವಾ ಸಿಸಿಎಲ್ ನಲ್ಲಿ ಆಡುವ ಕರ್ನಾಟಕ ಬುಲ್ಡೋಜರ್ಸ್ ತಂಡ ಕೆಪಿಎಲ್ ಪಂದ್ಯಾವಳಿ ಆಡುತ್ತಾ ಕಾದುನೋಡಬೇಕಿದೆ.

ಕೆಸಿಸಿ ತಯಾರಿಯಲ್ಲಿ ಸುದೀಪ್

ಸಿಸಿಎಲ್ ಟೂರ್ನಿ ಏಳು ಆವೃತ್ತಿ ನಡೆದಿದ್ದು, ಕಳೆದ ವರ್ಷ ಆಯೋಜನೆ ಮಾಡಿಲ್ಲ. ಬಳಿಕ ಸ್ಯಾಂಡಲ್ ವುಡ್ ಸ್ಟಾರ್ ಗಳೆಲ್ಲಾ ಸೇರಿ ಕನ್ನಡ ಚಲನಚಿತ್ರ ಕಪ್ (ಕೆಸಿಸಿ) ಟೂರ್ನಿ ನಡೆಸುತ್ತಿದೆ. ಈಗಾಗಲೇ ಎರಡು ಆವೃತ್ತಿ ಯಶಸ್ವಿಯಾಗಿ ಮುಗಿಸಿ ಈಗ ಮೂರನೇ ಆವೃತ್ತಿಗೆ ಸಜ್ಜಾಗುತ್ತಿದ್ದಾರೆ. ಮುಂದಿನ ವರ್ಷ ಕೆಪಿಎಲ್ ನಲ್ಲೂ ಭಾಗವಹಿಸುವ ಆಸಕ್ತಿ ತೋರಿದ್ದು, ಕ್ರಿಕೆಟ್ ಅಭಿಮಾನಿಗಳು ಸಂತಸ ತಂದಿದೆ.