'ವಿಲ್ಸನ್‌ ಗಾರ್ಡನ್‌ ಟು ಫ್ಯಾಂಟಮ್': ಜಾಕ್ ಮಂಜುಗೆ ಶುಭಕೋರಿದ ಸುದೀಪ್

ವಿಲ್ಸನ್‌ ಗಾರ್ಡನ್‌ ಟು ಫ್ಯಾಂಟಮ್

''ಶಾಲಾ ದಿನಗಳಲ್ಲಿ ವಿಲ್ಸನ್ ಗಾರ್ಡನ್‌ನಲ್ಲಿರುವ ಹೊಂಬೇಗೌಡ ಮೈದಾನದಲ್ಲಿ ಕ್ರಿಕೆಟ್ ಆಡುತ್ತಿದ್ದ ಸಮಯದಿಂದ, ಫ್ಯಾಂಟಮ್ ಸಿನಿಮಾದವರೆಗೂ ನಮ್ಮ ಈ ಜರ್ನಿ ಅತ್ಯಂತ ಸ್ಮರಣೀಯ ದಿನಗಳು. ಹುಟ್ಟುಹಬ್ಬದ ಶುಭಾಶಯಗಳು ನನ್ನ ಆತ್ಮೀಯ ಸ್ನೇಹಿತ, ಸಹೋದರ. ಸದಾ ಖುಷಿಯಿಂದಿರು'' ಎಂದು ಸುದೀಪ್ ಟ್ವೀಟ್ ಮಾಡಿದ್ದಾರೆ.

'ಅಂಬಿ ನಿಂಗೆ ವಯಸ್ಸಾಯ್ತೋ' ನಿರ್ಮಾಪಕ

ಕನ್ನಡದ ಹಲವು ಹಿಟ್ ಚಿತ್ರಗಳನ್ನು ವಿತರಣೆ ಮಾಡಿರುವ ಖ್ಯಾತಿ ಹೊಂದಿದ್ದಾರೆ ಜಾಕ್ ಮಂಜು. ರೆಬೆಲ್ ಸ್ಟಾರ್ ಅಂಬರೀಶ್ 'ಅಂಬಿ ನಿಂಗೆ ವಯಸ್ಸಾಯ್ತೋ' ಚಿತ್ರವನ್ನು ನಿರ್ಮಾಣ ಸಹ ಮಾಡಿದ್ದಾರೆ. ಇದು ಅಂಬರೀಶ್ ನಟಿಸಿದ್ದ ಕೊನೆಯ ಸಿನಿಮಾ ಆಗಿತ್ತು.

'ಫ್ಯಾಂಟಮ್' ಚಿತ್ರಕ್ಕೂ ಬಂಡವಾಳ

ಕಿಚ್ಚ ಸುದೀಪ್ ನಟನೆಯಲ್ಲಿ ತಯಾರಾಗುತ್ತಿರುವ 'ಫ್ಯಾಂಟಮ್' ಸಿನಿಮಾಗೂ ಜಾಕ್ ಮಂಜು ಬಂಡವಾಳ ಹಾಕುತ್ತಿದ್ದಾರೆ. ಶೀತಲ್ ಶೆಟ್ಟಿ ನಿರ್ದೇಶನದ 'ವಿಂಡೋಸೀಟ್' ಚಿತ್ರಕ್ಕೂ ಜಾಕ್ ಮಂಜು ನಿರ್ಮಾಪಕರು. ಕೇವಲ ಸಿನಿಮಾಗಳಲ್ಲಿ ಮಾತ್ರವಲ್ಲದೇ, ಸಿಸಿಎಲ್ ಟೂರ್ನಿ, ಕೆಸಿಸಿ ಟೂರ್ನಿ ಸೇರಿದಂತೆ ಹಲವು ಕ್ರಿಕೆಟ್‌ ಟೂರ್ನಿಗಳಲ್ಲಿ ಜಾಕ್ ಮಂಜು ತೊಡಗಿಕೊಂಡಿದ್ದಾರೆ.

ಚಿರು ಮಗನಿಗೆ ಹೈದರಾಬಾದ್ ನಿಂದ ಬಂದು ದುಬಾರಿ ಗಿಫ್ಟ್ | Filmibeat Kannada

ಸುದೀಪ್ ಹಿಂದೆ ಜಾಕ್ ಮಂಜು

ಅಂದ್ಹಾಗೆ, ಕಿಚ್ಚ ಸುದೀಪ್ ಅವರಿಗೆ ಜಾಕ್ ಮಂಜು ಅವರು ಬಹಳ ಆತ್ಮೀಯರು. ಸಿನಿಮಾ ಇಂಡಸ್ಟ್ರಿ ಹೊರತಾಗಿಯೂ ಉತ್ತಮ ಒಡನಾಡಿಗಳು. ಸುದೀಪ್ ಅವರ ಬಹುತೇಕ ಸಮಾಜಮುಖಿ ಕೆಲಸಗಳ ಹಿಂದೆ ಜಾಕ್ ಮಂಜು ಇದ್ದೇ ಇರ್ತಾರೆ. ಅದೇ ರೀತಿ ಮಂಜು ಅವರು ಕೆಲಸಗಳ ಹಿಂದೆ ಸುದೀಪ್ ಧೈರ್ಯವಾಗಿ ನಿಂತಿರ್ತಾರೆ.