ಪೈಸಾಗಾಗಿ ಚಿತ್ರ ಮಾಡುತ್ತಿರುವ ಸುಮಲತಾ ಅಂಬರೀಶ್

ಅದು ರವೀನ್ ಅನ್ನೋ ಹೊಸಬರ ನಿರ್ದೇಶನದ ಚಿತ್ರ. 'ಮಂದಹಾಸ' ಹಾಗೂ 'ದ್ಯಾವ್ರೇ' ಚಿತ್ರಗಳಲ್ಲಿ ಮುಖ್ಯಪಾತ್ರ ಮಾಡಿರೋ ಚೇತನ್ ಗಂಧರ್ವ ಇಲ್ಲಿ ಮೊದಲ ಬಾರಿಗೆ ಸೋಲೋ ಹೀರೋ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರ ಡಿಸೆಂಬರ್ 18ರಿಂದ ಚಿತ್ರೀಕರಣ ಆರಂಭಿಸಲಿದೆ. [ದ್ಯಾವ್ರೇ ಚಿತ್ರ ವಿಮರ್ಶೆ]

ರೋಮ್ಯಾಂಟಿಕ್ ಥ್ರಿಲ್ಲರ್ ಕಥೆಯಾಗಿರೋ 'ಪೈಸಾ'ಗೆ ಪ್ರಿಯಾ ಅನ್ನೋ ಗುಜರಾತಿ ಮೂಲದ ಹುಡುಗಿ ಹೀರೋಯಿನ್ನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನು ಚಿತ್ರದಲ್ಲಿ 'ರಾಜಾಹುಲಿ' ಚಿತ್ರದಲ್ಲಿ ನಟಿಸಿದ್ದ ಚಿಕ್ಕಣ್ಣ, ವಶಿಷ್ಠ, ಮಂಜುಮಾಂಡವ್ಯ ಮುಖ್ಯ ತಾರಾಗಣದಲ್ಲಿ ಮಿಂಚಲಿದ್ದಾರೆ.

ಸುಮಲತಾ ಅಂಬರೀಶ್

ಅಂದಹಾಗೆ ಇಲ್ಲಿ ಸುಮಲತಾ ಅಂಬರೀಶ್ ಒಂದು ಮುಖ್ಯಪಾತ್ರ ಮಾಡಲಿದ್ದಾರೆ. ಆ ಪಾತ್ರ ಯಾವ್ದು ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ. ಇನ್ನು ಸುಮಲತಾ ಅವರು ಕನ್ನಡ, ತೆಲುಗು, ಮಲಯಾಳಂ, ತಮಿಳು ಹಾಗೂ ಹಿಂದಿಯಲ್ಲಿ ಇದುವರೆಗೂ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಸುದೀರ್ಘ ಸಮಯದ ಬಳಿಕ ಇದೀಗ ಮತ್ತೆ ಬಣ್ಣ ಹಚ್ಚುತ್ತಿದ್ದಾರೆ.