For Quick Alerts
    ALLOW NOTIFICATIONS  
    For Daily Alerts

    ಕಾಮಾಕ್ಷಿಯಾಗಿ ಕನ್ನಡಿಗರ ಹೃದಯ ಕುಣಿಸಲಿದ್ದಾರೆ ಸನ್ನಿ ಲಿಯೋನ್

    By Prasad
    |

    ಒಂದಾನೊಂದು ಕಾಲದ ನೀಲಿ ಚಿತ್ರಗಳ ತಾರೆ, ಪ್ರಸ್ತುತ ಬಾಲಿವುಡ್ಡಿನಲ್ಲಿ ಅತ್ಯಂತ ಬೇಡಿಕೆಯಲ್ಲಿರುವ ಕಾಮಕನ್ಯೆ ಸನ್ನಿ ಲಿಯೋನ್ 'ಕಾಮಾಕ್ಷಿ'ಯಾಗಿ ಕನ್ನಡಿಗರ ಹೃದಯದ ಬಾಗಿಲು ಬಡಿಯಲು ಬಂದಿದ್ದಾರೆ. ಇಂದ್ರಜಿತ್ ಲಂಕೇಶ್ ಅವರ 'ಲವ್ ಯೂ ಆಲಿಯಾ' ಚಿತ್ರದಲ್ಲಿ ಸನ್ನಿಯ ಐಟಂ ಸಾಂಗ್ ಚಿತ್ರೀಕರಣಕ್ಕಾಗಿ ಅವರು ಈಗ ಬೆಂಗಳೂರಿಗೆ ಬಂದಿದ್ದಾರೆ.

    ಕಳೆದ ಬಿಗ್ ಬಾಸ್ ಕನ್ನಡ ರಿಯಾಲಿಟಿ ಶೋನಲ್ಲಿ ಸ್ವಲ್ಪದರಲ್ಲೇ ಪ್ರಶಸ್ತಿ ತಪ್ಪಿಸಿಕೊಂಡ ಸೃಜನ್ ಲೋಕೇಶ್ ಜೊತೆ ಸನ್ನಿ ಲಿಯೋನ್ ಸೊಂಟವನ್ನು ಬಳುಕಿಸಲಿದ್ದಾರೆ. 'ಕಾಮಾಕ್ಷಿ ಕಾಮಾಕ್ಷಿ, ನೀನೇನಾ ಸ್ವರ್ಗದಲ್ಲಿ ಊರ್ವಶಿ' ಎಂಬ ಐಟಂ ಹಾಡಿಗೆ ಸನ್ನಿ ಹೆಜ್ಜೆ ಹಾಕುತ್ತಿದ್ದಾರೆ. ಈ ಸಂಬಂಧ ಬೆಂಗಳೂರಿನಲ್ಲಿ ಶುಕ್ರವಾರ ಪತ್ರಿಕಾಗೋಷ್ಠಿಯನ್ನೂ ಏರ್ಪಡಿಸಲಾಗಿತ್ತು.

    ಸನ್ನಿ ಲಿಯೋನ್ ರನ್ನು ಬಲ್ಲದಿರುವ ಕನ್ನಡಿಗರೇ ಇಲ್ಲ ಎಂದರೂ, ಕನ್ನಡಿಗರಿಗೆ ಪರಿಚಯವಾಗುತ್ತಿರುವುದು ಇದು ಮೊದಲೇನಲ್ಲ. ಕಳೆದ ವರ್ಷ ಬಿಡುಗಡೆಯಾದ ಪ್ರೇಮ್ ಅವರ 'ಡಿಕೆ' ಚಿತ್ರದಲ್ಲಿ 'ಬಾಗಿಲು ತೆರೆಯೇ ಸೇಸಮ್ಮ' ಹಾಡಿಗೆ ಧಿಗ್ಗಿಚಿಕ್ಕಿ ಎಂದು ಕುಣಿದು ಹೋಗಿದ್ದರು. ಇದರಿಂದ ಪ್ರೇಮ್ ಚಿತ್ರಕ್ಕೆ ಅಂಥ ಪ್ರಯೋಜನವೇನೂ ಆಗಿರಲಿಲ್ಲ.

    ಆದರೆ, ತಮ್ಮ ಚಿತ್ರವನ್ನು ಹೇಗೆ ಮಾರ್ಕೆಟಿಂಗ್ ಮಾಡಬೇಕು ಎಂಬುದನ್ನು ಚೆನ್ನಾಗಿ ತಿಳಿದಿರುವ ಇಂದ್ರಜಿತ್ ಲಂಕೇಶ್, ಚಂದನ್ ನಾಯಕರಾಗಿರುವ 'ಲವ್ ಯೂ ಆಲಿಯಾ' ಚಿತ್ರಕ್ಕೆ ಸನ್ನಿ ಲಿಯೋನ್ ರನ್ನ ಎಳೆತಂದಿದ್ದಾರೆ. ಈ ಸಂದರ್ಭದಲ್ಲಿ ಬೆಂಗಳೂರಿನ ವಾತಾವರಣ, ದಕ್ಷಿಣ ಭಾರತದ ಚಿತ್ರರಂಗದ ಬಗ್ಗೆ ಸನ್ನಿ ಲಿಯೋನ್ ಹಲವಾರ ಇಂಟರೆಸ್ಟಿಂಗ್ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ. [ಸನ್ನಿಯ ಸೂಪರ್ ಹಾಟ್ ಚಿತ್ರಪಟ]

    ಬೆಂಗಳೂರು ಮುಂಬೈಗಿಂತ ಸ್ವಚ್ಛವಾಗಿದೆಯಂತೆ

    ಬೆಂಗಳೂರು ಮುಂಬೈಗಿಂತ ಸ್ವಚ್ಛವಾಗಿದೆಯಂತೆ

    ಸನ್ನಿ ಲಿಯೋನ್ ಪ್ರಕಾರ, ಬೆಂಗಳೂರು ಮುಂಬೈ ನಗರಿಗಿಂತ ಸ್ವಚ್ಛವಾಗಿದೆಯಂತೆ (?) ಮತ್ತು ಇಲ್ಲಿನ ವಾತಾವರಣ ಅಲ್ಲಿಗಿಂತ ಹಿತಕರವಾಗಿದೆಯಂತೆ. ಮುಂಬೈಗೆ ಹೋಲಿಸಿದರೆ ಇದು ಒಪ್ಪತಕ್ಕಂಥ ಮಾತಾಗಿರಬಹುದು. ನೃತ್ಯದ ಚಿತ್ರೀಕರಣವನ್ನು ಕೆಆರ್ ಮಾರ್ಕೆಟ್ಟಿನಲ್ಲಿ ಇಂದ್ರಜಿತ್ ಇಟ್ಟಿದ್ದರೆ ಚೆನ್ನಾಗಿರುತ್ತಿತ್ತು.

    ಇಲ್ಲಿಯವರು ಅತಿಯಾದ 'ಜಾಣತನ' ತೋರುವುದಿಲ್ಲ

    ಇಲ್ಲಿಯವರು ಅತಿಯಾದ 'ಜಾಣತನ' ತೋರುವುದಿಲ್ಲ

    ದಕ್ಷಿಣ ಭಾರತದಲ್ಲಿ, ಅದರಲ್ಲೂ ಕನ್ನಡ ಚಿತ್ರರಂಗದಲ್ಲಿ ಜನರು ಅತಿಯಾದ 'ಜಾಣತನ' ತೋರಿಸಲು ಹೋಗುವುದಿಲ್ಲ ಮತ್ತು ಇಲ್ಲಿ ಒಂದು ರೀತಿ ಧನಾತ್ಮಕವಾದ ವಾತಾವರಣವಿರುತ್ತದೆ ಎಂಬುದು ಸನ್ನಿಯವರ ಅಭಿಮತ.

    ಅಭಿಮಾನಿಗಳ ಪ್ರೀತಿಗೆ ತೇಲಿಹೋದ ಸನ್ನಿ

    ಅಭಿಮಾನಿಗಳ ಪ್ರೀತಿಗೆ ತೇಲಿಹೋದ ಸನ್ನಿ

    ಬಾಬಿ ಡಾಲ್ ಹಾಡು ಮಕ್ಕಳಲ್ಲಿ ಭಾರೀ ಹುಚ್ಚು ಹಿಡಿಸಿದೆಯಂತೆ. ಈ ಹಾಡು ಸಖತ್ ಹಿಟ್ಟಾಗಿದ್ದರಿಂದ ಮಕ್ಕಳು ಕೂಡ ಅವರ ಅಭಿಮಾನಿಗಳ ಬಳಗ ಸೇರಿಕೊಂಡಿದ್ದಾರಂತೆ. ಈ ಹಾಡಿನ ಚಿತ್ರೀಕರಣದ ಸಂದರ್ಭದಲ್ಲಿ ಅವರು ಚಿತ್ರದ ತಂತ್ರಜ್ಞರ ಮಕ್ಕಳನ್ನು ಭೇಟಿಯಾಗಿದ್ದರು.

    ನಾನು ತುಂಬಾ ಹುಷಾರಾಗಿದ್ದೇನೆ

    ನಾನು ತುಂಬಾ ಹುಷಾರಾಗಿದ್ದೇನೆ

    ಅಪಾರ ಪ್ರಮಾಣದ ಯುವ ಅಭಿಮಾನಿಗಳನ್ನು ಹೊಂದಿರುವುದರಿಂದ ತನ್ನ ಜವಾಬ್ದಾರಿ ಹೆಚ್ಚಿದೆಯಂತೆ. ಜನ ನನ್ನನ್ನು ಹೇಗೆ ನೋಡುತ್ತಾರೆ ಎಂಬುದನ್ನು ಗಮನಿಸುತ್ತಿದ್ದು, ತಾವು ಅತ್ಯಂತ ಎಚ್ಚರಿಕೆಯ ಹೆಜ್ಜೆ ಇಡುತ್ತಿರುವುದಾಗಿ ಅವರು ಹೇಳಿದ್ದಾರೆ.

    ಲವ್ ಯೂ ಆಲಿಯಾ ಚಿತ್ರತಂಡ

    ಲವ್ ಯೂ ಆಲಿಯಾ ಚಿತ್ರತಂಡ

    ಚಿತ್ರದಲ್ಲಿ ಕನಸುಗಾರ ರವಿಚಂದ್ರನ್, ಭೂಮಿಕಾ ಚಾವ್ಲಾ, ಸುಧಾರಾಣಿ ಪ್ರಮುಖ ಭೂಮಿಕೆಯಲ್ಲಿದ್ದರೆ, ಚಂದನ್, ಸಂಗೀತಾ ಚೌಹಾಣ್, ಅದಿತಿ ಆಚಾರ್ಯ ತಾರಾಗಣದಲ್ಲಿದ್ದಾರೆ. ಮ್ಯಾಜಿಕ್ ಸಿನೆಮಾ ಚಿತ್ರವನ್ನು ನಿರ್ಮಿಸುತ್ತಿದೆ. ಚಿತ್ರಕ್ಕೆ ಜೆಸ್ಸಿ ಗಿಫ್ಟ್ ಸಂಗೀತ ನಿರ್ದೇಶನವಿದೆ.

    English summary
    Bollywood actress Sunny Leone is doing an item number in Kannada movie Love U Alia directed by Indrajit Lankesh. Sunny is dancing to foot tapping number Kamakshi Kamakshi with Srujan Lokesh. Sunny was in Bengaluru for the shooting of the song and told she loves the atmosphere here.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X