'ಟಗರು' ಚಿತ್ರದ ವಿಶಿಷ್ಟ ಪಾತ್ರಗಳು ಈಗ ಸಿನಿಮಾ ಟೈಟಲ್ ಆಯ್ತು

ಟಗರು ಖಳನಾಯಕರ ಹೆಸರಲ್ಲಿ ಸಿನಿಮಾ

ಟಗರು ಸಿನಿಮಾ ಬಿಡುಗಡೆ ಆದ ನಂತ್ರ ಪ್ರೇಕ್ಷಕರು ಚಿತ್ರದಲ್ಲಿದ್ದ ಎಲ್ಲಾ ಪಾತ್ರಗಳನ್ನು ಮೆಚ್ಚಿಕೊಂಡಿದ್ದರು. ಸಿನಿಮಾ ಅಭಿಮಾನಿಗಳ ಅಭಿರುಚಿ ತಿಳಿದ ಟಗರು ತಂಡ ಅವರ ಹೆಸರಿನಲ್ಲಿ ಟೈಟಲ್ ರಿಜಿಸ್ಟರ್ ಮಾಡಿಸಿದೆ.

ಡಾಲಿ ಹೆಸರು ರಿಜಿಸ್ಟರ್

ಧನಂಜಯ ನಿರ್ವಹಿಸಿದ ಡಾಲಿ ಪಾತ್ರ ಎಲ್ಲರಿಗೂ ಇಷ್ಟವಾಗಿದೆ. ಅದರಂತೆ ಸಿನಿಮಾ ಟೈಟಲ್ ಕೂಡ ಈ ಹಿಂದೆಯೇ ನೊಂದಣಿ ಆಗಿದ್ದು 'ದೊಡ್ಮನೆ ಹುಡ್ಗ' ಸಿನಿಮಾ ನಿರ್ಮಾಪಕ ಗೋವಿಂದು ಅವರ ಬ್ಯಾನರ್ ನಲ್ಲಿ ಸಿನಿಮಾ ಮೂಡಿ ಬರುವ ಸಾಧ್ಯತೆಗಳಿವೆ.

ಚಿಟ್ಟೆ, ಕಾಕ್ರೋಚ್ ಶೀರ್ಷಿಕೆ ನೊಂದಣೆ

ಡಾಲಿ ಜೊತೆಯಲ್ಲಿ ವಶಿಷ್ಠ ನಿರ್ವಹಿಸಿದ 'ಚಿಟ್ಟೆ' ಪಾತ್ರಕ್ಕೂ ಮೆಚ್ಚುಗೆ ವ್ಯಕ್ತವಾಗಿದ್ದು ಪಾತ್ರವನ್ನ ಸೃಷ್ಟಿ ಮಾಡಿರುವ ರೀತಿ ಅನೇಕರಿಗೆ ಇಷ್ಟವಾಗಿದೆ. ಆದ್ದರಿಂದ ಚಿಟ್ಟೆ ಹೆಸರಿನ ಟೈಟಲ್ ಹಾಗೂ 'ಕಾಕ್ರೋಚ್' ಕೂಡ ರಿಜಿಸ್ಟರ್ ಆಗಿದೆ.

'ಕಾನ್ಸ್ ಟೇಬಲ್' ಸರೋಜ

ಟಗರು ಚಿತ್ರದಲ್ಲಿ ಡಾಲಿಯ ಜೊತೆಯಲ್ಲಿ ಡಾಲಿಯ ಡಾರ್ಲಿಂಗ್ ಸರೋಜ ಪಾತ್ರಕ್ಕೂ ಸಖತ್ ರೆಸ್ಪಾನ್ಸ್ ಸಿಕ್ಕಿತ್ತು. ಸರೋಜ ಪಾತ್ರಧಾರಿಯ ಫೋಟೊಗಳು ಸಖತ್ ವೈರಲ್ ಆಗಿತ್ತು. ಈಗ 'ಕಾನ್ಸ್ ಟೇಬಲ್ ಸರೋಜ' ಎನ್ನುವ ಶೀರ್ಷಿಕೆ ಕೂಡ ನೊಂದಣಿ ಮಾಡಲಾಗಿದೆ.

ಸೂರಿ ಸಿನಿಮಾ ಜಾದು

ದುನಿಯಾ ಸೂರಿ ನಿರ್ದೇಶನದ ಸಿನಿಮಾಗಳೇ ಹಾಗೆ. ಚಿತ್ರದ ಜೊತೆಯಲ್ಲಿ ಅವರು ಸೃಷ್ಟಿ ಮಾಡಿದ ಪಾತ್ರಗಳು ಹಾಗೆ ಉಳಿದುಕೊಂಡು ಬಿಡುತ್ತವೆ. ಈ ಹಿಂದಿನ ಸಿನಿಮಾಗಳನ್ನ ತೆಗೆದುಕೊಂಡರೆ ಲೂಸ್ ಮಾದ, ದೋಪು, ಸಪ್ಪೆ, ಪೆಟ್ರೋಲ್, ಜಂಗ್ಲಿ, ಗಿಣಿ, ವಾಸ್ನೇ ಬಾಬು, ಮಿಠಾಯಿ ರಾಮ, ಚಪಾತಿ, ಬಾಂಡ್ ರವಿ, ಜಾಕಿ, ಕೆಮ್ಮರಾಜ, ರೆಕ್ಕೆ, ಕಡ್ಡಿಪುಡಿ, ಚಿಟ್ಟೆ, ಡಾಲಿ, ಕಾಕ್ರೋಚ್, ಬೇಬಿ ಕೃಷ್ಣ, ಡಿಚ್ಚಿ ಅಶ್ವಥ ಹೀಗೆ ಇವೆಲ್ಲವೂ ಪ್ರೇಕ್ಷಕರ ಮನಸ್ಸಿನಲ್ಲಿ ಇನ್ನೂ ಹಾಗೇ ಇವೆ.