ಅರಬ್ ದೇಶದಲ್ಲಿ ಪೋಗರು ಪ್ರದರ್ಶಿಸಿದ ಶಿವಣ್ಣನ 'ಟಗರು'

ಈಗಾಗಲೇ 'ಟಗರು' ಸಿನಿಮಾದ ಟೀಸರ್.. ಅದರಲ್ಲಿಯೂ ಟೀಸರ್ ನಲ್ಲಿ ಬರುವ ಮ್ಯೂಸಿಕ್ ಎಲ್ಲರನ್ನು ಹುಚ್ಚೆಬ್ಬಿಸಿದೆ. ಆದರೆ ಇದೀಗ ಅರಬ್ ದೇಶದಲ್ಲಿಯೂ ಈ 'ಟಗರು' ಸದ್ದು ಮಾಡಿದೆ.

'ಟಗರು' ಸಿನಿಮಾದ ಟೀಸರ್ ಈಗ ಮಸ್ಕತ್ ನಲ್ಲಿ ರಿಲೀಸ್ ಆಗಿದೆ. ಕನ್ನಡ ರಾಜ್ಯೋತ್ಸವ ವಿಶೇಷವಾಗಿ ಮತ್ತು ಡಾ.ರಾಜ್ ಸ್ಮರಣಾರ್ಥ ನವೆಂಬರ್ 11ರಂದು ಅಲ್ಲಿ 'ನಿನ್ನ ಮರೆಯಲಾರೆ' ಎಂಬ ಕಾರ್ಯಕ್ರಮವನ್ನು ಮಾಡಲಾಗಿದೆ. ಈ ಕಾರ್ಯಕ್ರಮದಲ್ಲಿ ನಟ ಶಿವರಾಜ್ ಕುಮಾರ್ ಮುಖ್ಯ ಅತಿಥಿಯಾಗಿ ಭಾಗಿಯಾಗಿದ್ದಾರೆ. ಜೊತೆಗೆ ಗಾಯಕ ವಿಜಯ ಪ್ರಕಾಶ್ ಅಣ್ಣವ್ರ ಹಾಡನ್ನು ಹಾಡಿದ್ದಾರೆ.

ಇನ್ನು ಕಾರ್ಯಕ್ರಮದಲ್ಲಿ 'ಟಗರು' ಚಿತ್ರದ ಟೀಸರ್ ಕೂಡ ಬಿಡುಗಡೆ ಮಾಡಲಾಗಿದೆ. ಅಲ್ಲಿನ ಕನ್ನಡಿಗರು ಕೂಡ ಟೀಸರ್ ನೋಡಿ ಮೆಚ್ಚಿಕೊಂಡಿದ್ದಾರೆ. ಈ ಮೂಲಕ ಅರಬ್ ದೇಶದಲ್ಲಿ ಬಿಡುಗಡೆಯಾದ ಕನ್ನಡದ ಮೊದಲ ಟೀಸರ್ ಎಂಬ ಹೆಗ್ಗಳಿಕೆಯನ್ನು 'ಟಗರು' ಪಡೆದಿದೆ. ಅಂದಹಾಗೆ, ಸೂರಿ ನಿರ್ದೇಶನದ ಈ ಚಿತ್ರ ಮುಂದಿನ ವರ್ಷ ಜನವರಿಯಲ್ಲಿ ತೆರೆಗೆ ಬರಲಿದೆ.