ಚಿತ್ರರಂಗ ಒಳ್ಳೆಯದಾ-ಕೆಟ್ಟದ್ದಾ: ತಮನ್ನಾ ಕೊಟ್ಟರು ಉತ್ತರ

ನಟ-ನಟಿಯರು ಜವಾಬ್ದಾರಿಯಿಂದ ವರ್ತಿಸುತ್ತಾರೆ: ತಮನ್ನಾ

'ಚಿತ್ರರಂಗ ಎಲ್ಲರ ಕಣ್ಣಿಗೆ ಸುಲಭಕ್ಕೆ ಬೀಳುವ, ಸೆಳೆಯುವ ಉದ್ಯಮ ಹಾಗಾಗಿ ಎಲ್ಲರ ಕಣ್ಣು ಇದರ ಮೇಲೆ ಬೀಳುತ್ತದೆ, ಇಲ್ಲಿನ ಸಮಸ್ಯೆಗಳು ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗುತ್ತದೆ. ನಟ-ನಟಿಯರ ಮೇಲೆ ಎಲ್ಲರ ಕಣ್ಣು ನೆಟ್ಟಿರುತ್ತದೆಯಾದ್ದರಿಂದ ಅವರು ಹೆಚ್ಚು ಜಾಗೃತರಾಗಿ, ಜವಾಬ್ದಾರಿಯುತ ವರ್ತಿಸುತ್ತಾರೆ' ಎಂದಿದ್ದಾರೆ ತಮನ್ನಾ.

ಸಾಮಾಜಿಕ ಜಾಲತಾಣಗಳ ಬಗ್ಗೆ ತಮನ್ನಾ ಮಾತು

ಸಾಮಾಜಿಕ ಜಾಲತಾಣಗಳ ಬಗ್ಗೆ ಮಾತನಾಡಿರುವ ತಮನ್ನಾ, 'ಎಲ್ಲರಿಗೂ ತಮ್ಮದೇ ಆದ ಅಭಿಪ್ರಾಯ ಹೊಂದುವ ಹಾಗೂ ಅದನ್ನು ಹಂಚಿಕೊಳ್ಳುವ ಸರ್ವ ಸ್ವಾತಂತ್ರ್ಯವಿದೆ. ಒಬ್ಬರು ಮತ್ತೊಬ್ಬರ ಅಭಿಪ್ರಾಯವನ್ನು ಒಪ್ಪಲೇ ಬೇಕು ಎಂದೇನಿಲ್ಲ, ಆದರೆ ಮತ್ತೊಬ್ಬರ ದೂಷಣೆ ಮಾಡುವುದು ಅಕ್ಷಮ್ಯ' ಎಂದಿದ್ದಾರೆ ತಮನ್ನಾ.

ಜನರ ಪ್ರೀತಿಗೆ ಸದಾ ಋಣಿ: ತಮನ್ನಾ

ತಮ್ಮ ಸಿನಿ ಪಯಣದ ಬಗ್ಗೆ ಮಾತನಾಡಿರುವ ತಮನ್ನಾ, 'ನಾನು ಸಿನಿಮಾ ಕುಟುಂಬದಿಂದ ಬಂದಿಲ್ಲ. ಯಾವುದೇ ಗಾಡ್‌ಫಾದರ್ ಇಲ್ಲದೆ, ಮೆಂಟರ್‌ಗಳಿಲ್ಲದೆ ಇಲ್ಲಿದೆ ಬಂದಿದ್ದೇನೆ. ನನಗೆ ಯಾವುದೇ ಕೆಟ್ಟ್ ಅನುಭವಗಳಾಗಿಲ್ಲ. ಜನರು ಸಾಕಷ್ಟು ಪ್ರೀತಿ ತೋರಿಸಿದ್ದಾರೆ' ಎಂದಿದ್ದಾರೆ ತಮನ್ನಾ.

ಕವಿತೆ ಬರೆಯುವ ಹವ್ಯಾಸ ಇದೆಯಂತೆ ತಮನ್ನಾಗೆ

ನಟಿ ತಮನ್ನಾ ಕೆಲವು ದಿನಗಳ ಹಿಂದಷ್ಟೆ ಸಮಂತಾ ಜೊತೆ, ಸ್ಯಾಮ್-ಜ್ಯಾಮ್ ಟಾಕ್ ಶೋ ನಲ್ಲಿ ಭಾಗವಹಿಸಿದ್ದರು, ತಮ್ಮ ಭಗ್ನ ಪ್ರೇಮ, ಕವಿತೆ ಬರೆಯುವ ಹವ್ಯಾಸ ಇನ್ನೂ ಹಲವು ವಿಷಯಗಳ ಬಗ್ಗೆ ತಮನ್ನಾ ಮಾತನಾಡಿದ್ದಾರೆ. ತಮನ್ನಾ-ಸಮಂತಾ ರ ಶೋ ಸಖತ್ ಹಿಟ್ ಆಗಿದೆ.