ಲಾಕ್‌ಡೌನ್ ನಡುವೆ ಮದ್ಯ ಮಾರಿದ ನಟನ ಬಂಧನ: ಎಣ್ಣೆ ಸಿಕ್ಕಿದ್ದೆಲ್ಲಿಂದ?!

ಸಿನಿಮಾ ಮಂದಿಗೆ ದುಬಾರಿ ಮೊತ್ತಕ್ಕೆ ಮದ್ಯ ಮಾರಾಟ

ರಿಜ್ವಾನ್ ಬಳಿ 180 ಎಂಎಲ್‌ನ 60 ಬಾಟಲಿ ಮದ್ಯ ದೊರೆತಿದೆ. ಇದಕ್ಕೆ ಹೊರತಾಗಿ 12 ಬಾಟಲಿ ಬಿಯರ್ ಸಹ ದೊರೆತಿದೆ. ಇದೆಲ್ಲವನ್ನೂ ಪೊಲೀಸರು ವಶ ಪಡಿಸಿಕೊಂಡಿದ್ದಾರೆ. ತಾನು ಮದ್ಯವನ್ನು ಹೆಚ್ಚಿನ ಹಣಕ್ಕೆ ಮಾರಾಟ ಮಾಡುತ್ತಿದ್ದುದಾಗಿ ರಿಜ್ವಾನ್ ಒಪ್ಪಿಕೊಂಡಿದ್ದಾನೆ ಸಹ.

ಬೇರೊಬ್ಬನಿಂದ ಕೊಂಡು ಭಾರಿ ಮೊತ್ತಕ್ಕೆ ಮಾರಾಟ

ನಾನು ಸಿನಿಮಾ ಪ್ರೊಡಕ್ಷನ್ ತಂಡಕ್ಕೆ ಸಂಬಂಧಿಸಿದ ಪ್ರದೀಪ್ ಎಂಬಾತನಿಂದ ಇವೆಲ್ಲಾ ಮದ್ಯವನ್ನು ಖರೀದಿಸಿ ದುಬಾರಿ ಮೊತ್ತಕ್ಕೆ ಸಿನಿಮಾ ಗೆಳೆಯರಿಗೆ ಮಾರಾಟ ಮಾಡುತ್ತಿದ್ದುದಾಗಿ ರಿಜ್ವಾನ್ ಪೊಲೀಸರಿಗೆ ನೀಡಿದ ಹೇಳಿಕೆಯಲ್ಲಿ ಒಪ್ಪಿಕೊಂಡಿದ್ದಾನೆ.

ದ್ರೌಪದಿ ನಿರ್ದೇಶಕ ಮೋಹನ್ ಟ್ವೀಟ್ಸ

ಪ್ರಕರಣದ ಬಗ್ಗೆ ಟ್ವೀಟ್ ಮಾಡಿರುವ ದ್ರೌಪದಿ ಸಿನಿಮಾ ನಿರ್ದೇಶಕ ಮೋಹನ್, ನನ್ನ ಗೆಳೆಯ ಇಂಥಹಾ ಕೆಲಸದಲ್ಲಿ ತೊಡಗಿಕೊಂಡಿದ್ದಾನೆಂದರೆ ನಂಬಲಸಾಧ್ಯ. ತಪ್ಪು ಯಾರೇ ಮಾಡಿರಲಿ ಶಿಕ್ಷೆ ಆಗಲೇಬೇಕು ಎಂದು ಟ್ವೀಟ್ ಮಾಡಿದ್ದಾರೆ.