ಪರಭಾಷೆಯ ಸಿನಿಮಾಗಳನ್ನು ಹಿಂದಿಕ್ಕಿ ನಂ1 ಸ್ಥಾನಕ್ಕೇರಿದ ದರ್ಶನ್ 'ತಾರಕ್' !

'ತಾರಕ್' ನಂ1

ಸದ್ಯ ಬುಕ್ ಮೈ ಶೋ ರೇಟಿಂಗ್ ನಲ್ಲಿ ದರ್ಶನ್ ಅವರ 'ತಾರಕ್' ಸಿನಿಮಾ ನಂ1 ಆಗಿ ಅಗ್ರ ಸ್ಥಾನದಲ್ಲಿದೆ.

83% ರೇಟಿಂಗ್

ಬುಕ್ ಮೈ ಶೋ ರೇಟಿಂಗ್ ನಲ್ಲಿ 'ತಾರಕ್' ಸಿನಿಮಾ 83% ಪಡೆದು ಮೊದಲ ಸ್ಥಾನದಲ್ಲಿದೆ. ಟಾಲಿವುಡ್ ನ ದೊಡ್ಡ ಸಿನಿಮಾಗಳಾದ 'ಸ್ಪೈಡರ್' 69% ಮತ್ತು 'ಜೈ ಲವಕುಶ' 76% ರೇಟಿಂಗ್ ಪಡೆದುಕೊಂಡಿದೆ.

ಧನ್ಯವಾದ ತಿಳಿಸಿದ ದರ್ಶನ್

ಸಿನಿಮಾ ಗೆದ್ದಿರುವ ಹಿನ್ನಲೆಯಲ್ಲಿ ದರ್ಶನ್ ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ. ''ನಿಮ್ಮ ಪ್ರೀತಿ - ಅಭಿಮಾನ - ಪ್ರೋತ್ಸಾಹಕ್ಕೆ ಈ ನಿಮ್ಮ ದಾಸ ಯಾವಾಗ್ಲೂ ಚಿರಋಣಿ. ತಾರಕ್ ರಾಮ್, ಎಲ್ಲರೂ ಪ್ರೀತಿಯಿಂದ ‘ತಾರಕ್' ಅಂತ ಕರೀತಾರೆ'' ಎಂದು ದರ್ಶನ್ ಟ್ವೀಟ್ ಮಾಡಿದ್ದಾರೆ.

ಭರ್ಜರಿ ಕಲೆಕ್ಷನ್

'ತಾರಕ್' ಮೊದಲ ದಿನ ಬರೋಬ್ಬರಿ 8.5 ಕೋಟಿ ಗಳಿಸಿದ್ದು, ಮೊದಲ ಮೂರು ದಿನದಲ್ಲಿ 25 ರಿಂದ 30 ಕೋಟಿವರೆಗೂ ಗಳಿಸಿದೆ ಎಂದು ಅಂದಾಜಿಸಲಾಗಿದೆ.

ಸಂತಸದಲ್ಲಿ ಚಿತ್ರತಂಡ

ಸಿನಿಮಾಗೆ ಸಿಕ್ಕಿರುವ ದೊಡ್ಡ ರೆಸ್ಪಾನ್ಸ್ ಚಿತ್ರತಂಡಕ್ಕೆ ಸಂತಸ ತರಿಸಿದೆ. ದರ್ಶನ್, ಶಾನ್ವಿ ಶ್ರೀವತ್ಸವ್, ಹಾಸ್ಯ ನಟ ಕುರಿ ಪ್ರತಾಪ್, ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಸಾಮಾಜಿಕ ಜಾಲತಾಣದಲ್ಲಿ ಪ್ರೇಕ್ಷಕರಿಗೆ ಥ್ಯಾಂಕ್ಸ್ ಹೇಳಿದ್ದಾರೆ.

ಸಿನಿಮಾ ಹೇಗಿದೆ..?

'ತಾರಕ್' ದರ್ಶನ್ ಅವರ ರೆಗ್ಯೂಲರ್ ಫಾರ್ಮೆಟ್ ನಿಂದ ಹೊರತಾದ ಸಿನಿಮಾ. ಆದ್ರೆ, ದರ್ಶನ್ ಅವರನ್ನು ಹೊಸ ರೀತಿಯಲ್ಲಿ ನೋಡ್ಬೇಕು ಎಂದುಕೊಂಡವರಿಗೆ ತಾರಕ್ ರಾಮ್ ಹೆಚ್ಚು ಇಷ್ಟವಾಗ್ತಾನೆ. ಸಿನಿಮಾ ಮುಗಿದು ಹೊರಬಂದಾಗ ' ದರ್ಶನ್ ಡಿಫ್ರೆಂಟ್' ಸಿನಿಮಾ ಮಾಡಿದ್ದಾರೆ ಎಂದು ಮಾತನಾಡಿಕೊಳ್ಳುತ್ತಾರೆ. ಬರಿ ಹೊಡಿ, ಬಡಿ, ಹೀರೋಯಿಸಂ, ವಿಲನ್ ಗಳ ಅಬ್ಬರ ನೋಡಿ ತಲೆಕೆಟ್ಟು ಹೋಗಿರುವ ಪ್ರೇಕ್ಷಕರಿಗೆ ಚಿತ್ರ ಬೇರೆ ಅನುಭವ ನೀಡಿದೆ.