'ಕೃಷ್ಣ' ಅಜೇಯ್ ರಾವ್ ಮುಂದಿನ ಸಿನಿಮಾ ಯಾವುದು.?

'ರುಕ್ಕು' ಜೊತೆ ಡ್ಯುಯೆಟ್ ಹಾಡಿದ ಬಳಿಕ ಸ್ಯಾಂಡಲ್ ವುಡ್ 'ಕೃಷ್ಣ' ಅಜೇಯ್ ರಾವ್ 'ಅಮರ್ ಅಕ್ಬರ್ ಆಂಟನಿ' ಚಿತ್ರಕ್ಕೆ ಜೈ ಅಂದಿದ್ದರು. ಈಗ ಹೊಸ ಚಿತ್ರವೊಂದಕ್ಕೆ ಅಜೇಯ್ ರಾವ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ಆ ಚಿತ್ರ ಯಾವುದು.? ಅಂತ ಕೇಳಿದ್ರೆ, ಟೈಟಲ್ ಇನ್ನೂ ಫೈನಲ್ ಆಗಿಲ್ಲ. ಆದ್ರೆ ನಿರ್ದೇಶನ ಮಾಡುವುದು ತೇಜಸ್ ಎಂಬುದು ಮಾತ್ರ ಪಕ್ಕಾ ನ್ಯೂಸ್. [ವಿಮರ್ಶೆ: ಉಡಾಫೆ ಕೃಷ್ಣ, ಬಜಾರಿ ರುಕ್ಕು ಕಥೆ ಚೆನ್ನಾಗಿದೆ]

ಈ ಹಿಂದೆ 'ಲವ್ಲಿ ಸ್ಟಾರ್' ಪ್ರೇಮ್ ಹಾಗೂ ಅಮೂಲ್ಯ ನಟಿಸಿದ್ದ 'ಮಳೆ' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ತೇಜಸ್, ಈಗ ಅಜೇಯ್ ರಾವ್ ಗಾಗಿ ಚಿತ್ರ ನಿರ್ದೇಶನ ಮಾಡಲಿದ್ದಾರೆ.

ಇನ್ನೂ ಹೆಸರಿಡದ ಈ ಚಿತ್ರದ ಪ್ರೀ-ಪ್ರೊಡಕ್ಷನ್ ಕೆಲಸ ಈಗಾಗಲೇ ಭರದಿಂದ ಸಾಗುತ್ತಿದೆ. ಆಗಸ್ಟ್ ವೇಳೆಗೆ ಶೂಟಿಂಗ್ ಶುರುವಾಗಲಿದೆ. ಅಷ್ಟರೊಳಗೆ 'ಕೃಷ್ಣ'ನ ಗೋಪಿಕೆ ಯಾರು ಎಂಬುದು ಬಹಿರಂಗವಾಗಲಿದೆ.