ನಟಿ-ಶಾಸಕಿ ರೋಜಾ ಮಾತಿಗೆ ತಿರುಗೇಟು ನೀಡಿದ ಶ್ರೀರೆಡ್ಡಿ

ರೋಜಾ ಯಾರಿಗೂ ಇಷ್ಟವಾಗಿಲ್ಲ ಅನಿಸುತ್ತೆ

ಇಂಡಸ್ಟ್ರಿಯಲ್ಲಿ ಕಾಸ್ಟಿಂಗ್ ಕೌಚ್ ಸಮಸ್ಯೆ ಇಲ್ಲ ಎಂದು ಸಮರ್ಥಿಸಿಕೊಂಡಿದ್ದ ರೋಜಾಗೆ ನಟಿ ಶ್ರೀರೆಡ್ಡಿ ಟಾಂಗ್ ನೀಡಿದ್ದಾರೆ. ಬಹುಶಃ ''ರೋಜಾ ಅವರು ಯಾರಿಗೂ ಇಷ್ಟವಾಗಿಲ್ಲ ಅನಿಸುತ್ತೆ. ಅದಕ್ಕೆ ಅವರನ್ನ ಯಾರೂ ಕೆಣಕಿಲ್ಲ'' ಎಂದು ಕಾಲೆದಿರುವ ನಟಿ ಫೇಸ್ ಬುಕ್ ನಲ್ಲಿ ಕಿಡಿಕಾರಿದ್ದಾರೆ.

ನಿಮ್ಮನ್ನ ಯಾರೂ ಕೆಣಕಿಲ್ವಾ

''ರೋಜಾ ಅವರು ಚೆನ್ನಾಗಿಯೇ ಸಂದರ್ಶನ ಕೊಡ್ತಿದ್ದಾರೆ. ಇಂಡಸ್ಟ್ರಿಯಲ್ಲಿ ಕಾಸ್ಟಿಂಗ್ ಕೌಚ್ ಇಲ್ವಾ.? ಇವರು ಇಂಡಸ್ಟ್ರಿಗೆ ಬಂದು 27 ವರ್ಷ ಆಗಿದೆ. ಇವರನ್ನ ಯಾರೂ ಕೆಣಕಿಲ್ವಂತೆ. ವಾರೇ ವಾಹ್. ಬಹುಶಃ ನೀವು ಯಾರಿಗೂ ಇಷ್ಟವಾಗಿಲ್ಲ ಅನಿಸುತ್ತೆ. ಇಂಡಸ್ಟ್ರಿ ಮೇಲೆ ಕಸ ಹಾಕಿದ್ದೀನಾ ತಾಯಿ. ಸ್ವಲ್ಪ ದಿನ ಇರಿ, ಇಡೀ ಇಂಡಸ್ಟ್ರಿಯ ರಿಪೋರ್ಟ್ ಸಿದ್ಧವಾಗ್ತಿದೆ. ನನ್ನ ಹತ್ರ ಬೇಡಮ್ಮ'' ಎಂದು ಸ್ಟೇಟಸ್ ಹಾಕಿ nagbaby ಎಂದು ಹ್ಯಾಶ್ ಟ್ಯಾಗ್ ಬಳಸಿದ್ದಾರೆ.

ರೋಜಾ ಏನು ಹೇಳಿದ್ರು.?

''ಡಾ ರಾಜ್ ಶೇಖರ್ ಅವರು ಬಹಳ ಒಳ್ಳೆಯ ವ್ಯಕ್ತಿ. ನನಗೆ ವೈಕ್ತಿಕವಾಗಿ ಅವರು ಗೊತ್ತು. ನನ್ ಪತಿ ಸೆಲ್ವಮಣಿ ಅವರು ಕೂಡ ತುಂಬಾ ಹತ್ತಿರದ ಸ್ನೇಹಿತರು. ನಾನು ಎರಡು ಸಿನಿಮಾದಲ್ಲಿ ಅವರೊಂದಿಗೆ ನಟಿಸಿದ್ದೇನೆ. ಜೀವಿತಾ ಅವರಿಲ್ಲದೇ ಅವರ ಹೊರಗಡೆ ಬರುತ್ತಿರಲಿಲ್ಲ. ಮತ್ತು ಮಕ್ಕಳನ್ನ ಕೂಡ ಕರೆದುಕೊಂಡು ಬರುವುದಿಲ್ಲ'' ಎಂದು ಶ್ರೀರೆಡ್ಡಿ ಆರೋಪಕ್ಕೆ ಟಾಂಗ್ ನೀಡಿದ್ದರು.

ನಟ-ನಟಿಯರನ್ನ ಬಿಡದ ಶ್ರೀರೆಡ್ಡಿ

ವೈಯಕ್ತಿಕವಾಗಿ ಒಬ್ಬೊಬ್ಬರ ಮೇಲೆಯೇ ಶ್ರೀರೆಡ್ಡಿ ಆರೋಪ ಮಾಡ್ತಿದ್ದಾರೆ. ಇದರಿಂದ ಆರೋಪ ಎದುರಿಸುತ್ತಿರುವ ಕಲಾವಿದರು ಶ್ರೀರೆಡ್ಡಿಗೆ ಕಡಿವಾಣ ಹಾಕಲು ತಯಾರಾಗುತ್ತಿದ್ದಾರೆ. ಕಲಾವಿದರ ಸಂಘವೂ ಈ ಬಗ್ಗೆ ಚಿಂತಿಸುತ್ತಿದೆ. ಆದ್ರೆ, ಶ್ರಿರೆಡ್ಡಿ ಮಾತ್ರ ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳುತ್ತಿಲ್ಲ. ಮುಂದೆ ಮತ್ಯಾವ ನಟ-ನಟಿಯರ ಬಗ್ಗೆ ಸ್ಫೋಟಕ ವಿಷ್ಯಗಳು ಹೊರಬರುತ್ತೋ ಕಾದುನೋಡೋಣ.