ಕರ್ನಾಟಕದಲ್ಲಿ ಅಬ್ಬರಿಸಿದ ತೆಲುಗು ಗಬ್ಬರ್ ಸಿಂಗ್

ಶ್ರುತಿ ಹಾಸನ್

ಚಿರಂಜೀವಿ 'ತಮ್ಮುಡು' ಪವನ್ ಕಲ್ಯಾಣ್ ಹಾಗೂ ಕಮಲ್ ಹಾಸನ್ 'ಮಗಳ್' ಶ್ರುತಿ ಹಾಸನ್ ಅಭಿನಯದ 'ಗಬ್ಬರ್ ಸಿಂಗ್' ಕರ್ನಾಟಕದಲ್ಲಿ ಕನಕವರ್ಷ ಸುರಿಸಿದೆ. ಕೋಲಾರ, ಬಳ್ಳಾರಿ ಹಾಗೂ ಬೆಂಗಳೂರಿನಲ್ಲಿ ಗಬ್ಬರ್ ಸಿಂಗ್ ಬಾಕ್ಸಾಫೀಸಲ್ಲಿ ಅಬ್ಬರಿಸಿದ್ದಾನೆ.

ಬೆಂಗಳೂರಿನಲ್ಲಿ 33 ಚಿತ್ರಮಂದಿರಗಳಲ್ಲಿ ಹಾಗೂ ರಾಜ್ಯದಾದ್ಯಂತ 50 ಚಿತ್ರಮಂದಿರಗಳಲ್ಲಿ ಗಬ್ಬರ್ ಸಿಂಗ್ ತೆರೆಕಂಡಿದ್ದು ಎಲ್ಲ ಕಡೆಯಿಂದಲೂ ಬಾಕ್ಸಾಫೀಸ್ ರಿಪೋರ್ಟ್ ಚೆನ್ನಾಗಿದೆ. ಮೂಲಗಳ ಪ್ರಕಾರ ಕರ್ನಾಟಕದಲ್ಲಿ ಗಬ್ಬರ್ ಸಿಂಗ್ ಮೊದಲ ವಾರದ ಕಲೆಕ್ಷನ್ಸ್ ರು.2.70 ಕೋಟಿ.

ಆಂಧ್ರ ಹೊರತುಪಡಿಸಿದರೆ ದೇಶದಲ್ಲೇ ಗಬ್ಬರ್ ಸಿಂಗ್ ಕಲೆಕ್ಷನ್ ರು.2 ಕೋಟಿ ಮೀರುವುದಿಲ್ಲ. ಆದರೆ ಆಂಧ್ರದಲ್ಲಿ ಮಾತ್ರ ಗಬ್ಬರ್ ಸಿಂಗ್ ರು.42.55 ಕೋಟಿ ಕಡಿದು ಗುಡ್ಡೆಹಾಕಿದೆ. ಬಾಕ್ಸಾಫೀಸಲ್ಲಿ ಇದೊಂದು ನೂತನ ದಾಖಲೆ ಎನ್ನಬೇಕು. ಥತ್ ತೇರಿ ಕನ್ನಡ ಚಿತ್ರಗಳು ಈ ರೀತಿ ಆಗೋದು ಯಾವಾಗ ಗುರು. (ಏಜೆನ್ಸೀಸ್)