ಮಾಗಡಿ ರೋಡ್ನಲ್ಲಿರುವ 'ದಿ ಸಿನಿಮಾ' ಇವತ್ತಿಂದ ಪ್ರಾರಂಭ: ಟಿಕೆಟ್ ಬೆಲೆಯೆಷ್ಟು.?

ಚೆನ್ನೈನಲ್ಲಿ 'ಸತ್ಯಂ ಸಿನಿಮಾಸ್' ಎಂದೇ ಖ್ಯಾತಿ

ಚೆನ್ನೈನಲ್ಲಿ 'ಸತ್ಯಂ ಸಿನಿಮಾಸ್' ಎಂದೇ ಖ್ಯಾತಿ ಪಡೆದಿರುವ ಎಸ್.ಪಿ.ಐ ಸಿನಿಮಾಸ್ ಕರ್ನಾಟಕದಲ್ಲಿ ತೆರೆದಿರುವ ಮೊಟ್ಟ ಮೊದಲ ಖಾತೆ 'ದಿ ಸಿನಿಮಾ'. ಐದು ಸ್ಕ್ರೀನ್ ಗಳು ಇರುವ 'ದಿ ಸಿನಿಮಾ' ಮಲ್ಟಿಪ್ಲೆಕ್ಸ್ ನಲ್ಲಿ ಒಟ್ಟು 1155 ಸೀಟಿಂಗ್ ವ್ಯವಸ್ಥೆ ಇದೆ. ಪ್ರತಿ ಸ್ಕ್ರೀನ್ ನಲ್ಲಿಯೂ ಗೋಲ್ಡ್ ಕ್ಲಾಸ್ ಹಾಗೂ ಎಕ್ಸಿಕ್ಯೂಟಿವ್ ಗೋಲ್ಡ್ ಕ್ಲಾಸ್ ಎಂಬ ಎರಡು ವಿಭಾಗಗಳಿವೆ.

ಅತ್ಯುತ್ತಮ ತಂತ್ರಜ್ಞಾನ

''ದಿ ಸಿನಿಮಾ'ದಲ್ಲಿ ಅತ್ಯುತ್ತಮ ಸೌಂಡ್ ಹಾಗೂ ಪ್ರೊಜೆಕ್ಷನ್ ತಂತ್ರಜ್ಞಾನ ಇದೆ. ಎಲ್ಲ ಸ್ಕ್ರೀನ್ ಗಳಲ್ಲೂ 4K ಪ್ರೊಜೆಕ್ಷನ್, 3D ತಂತ್ರಜ್ಞಾನ ಹಾಗೂ ಡಾಲ್ಬಿ ಅಟ್ಮೋಸ್ ಇದೆ'' ಎಂದು ಎಸ್.ಪಿ.ಐ ಸಿನಿಮಾಸ್ ನ ವ್ಯವಸ್ಥಾಪಕರು ತಿಳಿಸಿದ್ದಾರೆ.

ಚೆನ್ನೈನ 'ಎಸ್ಕೇಪ್' ಶೈಲಿಯಲ್ಲಿ...

ಚೆನ್ನೈನಲ್ಲಿ ಇರುವ 'ಎಸ್.ಪಿ.ಐ ಎಸ್ಕೇಪ್' ಮಲ್ಟಿಪ್ಲೆಕ್ಸ್ ಶೈಲಿಯಲ್ಲಿಯೇ ಬೆಂಗಳೂರಿನ 'ದಿ ಸಿನಿಮಾ' ಒಳಾಂಗಣ ವಿನ್ಯಾಸ ಮಾಡಲಾಗಿದೆ. ಕುರುಕು ತಿಂಡಿ, ತಂಪು ಪಾನೀಯ, ಪಾಪ್ ಕಾರ್ನ್ ಪಡೆಯಲು ಪ್ರತ್ಯೇಕ ಕೌಂಟರ್ ವ್ಯವಸ್ಥೆ ಇದೆ.

ಟಿಕೆಟ್ ಬೆಲೆ ಎಷ್ಟು.?

'ದಿ ಸಿನಿಮಾ'ದಲ್ಲಿ ಗೋಲ್ಡ್ ಕ್ಲಾಸ್ ಟಿಕೆಟ್ ಗಳ ಬೆಲೆ 170 ರೂಪಾಯಿಯಿಂದ 290 ರವರೆಗೂ ಇರಲಿದೆ. ಇನ್ನೂ ಎಲೈಟ್ ಕ್ಲಾಸ್ ಬೆಲೆ 100 ರೂಪಾಯಿಯಿಂದ ಶುರು ಆಗಲಿದೆ. (ಚಿತ್ರ ಕೃಪೆ: ದಿ ನ್ಯೂಸ್ ಮಿನಿಟ್)