ಬಿಡುಗಡೆಗೂ ಮೊದಲೇ ಕೋಟಿ ಕೋಟಿ ಬಾಚಿ ದಾಖಲೆ ಬರೆದ 'ದಿ ವಿಲನ್'

ಸ್ಯಾಟೆಲೈಟ್ ಹಕ್ಕು ಮಾರಾಟ

'ದಿ ವಿಲನ್' ಸಿನಿಮಾದ ಸ್ಯಾಟಲೈಟ್ ಹಕ್ಕು ಈಗ ದಾಖಲೆಯ ಮೊತ್ತಕ್ಕೆ ಮಾರಾಟವಾಗಿದೆ. ಈ ವಿಷಯವನ್ನು ಸ್ವತಃ ಚಿತ್ರದ ನಿರ್ದೇಶಕ ಜೋಗಿ ಪ್ರೇಮ್ ಹಂಚಿಕೊಂಡಿದ್ದಾರೆ.

ಪ್ರೇಮ್ ಟ್ವೀಟ್

ನಿರ್ದೇಶಕ ಜೋಗಿ ಪ್ರೇಮ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ 'ದಿ ವಿಲನ್' ಸ್ಯಾಟಲೈಟ್ ಹಕ್ಕು ಮಾರಟವಾಗಿದೆ ಅಂತ ಹೇಳಿದ್ದಾರೆ ಹೊರತು ಎಷ್ಟು ಮೊತ್ತಕ್ಕೆ ಅಂತ ಬಹಿರಂಗ ಪಡಿಸಿಲ್ಲ.

7.3 ಕೋಟಿ

ಮೂಲಗಳ ಪ್ರಕಾರ 'ದಿ ವಿಲನ್' ಚಿತ್ರದ ಸ್ಯಾಟೆಲೈಟ್ ರೈಟ್ಸ್ 'ಜೀ ಕನ್ನಡ' ವಾಹಿನಿ ಖರೀದಿ ಮಾಡಿದ್ದು, 7.3 ಕೋಟಿಗೆ ಚಿತ್ರದ ಹಕ್ಕು ಮಾರಟ ಆಗಿದೆಯಂತೆ.

ದಾಖಲೆ ಬೆಲೆಗೆ ಮಾರಟ

'ದೊಡ್ಮನೆ ಹುಡ್ಗ', 'ರನ್ನ', 'ಜಗ್ಗುದಾದ' ಸೇರಿದಂತೆ ಕೆಲ ಸಿನಿಮಾಗಳ ಸ್ಯಾಟೆಲೈಟ್ ಹಕ್ಕು 5 ರಿಂದ 6 ಕೋಟಿಗೆ ಸೇಲ್ ಆಗಿತ್ತು. ಈಗ ಈ ಎಲ್ಲ ಸಿನಿಮಾಗಳನ್ನು 'ದಿ ವಿಲನ್' ಹಿಂದಿಕ್ಕಿದೆ.

'ಓಂ' ದಾಖಲೆ

ಉಪೇಂದ್ರ ನಿರ್ದೇಶನದ ಮತ್ತು ಶಿವಣ್ಣ ನಟನೆಯ 'ಓಂ' ಸಿನಿಮಾದ ಟಿವಿ ರೈಟ್ಸ್ 9 ರಿಂದ 10 ಕೋಟಿಗೆ ಮಾರಾಟ ಆಗಿದೆ ಎಂದು ಈ ಹಿಂದೆ ಹೇಳಲಾಗಿತ್ತು. ಈಗ 'ದಿ ವಿಲನ್' 7.3 ಕೊಟಿ ಗಳಿಸುವ ಮೂಲಕ ಎರಡನೇ ಸ್ಥಾನದಲ್ಲಿದೆ.

'ದಿ ವಿಲನ್' ಚಿತ್ರದ ಬಗ್ಗೆ

ಪ್ರೇಮ್ ನಿರ್ದೇಶನದ 'ದಿ ವಿಲನ್' ಚಿತ್ರವನ್ನು ಸಿ.ಆರ್.ಮನೋಹರ್ ನಿರ್ಮಾಣ ಮಾಡುತ್ತಿದ್ದಾರೆ. ಶಿವಣ್ಣ, ಸುದೀಪ್, ಆಮಿ ಜಾಕ್ಸನ್, ಶೃತಿ ಹರಿಹರನ್ ಸಿನಿಮಾದ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ.