ಹೊಸ ದಾಖಲೆ ಬರೆದಿದೆ ತುಳು ಸಿನಿಮಾ 'ರಂಗ್'

ತುಳು ಭಾಷೆಯ ಸಿನಿಮಾ ರಿಲೀಸ್ ಆಗೋದು ಹೋಗೋದು ಸ್ಯಾಂಡಲ್ ವುಡ್ ಗೆ ಗೊತ್ತಾಗೋದೇ ಇಲ್ಲ. ತುಳು ಸಿನಿಮಾಗಳೇನಿದ್ರೂ ಸೌಂಡ್ ಮಾಡೋದು ಮಂಗಳೂರು, ಉಡುಪಿ, ಹೆಚ್ಚು ಅಂದ್ರೆ ಕಾಸರಗೋಡುನಲ್ಲಿ. ಅದರಲ್ಲೂ ತುಳು ಸಿನಿಮಾ ಯಾವಾಗ ಬಂದು ಯಾವಾಗ ಹೋಯ್ತು ಅಂತ ಬೆಂಗಳೂರಿಗೆ ಗೊತ್ತಾಗೋದೇ ಇಲ್ಲ.

ಆದರೆ ಈಗ ತುಳು ಸಿನಿಮಾ ದಾಖಲೆ ಬರೆದು ಸುದ್ದಿ ಮಾಡ್ತಿದೆ. ಮಾಧ್ಯಮಗಳ ಮೂಲಕ ಪ್ರಚಾರ ಪಡ್ಕೊಳ್ಳದ ತುಳು ಸಿನಿಮಾಗಳೇ ಹೆಚ್ಚು. ಆದರೆ ತುಳು ಸಿನಿಮಾ 'ರಂಗ್' ಬಾಲಿವುಡ್ ನಟರ ಅಭಿನಯದಿಂದ ಪ್ರಚಾರ ಗಿಟ್ಟಿಸಿಕೊಂಡಿತ್ತು. [ರಂಗ್ ಚಿತ್ರ ವಿಮರ್ಶೆ]

ರಂಗ್ ದಾಖಲೆಗಳು ಇಷ್ಟಕ್ಕೇ ಮುಗಿಯುವುದಿಲ್ಲ. ಒಂದು ದಿನಕ್ಕೆ 48 ಪ್ರದರ್ಶನ ಕಾಣುತ್ತಿದೆ ರಂಗ್. ಹೀಗೆ ಮೊದಲ ಬಾರಿಗೆ ಹಲವು ದಾಖಲೆಗಳನ್ನ ಅಳಿಸಿ ಹಾಕಿ ಹೊಸ ದಾಖಲೆ ಬರೆದಿದೆ 'ರಂಗ್' ಚಿತ್ರ. ಕಾಮಿಡಿ ಎಲಿಮೆಂಟ್ ಜೊತೆಗೆ ಸೀರಿಯಸ್ ಕಥೆಯನ್ನೂ ಹೊಂದಿರೋ ರಂಗ್ ಚಿತ್ರಪ್ರೇಮಿಗಳನ್ನ ರಂಜಿಸ್ತಿದೆ.