ಡೇಟಿಂಗ್ Appನಲ್ಲಿ ಪರಿಚಯ, ಅತ್ಯಾಚಾರ ನಂತರ ಬ್ಲಾಕ್ ಮೇಲ್: ಕಿರುತೆರೆ ನಟ ಬಂಧನ

ಅತ್ಯಾಚಾರವೆಗಿಸಿರುವುದು ನಿಜವಂತೆ

ನನ್ನ ಮೇಲೆ ಅತ್ಯಾಚಾರವೆಸಗಿ ಬ್ಲಾಕ್ ಮೇಲ್ ಮಾಡುತ್ತಿದ್ದಾನೆ ಎಂದು ದೂರು ನೀಡಿದ ನಂತರ ಮುಂಬೈ ಪೊಲೀಸರು ಕರಣ್ ಒಬೆರಾಯ್ ಅವರನ್ನ ಬಂಧಿಸಿದ್ದಾರೆ. ವಿಚಾರಣೆ ವೇಳೆ ಅತ್ಯಾಚಾರವೆಸಗಿರುವುದು ಸತ್ಯವೆಂದು, ನಂತರ ದುಡ್ಡಿಗಾಗಿ ಬ್ಲಾಕ್ ಮೇಲ್ ಮಾಡಿರುವುದು ನಿಜವೆಂದು ತಿಳಿದು ಬಂದಿದೆ.

ವಿಡಿಯೋ ರಿಲೀಸ್ ಮಾಡುವುದಾಗಿ ಎಚ್ಚರಿಕೆ

ದುಡ್ಡು ನೀಡಿಲ್ಲ ಅಂದ್ರೆ ವಿಡಿಯೋವನ್ನ ಸೋಶಿಯಲ್ ಮೀಡಿಯಾದಲ್ಲಿ ಬಿಡುಗಡೆ ಮಾಡುತ್ತೇನೆ ಕರಣ್ ಒಬೆರಾಯ್, ಆ ಯುವತಿಗೆ ಬ್ಕಾಕ್ ಮೇಲ್ ಮಾಡುತ್ತಿದ್ದನಂತೆ. ಅಷ್ಟೇ ಅಲ್ಲದೇ ಜ್ಯೋತಿಷ್ಯಿ ಒಬ್ಬರ ಬಳಿಯೂ ದುಡ್ಡು ಪೀಕಲು ಪ್ರಯತ್ನಿಸುತ್ತಿದ್ದನಂತೆ.

ಡೇಟಿಂಗ್ ಆಪ್ ನಲ್ಲಿ ಪರಿಚಯ

ಮುಂಬೈ ಪೊಲೀಸರು ತಿಳಿಸಿರುವ ಪ್ರಕಾರ, 2016ರಿಂದ ನೊಂದ ಯುವತಿಯ ಜೊತೆ ಕರಣ್ ಒಬೆರಾಯ್ ಪರಿಚಯ ಹೊಂದಿದ್ದಾರೆ. ಇವರಿಬ್ಬರು ಡೇಟಿಂಗ್ ಮೊಬೈಲ್ ಆಪ್ ಮೂಲಕ ಸ್ನೇಹ ಬೆಳಸಿಕೊಂಡಿದ್ದರು. ಸುಮಾರು ತಿಂಗಳುಗಳಿಂದ ಮಹಿಳೆಯರ ಜೊತೆ ಕರಣ್ ಡೇಟಿಂಗ್ ಮಾಡುತ್ತಿದ್ದ ಬಗ್ಗೆ ಮಾಹಿತಿ ಸಿಕ್ಕಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮದುವೆ ಆಗೋಣ ಎಂದು ಮೋಸ

ಮದುವೆ ಆಗುವುದಾಗಿ ನಂಬಿಸಿ ನನಗೆ ವಂಚನೆ ಮಾಡಿದ್ದಾನೆ. ಮದುವೆ ಆಗೋಣ ಎಂದು ಹೇಳಿ ನನ್ನನ್ನು ದೈಹಿಕವಾಗಿ ಬಳಿಸಿಕೊಂಡಿದ್ದ. ನನ್ನ ಮೇಲೆ ಅತ್ಯಾಚಾರವೆಸಗಿದ್ದ. ಅದನ್ನ ವಿಡಿಯೋ ಮಾಡಿ ಇಟ್ಟುಕೊಂಡಿದ್ದ. ಬಳಿಕ ದುಡ್ಡು ಕೊಡು, ಇಲ್ಲವಾದರೇ ಈ ವಿಡಿಯೋವನ್ನ ಸೋಶಿಯಲ್ ಮೀಡಿಯಾದಲ್ಲಿ ಹರಿಯಬಿಡುತ್ತೇನೆ ಎಂದು ಬ್ಲಾಕ್ ಮೇಲ್ ಮಾಡುತ್ತಿದ್ದ ಎಂದು ಆ ಯುವತಿ ತನ್ನ ಅಳಲು ತೋಡಿಕೊಂಡಿದ್ದಾಳೆ.

ಪೊಲೀಸರ ವಶಕ್ಕೆ ಕರಣ್

ಮತ್ತೊಂದೆಡೆ ಆ ಯುವತಿ ಮಾಡಿರುವ ಆರೋಪಗಳು ನಿರಾಧಾರ ಎಂದು ಕರಣ್ ಕೋರ್ಟ್ ಗೆ ತಿಳಿಸಿದ್ದಾರೆ. ನನ್ನ ಮೇಲೆ ಬಂದಿರುವ ಆರೋಪ ಸುಳ್ಳ ಎಂದು ಪ್ರತಿಕ್ರಿಯಿಸಿದ್ದಾರೆ. ಈ ಬಗ್ಗೆ ಮಂಗಳವಾರ ವಿಚಾರಣೆ ನಡೆಸಿದ್ದ ಕೋರ್ಟ್ ಗುರುವಾರದವರೆಗೂ ಕರಣ್ ಒಬೆರಾಯ್ ಅವರನ್ನ ಪೊಲೀಸ್ ವಶಕ್ಕೆ ನೀಡಿದೆ.