ಡೈರೆಕ್ಷನ್ ಮಾಡಿ ಅಂತಿದ್ದವರಿಗೆ 'ಮೆಗಾ ಬ್ರೇಕಿಂಗ್' ನೀಡಿದ ಉಪೇಂದ್ರ

ಸಿನಿಮಾ ಸ್ಕ್ರಿಪ್ಟ್ ಮಾಡ್ತಿದ್ದೀನಿ

''ನನಗೊಂದು ವಿಷ್ಯ ಹೊಳೆಯಬೇಕು. ಅದು ಹೊಳೆದಾಗ, ಅದನ್ನ ಅಭಿವೃದ್ದಿ ಪಡಿಸಬೇಕು. ಅದಕ್ಕೆ ಟೈಂ ಬೇಕು. ನಾನು ಸಿನಿಮಾ ಸ್ಕ್ರಿಪ್ಟ್ ಮಾಡ್ತಿದ್ದೀನಿ. ನನ್ನ ನಿರ್ದೇಶನದ ಸಿನಿಮಾಗಳ ಮೇಲೆ ನೀವು ಇಷ್ಟೊಂದು ನಂಬಿಕೆ ಇಟ್ಟುಕೊಂಡಿರ್ತೀರಾ. ಅದನ್ನ ಕಳೆದುಕೊಳ್ಳಲು ನಾನು ರೆಡಿಯಿಲ್ಲ. ಹಾಗಾಗಿ, ಅದಕ್ಕೆ ಬೇಕಾಗಿರುವ ತಯಾರಿ ಮಾಡ್ತಿದ್ದೇನೆ''

ಶೀಘ್ರದಲ್ಲೇ ಘೋಷಣೆ

''ನನ್ನ ಸಿನಿಮಾಗಳನ್ನ ನೋಡಿದಾಗ, ನಿಮಗೆ ಅದು ಮನರಂಜನೆ, ವಿಚಾರಗಳು ಮನಮುಟ್ಟಬೇಕು. ನಿಮ್ಮಲ್ಲಿ ಏನಾದರೂ ಬದಲಾವಣೆ ತರಬಲ್ಲದು ಎಂಬ ವಿಷ್ಯಗಳನ್ನ ನೀಡುವ ಪ್ರಯತ್ನ ಮಾಡ್ತಿದ್ದೀನಿ. ಅಂತಹ ಸಿನಿಮಾ ಮಾಡ್ತೀನಿ. ಸದ್ಯದಲ್ಲೇ ಅನೌನ್ಸ್ ಕೂಡ ಮಾಡ್ತೀನಿ'' ಎಂದು ಹೇಳುವ ಮೂಲಕ ಆಲ್ ರೆಡಿ ಉಪ್ಪಿ ನಿರ್ದೇಶನದ ಸ್ಕ್ರಿಪ್ಟ್ ಪಕ್ಕಾ ಆಗಿದೆ ಎಂಬುದನ್ನ ಖಚಿತಪಡಿಸಿದ್ದಾರೆ.

ಡೈರೆಕ್ಷನ್ ಬಿಡಲ್ಲ

ಪ್ರಜಾಕೀಯವನ್ನ ಕೈಗೆತ್ತಿಕೊಂಡು ಮೇಲೆ ಉಪ್ಪಿ ನಿರ್ದೇಶನ ಬಿಡ್ತಾರೆ, ಸಿನಿಮಾ ಮಾಡಲ್ಲ ಎಂಬ ಮಾತುಗಳು ಕೇಳಿ ಬಂದವು. ಆದ್ರೆ, ಇದರ ಬಗ್ಗೆ ಮತ್ತೆ ಉಪೇಂದ್ರ ಸ್ಪಷ್ಟನೇ ನೀಡಿದ್ದಾರೆ. ''ಪ್ರಜಾಕೀಯ ಎನ್ನುವುದು ಒಂದು ಕೆಲಸ. ಅದರ ಜೊತೆಗೆ ನಮ್ಮ ಕೆಲಸವೂ ಮಾಡಬೇಕು. ನಾನೊಬ್ಬ ಪ್ರಜೆಯಾಗಿ ನನ್ನ ಕೆಲಸದ ಜೊತೆ ಪ್ರಜಾಕೀಯವನ್ನ ಕೂಡ ಮಾಡುತ್ತಿದ್ದೇನೆ. ಬಿಡುವು ಸಿಕ್ಕಾಗ ಸ್ಕ್ರಿಪ್ಟ್ ಮಾಡ್ತೀನಿ'' ಎಂದು ಸಂತಸದ ವಿಷ್ಯವನ್ನ ಹೊರಹಾಕಿದ್ದಾರೆ.

ಯಾರೂ ನಿರಾಸೆಯಾಗಬೇಡಿ

''ದಯವಿಟ್ಟು ಯಾರೂ ನಿರಾಸೆಯಾಗಬೇಡಿ. ನಾನು ಡೈರೆಕ್ಷನ್ ಮಾಡ್ತೀನಿ. ನಿಮ್ಮ ನಿರೀಕ್ಷೆ, ನಂಬಿಕೆಗೆ ತಕ್ಕನಾದ ಸಿನಿಮಾ ಮಾಡಬೇಕು ಎನ್ನುವುದು ನನ್ನ ಜವಾಬ್ದಾರಿ. ಅದರ ಜೊತೆಗೆ ಪ್ರಜಾಕೀಯ ಎಂಬ ನಿಜ ಜೀವನದ ಚಿತ್ರವನ್ನ ಕೂಡ ಮಾಡುತ್ತೇನೆ' ಎಂದು ಉಪ್ಪಿ ಹೇಳಿದ್ದಾರೆ.