ಕೆಜಿಎಫ್ ಚಿತ್ರದಂತೆ 'ಕಬ್ಜ' ಚಿತ್ರವೂ ಡಬಲ್ ಧಮಾಕ

'ಕಬ್ಜ' ಸಿನಿಮಾ ಎರಡು ಭಾಗ

ಬಾಹುಬಲಿ ಹಾಗೂ ಕೆಜಿಎಫ್ ಸಿನಿಮಾಗಳ ನಂತರ ಕಬ್ಜ ಸಿನಿಮಾ ಸಹ ಎರಡು ಭಾಗಗಳಲ್ಲಿ ತಯಾರಾಗಲಿದೆ ಎಂಬ ಮಾಹಿತಿ ಚಿತ್ರತಂಡ ಬಿಟ್ಟುಕೊಟ್ಟಿದೆ. ಈ ಸುದ್ದಿ ಸ್ಯಾಂಡಲ್ ವುಡ್ ಪಾಲಿಗೆ ಸರ್ಪ್ರೈಸ್ ಆಗಿದ್ದು, ಚಿತ್ರದ ಬಗ್ಗೆ ಕುತೂಹಲ ಹೆಚ್ಚಾಗಿದೆ.

ಲಾಕ್‌ಡೌನ್ ಸಮಯದಲ್ಲಿ ಸ್ಕ್ರಿಪ್ಟ್ ಬದಲಾಯ್ತು

ಕಬ್ಜ ಸಿನಿಮಾ ಮಾಡಬೇಕೆಂದು ಆರಂಭಿಸಿದಾಗ ಒಂದೇ ಭಾಗ ಗಮನದಲ್ಲಿ ಇದ್ದಿದ್ದು. ಆದ್ರೆ, ಲಾಕ್‌ಡೌನ್ ಸಮಯದಲ್ಲಿ ಚಿತ್ರದ ಸ್ಕ್ರಿಪ್ಟ್ ಮೇಲೆ ಮತ್ತೊಂದು ಸುತ್ತು ಕೆಲಸ ನಡೆದಿದ್ದು, ಈ ವೇಳೆ ಮತ್ತೊಂದು ಭಾಗ ತಯಾರಿಸಬಹುದು ಎಂಬ ನಿರ್ಧಾರಕ್ಕೆ ಬರಲಾಗಿದೆಯಂತೆ.

ಉಪೇಂದ್ರ ಸಹ ಗ್ರೀನ್ ಸಿಗ್ನಲ್!

ಕಬ್ಜ ಎರಡು ಭಾಗ ತಯಾರಿಸುವ ಕುರಿತು ನಟ ಉಪೇಂದ್ರ ಅವರ ಬಳಿ ಸಹ ನಿರ್ದೇಶಕ ಆರ್ ಚಂದ್ರು ಚರ್ಚಿಸಿದ್ದು, ಉಪ್ಪಿ ಕೂಡ ಖುಷಿಯಾಗಿದ್ದಾರಂತೆ. ವಿಜೇಂದ್ರ ಪ್ರಸಾದ್ ಅವರ ಬಳಿ ಕೆಲಸ ಮಾಡುತ್ತಿದ್ದ ಬರಹಗಾರರು ಕಬ್ಜ ತಂಡದಲ್ಲಿ ಭಾಗಿಯಾಗಿದ್ದು, ಸ್ಕ್ರಿಪ್ಟ್‌ನಲ್ಲಿ ದಿ ಬೆಸ್ಟ್ ಅಂಶಗಳನ್ನು ಸೇರಿಸಲಾಗಿದೆಯಂತೆ.

Recommended Video

ಕಣ್ಣಿಲ್ಲದೆ ಅರಳಿತು ರಶ್ಮಿಕಾ ಸುಂದರ ಚಿತ್ರ | Filmibeat Kannada

ರವಿ ಬಸ್ರೂರ್ ಸಂಗೀತ

ಕೆಜಿಎಫ್ ಚಿತ್ರದ ಸಂಗೀತ ನಿರ್ದೇಶಕ ರವಿ ಬಸ್ರೂರ್ ಕಬ್ಜ ಚಿತ್ರಕ್ಕೂ ಸಂಗೀತ ನೀಡಲಿದ್ದಾರೆ. ಅರ್ಜುನ್ ಶೆಟ್ಟಿ ಛಾಯಾಗ್ರಹಣವಿದೆ. ಎಂಟಿಬಿ ನಾಗರಾಜ್ ಈ ಚಿತ್ರಕ್ಕೆ ಬಂಡವಾಳ ಹಾಕಲಿದ್ದಾರೆ. ಇನ್ನುಳಿದಂತೆ ನಾಯಕಿಯ ಆಯ್ಕೆ ಆಗಿಲ್ಲ. ಸೆಪ್ಟೆಂಬರ್ ತಿಂಗಳಿನಿಂದ ಕಬ್ಜ ಚಿತ್ರದ ಶೂಟಿಂಗ್ ಮತ್ತೆ ಆರಂಭಿಸಿದ್ದು, ಕನ್ನಡ, ತಮಿಳು, ತೆಲುಗು ಭಾಷೆಯಲ್ಲಿ ಸಿನಿಮಾ ತಯಾರಿಸುತ್ತಿದ್ದು, ನಂತರ ಉಳಿದ ಭಾಷೆಗಳಿಗೆ ಡಬ್ ಮಾಡಲಾಗುತ್ತದೆ.