For Quick Alerts
    ALLOW NOTIFICATIONS  
    For Daily Alerts

    ಎಂಗೇಜ್ ಮೆಂಟ್ ವಿವಾದದ ಬಳಿಕ ನನ್ನ ಮಗಳಲ್ಲಿ ಲವಲವಿಕೆಯೇ ಇಲ್ಲ: ವೈಷ್ಣವಿ ತಂದೆ

    |

    ಕನ್ನಡ ಕಿರುತೆರೆ ಹಾಗೂ ಚಲನಚಿತ್ರ ನಟಿ ವೈಷ್ಣವಿ ಗೌಡ ಸದ್ಯ ವಿವಾದವೊಂದರಲ್ಲಿ ಸಿಲುಕಿದ್ದಾರೆ. ಹೌದು, ನಟಿ ವೈಷ್ಣವಿ ಗೌಡ ಈ ಹಿಂದೆ ವಿರಾಜ್ ಎಂಬ ಚಿತ್ರದಲ್ಲಿ ನಾಯಕನಾಗಿ ಅಭಿನಯಿಸಿದ್ದ ವಿದ್ಯಾಭರಣ್ ಎಂಬುವವರ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಹಾಗೂ ಶೀಘ್ರದಲ್ಲೇ ವಿವಾಹವಾಗಲಿದ್ದಾರೆ ಎಂಬ ಸುದ್ದಿ ಹಬ್ಬಿತ್ತು. ಈ ಸುದ್ದಿ ವೈರಲ್ ಆಗಲು ಕಾರಣ ವೈಷ್ಣವಿ ಗೌಡ ಹಾಗೂ ವಿದ್ಯಾಭರಣ್ ಪರಸ್ಪರ ಹಾರ ಬದಲಿಸಿಕೊಂಡಿದ್ದ ಫೋಟೊವೊಂದು ಲೀಕ್ ಆಗಿದ್ದು.

    ಆದರೆ ಈ ಫೋಟೊ ಲೀಕ್ ಆಗುತ್ತಿದ್ದಂತೆ ಕನ್ನಡದ ಅನಾಮಧೇಯ ನಟಿಯೋರ್ವಳ ಆಡಿಯೊ ವೈರಲ್ ಆಯಿತು. ವೈಷ್ಣವಿ ಗೌಡ ಮದುವೆಯಾಗಲು ತೀರ್ಮಾನಿಸಿರುವ ಹುಡುಗ ವಿದ್ಯಾಭರಣ್ ಗುಣ ಸರಿ ಇಲ್ಲ, ನನಗೂ ಸೇರಿದಂತೆ ಹಲವು ಹುಡುಗಿಯರಿಗೆ ಅಸಭ್ಯವಾಗಿ ಸಂದೇಶಗಳನ್ನು ಕಳುಹಿಸಿದ್ದಾನೆ. ಇಂತಹವನಿಂದ ವೈಷ್ಣವಿ ಗೌಡ ರೀತಿಯ ಒಳ್ಳೆ ಹುಡುಗಿ ಬದುಕು ಹಾಳಾಗಬಾರದು ಎಂದು ಆ ನಟಿ ಆಡಿಯೊದಲ್ಲಿ ಹೇಳಿದ್ದಳು.

    ಹೀಗೆ ಈ ಆಡಿಯೊ ವೈರಲ್ ಆಗುತ್ತಿದ್ದಂತೆ ನಟಿ ವೈಷ್ಣವಿ ಗೌಡ, ಮದುವೆ ಸಂಬಂಧವನ್ನು ಇಲ್ಲಿಗೆ ನಿಲ್ಲಿಸಿದ್ದೇವೆ, ನೀವೂ ಸಹ ಇದನ್ನೆಲ್ಲಾ ಇಲ್ಲಿಗೆ ನಿಲ್ಲಿಸಿಬಿಡಿ ಎಂದು ಇನ್ಸ್ಟಾಗ್ರಾಮ್‌ನಲ್ಲಿ ಸ್ಟೋರಿ ಬರೆದುಕೊಳ್ಳುವುದರ ಮೂಲಕ ಮನವಿ ಮಾಡಿಕೊಂಡಿದ್ದರ. ಅತ್ತ ವಿದ್ಯಾಭರಣ್ ಹಾಗೂ ವೈಷ್ಣವಿಯ ಪೋಷಕರು ನಿಶ್ಚಿತಾರ್ಥ ನಡೆದಿಲ್ಲ, ಇದು ಹುಡುಗಿ ನೋಡುವ ಶಾಸ್ತ್ರದ ಫೋಟೊವಷ್ಟೇ ಎಂದು ಸ್ಪಷ್ಟನೆ ನೀಡಿದ್ದರು. ಇನ್ನು ಇಷ್ಟೆಲ್ಲಾ ಬೆಳವಣಿಗೆಗಳು ನಡೆದು ವಿವಾದ ಮತ್ತೊಂದು ಹಂತ ತಲುಪಿದ ನಂತರ ವೈಷ್ಣವಿ ಗೌಡ ಅವರ ಪೋಷಕರು ಇಂದು ( ನವೆಂಬರ್ 26 ) ಪತ್ರಿಕಾಗೋಷ್ಠಿಯೊಂದನ್ನು ನಡೆಸುವುದರ ಮೂಲಕ ಇದ್ದ ಹಲವು ಪ್ರಶ್ನೆಗಳಿಗೆ ಉತ್ತರಗಳನ್ನು ನೀಡಲು ಮುಂದಾಗಿದ್ದಾರೆ.

    ಪತ್ರಿಕಾಗೋಷ್ಠಿಗೆ ಬಾರದ ವೈಷ್ಣವಿ

    ಪತ್ರಿಕಾಗೋಷ್ಠಿಗೆ ಬಾರದ ವೈಷ್ಣವಿ

    ಇನ್ನು ಪತ್ರಿಕಾಗೋಷ್ಠಿಯಲ್ಲಿ ವೈಷ್ಣವಿ ಗೌಡ ತಂದೆ ಹಾಗೂ ತಾಯಿ ಮಾತ್ರ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ವೈಷ್ಣವಿ ಗೌಡ ಅವರೂ ಸಹ ಮಾತನಾಡಿದ್ದರೆ ಮತ್ತಷ್ಟು ಸ್ಪಷ್ಟತೆ ಸಿಗುತ್ತಿತ್ತು ಎಂದು ಪತ್ರಕರ್ತರು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ವೈಷ್ಣವಿ ಪೋಷಕರು ಈ ವಿವಾದದ ಬಳಿಕ ಅವಳ ಮನಸ್ಸು ಸರಿ ಇಲ್ಲ ಹಾಗಾಗಿ ಇಂತಹ ಸಂದರ್ಭದಲ್ಲಿ ಅವಳು ಮಾತನಾಡುವುದು ಬೇಡ, ಪರಿಸ್ಥಿತಿ ಸರಿ ಹೋದ ಬಳಿಕ ಖಂಡಿತ ಅವಳು ಈ ಕುರಿತಾಗಿ ಮಾತನಾಡಿ ಸ್ಪಷ್ಟನೆ ನೀಡಲಿದ್ದಾಳೆ ಎಂದು ವೈಷ್ಣವಿ ತಾಯಿ ತಿಳಿಸಿದರು.

    ಮಗಳಲ್ಲಿ ಲವಲವಿಕೆ ಇಲ್ಲ

    ಮಗಳಲ್ಲಿ ಲವಲವಿಕೆ ಇಲ್ಲ

    ಇದೇ ವೇಳೆ ಮಗಳ ಮನಸ್ಥಿತಿ ಎಷ್ಟು ಹದಗೆಟ್ಟಿದೆ ಎಂಬುದನ್ನು ವಿವರಿಸಿದ ವೈಷ್ಣವಿ ಗೌಡ ತಂದೆ 'ನಿನ್ನೆಯಷ್ಟೇ ಆಕೆಯನ್ನು ಒಂದು ಕಾರ್ಯಕ್ರಮಕ್ಕೆ ಕರೆದುಕೊಂಡು ಹೋಗಿದ್ದೆ. ಈ ಹಿಂದೆ ಅವಳ ಮುಖದಲ್ಲಿದ್ದ ಲವಲವಿಕೆ ಕಾಣಲೇ ಇಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಇರುವ ಹುಡುಗಿಯನ್ನು ಕರೆದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡು ಎನ್ನುವುದು ತಪ್ಪು' ಎಂದು ಹೇಳಿದರು.

    ಮತ್ತೆ ಕೆಲಸದತ್ತ ಮರಳಲಿದ್ದಾಳೆ

    ಮತ್ತೆ ಕೆಲಸದತ್ತ ಮರಳಲಿದ್ದಾಳೆ

    ಇನ್ನು ವೈಷ್ಣವಿ ಗೌಡ ಈಗಾಗಲೇ ದೊಡ್ಡ ಧಾರಾವಾಹಿಯಲ್ಲಿ ಲೀಡ್ ರೋಲ್ ಮಾಡಿದ್ದು, ಅದರ ಪ್ರೊಮೊ ಕೂಡ ರೆಡಿ ಇದೆ. ಆದಷ್ಟು ಬೇಗ ಅದು ಬಿಡುಗಡೆಗೊಳ್ಳಲಿದ್ದು, ದೊಡ್ಡ ಚಾನೆಲ್‌ನಲ್ಲಿಯೇ ಈ ಧಾರಾವಾಹಿ ಪ್ರಸಾರವಾಗಲಿದೆ ಎಂದು ವೈಷ್ಣವಿ ಗೌಡ ಪೋಷಕರು ಆಕೆ ಮತ್ತೆ ಕೆಲಸದ ಕಡೆ ಮುಖ ಮಾಡಲಿದ್ದಾಳೆ ಎಂಬುದನ್ನು ತಿಳಿಸಿದರು.

    English summary
    Vaishnavi Gowda got very upset about her engagement controversy says her father. Read on
    Saturday, November 26, 2022, 15:19
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X