ಬ್ಲ್ಯಾಕ್‌ ಮೇಲ್ ಮಾಡುವ ಮಾಧ್ಯಮಗಳ ಮೇಲೆ ವಿಜಯ್ ದೇವರಕೊಂಡ ಕಿಡಿ

ನಮಗೆ ಬೆದರಿಕೆ ಹಾಕುತ್ತಾರೆ: ವಿಜಯ್ ದೇವರಕೊಂಡ

''ಈ ಮಾಧ್ಯಮಗಳು ನಡೆಯುವುದೇ ನಮ್ಮ ಉದ್ಯಮದಿಂದ, ಮತ್ತೆ ಜಾಹೀರಾತಿಗಾಗಿ ಸಿನಿಮಾ ಮಂದಿಯನ್ನು ಬ್ಲ್ಯಾಕ್ ಮೇಲ್ ಮಾಡುತ್ತಾರೆ. ನಿಮ್ಮ ಸಿನಿಮಾ ರೇಟಿಂಗ್ ಕಡಿಮೆ ಮಾಡುತ್ತೇವೆ, ಎಂಬಿತ್ಯಾದಿ ಬೆದರಿಕೆಗಳನ್ನು ಹಾಕುತ್ತಾರೆ'' ಎಂದು ವಿಜಯ್ ದೇವರಕೊಂಡ ಕಿಡಿ ಕಾರಿದ್ದಾರೆ.

ಚಾರಿಟಿ ಬಗ್ಗೆ ತಪ್ಪು ಮಾಹಿತಿ ಪ್ರಕಟ

ತಮ್ಮ ಬಗ್ಗೆ ತಮ್ಮ ಚಾರಿಟಿ ಬಗ್ಗೆ ತಪ್ಪು ಮಾಹಿತಿ ಪ್ರಕಟಿಸಿದ ಅಂತರ್ಜಾಲ ಮಾಧ್ಯಮದ ಬಗ್ಗೆ ತೀವ್ರ ಆಕ್ರೋಶವನ್ನು ವಿಡಿಯೋದಲ್ಲಿ ಹೊರಹಾಕಿರುವ ವಿಜಯ್ ದೇವರಕೊಂಡ, ಸುಳ್ಳು ಸುದ್ದಿಗಳನ್ನು ಹರಡುವ ವೆಬ್‌ಸೈಟ್‌ಗಳಿಂದ ದೂರ ಇರಿ ಎಂದು ಮನವಿ ಮಾಡಿದ್ದಾರೆ.

ಎಲ್ಲಾ ಪ್ರಶ್ನೆಗಳಿಗೂ ದೇವರಕೊಂಡ ಉತ್ತರ

ಅಂತರ್ಜಾಲ ಮಾಧ್ಯಮವು ತಮ್ಮ ಬಗ್ಗೆ ಪ್ರಕಟಿಸಿದ್ದ ಸುದ್ದಿಯನ್ನು ವಿಡಿಯೋದಲ್ಲಿ ಓದಿ ಹೇಳಿ ಅವರು ಬರೆದಿರುವುದಕ್ಕೆಲ್ಲಾ ಅಲ್ಲಿಯೇ ಉತ್ತರ ನೀಡಿದ ವಿಜಯ್ ದೇವರಕೊಂಡ, ಉದ್ದೇಶಪೂರ್ವಕವಾಗಿ ಸುಳ್ಳು ಸುದ್ದಿ ಪ್ರಕಟಿಸುವ ಮಾಧ್ಯಮಗಳನ್ನುನ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಹಣ ಬಳಸಿಕೊಂಡಿದ್ದಾರೆಂದು ಆರೋಪಿಸಲಾಗಿತ್ತು

ವಿಜಯ್ ದೇವರಕೊಂಡ ಅವರು ಮಾಡುತ್ತಿರುವ ಚಾರಿಟಿ ಹೆಚ್ಚಿನ ಜನರಿಗೆ ಸಹಾಯ ಮಾಡಿಲ್ಲ, ಜನರಿಂದ, ಅಭಿಮಾನಿಗಳಿಂದ ಸಂಗ್ರಹಿಸಿರುವ ಹಣವನ್ನು ತಾವೇ ಬಳಸಿಕೊಂಡಿದ್ದಾರೆ ಎಂದು ಅಂತರ್ಜಾಲ ಮಾಧ್ಯಮವೊಂದು ವರದಿ ಮಾಡಿತ್ತು, ಈ ವರದಿ ವಿಜಯ್ ದೇವರಕೊಂಡ ಸಿಟ್ಟು ಕೆರಳಿಸಿತ್ತು.