'ವಿಕ್ರಾಂತ್ ರೋಣ' ಮೊದಲ ದಿನದ ಬಾಕ್ಸಾಫೀಸ್ ಗಳಿಕೆ ಲೆಕ್ಕಾಚಾರ!

'ವಿಕ್ರಾಂತ್ ರೋಣ' ಗಳಿಕೆ ಮೇಲೆ ನಿರೀಕ್ಷೆ!

ಕನ್ನಡದ 'ವಿಕ್ರಾಂತ್ ರೋಣ' ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ. ಹಾಗಾಗಿ ಸಿನಿಮಾದ ಮೊದಲ ದಿನದ ಗಳಿಕೆಯ ಮೇಲೆ ಹೆಚ್ಚಿನ ನಿರೀಕ್ಷೆ ಇದೆ. ಭಾರತದಾದ್ಯಂತ ಹಲವು ಭಾಷೆಗಳಲ್ಲಿ ತೆರೆಗೆ ಬರುತ್ತಿರುವ ವಿಕ್ರಾಂತ್ ರೋಣ, ವಿದೇಶದಲ್ಲೂ ರಿಲೀಸ್ ಆಗುತ್ತಿದೆ. ಆದರೆ ವಿದೇಶಗಳಲ್ಲಿ ಇನ್ನೂ ಚಿತ್ರಮಂದಿರಗಳ ಸಂಖ್ಯೆ ಸ್ಪಷ್ಟವಾಗಿ ನಿಗಧಿ ಆಗಿಲ್ಲ. ಹಾಗಾಗಿ ಭಾರತದಾದ್ಯಂತ ಮೊದಲ ದಿನದ ಗಳಿಕೆ ಎಷ್ಟಾಗಬಹುದು ಎನ್ನುವ ಲೆಕ್ಕಾಚಾರ ಮಾತ್ರವೇ ಲಭ್ಯವಾಗಿದೆ.

25 ರಿಂದ 50 ಕೋಟಿ ಗಳಿಕೆ!

ಮೊದಲ ದಿನ ಭಾರತದಾದ್ಯಂತ 'ವಿಕ್ರಾಂತ್ ರೋಣ' ಸುಮಾರು 25 ರಿಂದ 30 ಕೋಟಿ ರೂ. ಗಳಿಕೆ ಕಾಣುತ್ತದೆ. ಇನ್ನು ಸ್ಕ್ರೀನ್‌ಗಳ ಸಂಖ್ಯೆ ಹೆಚ್ಚಾದರೆ ಮತ್ತಷ್ಟು ದೊಡ್ಡ ಮಟ್ಟದ ಓಪನಿಂಗ್ ಪಡೆದುಕೊಳ್ಳಲಿದೆ. ಅಲ್ಲದೇ ಇದು ಕೇವಲ ಭಾರತದಾದ್ಯಂತ ಮೊದಲ ದಿನ ಗಳಿಸ ಬಹುದಾದ ಲೆಕ್ಕಾಚಾರ. ಇನ್ನು ವಿಶ್ವದಾದ್ಯಂತ ಲೆಕ್ಕ ತೆಗೆದುಕೊಂಡರೆ, 50 ಕೋಟಿಯನ್ನು ಸುಲಭವಾಗಿ ಗಳಿಸುತ್ತದೆ. ಸಿನಿಮಾತಂಡ ಕೂಡ ಇದೇ ಲೆಕ್ಕಾಚಾರದಲ್ಲಿದೆ.

ಭಾರತದಲ್ಲಿ 3500ಕ್ಕೂ ಹೆಚ್ಚು ಸ್ಕ್ರೀನ್!

'ವಿಕ್ರಾಂತ್ ರೋಣ' ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ ಆದ ಕಾರಣ ಈ ಸಿನಿಮಾ ಎಷ್ಟು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ ಅನ್ನೋ ಬಗ್ಗೆ ಸಹಜ ಕುತೂಹಲ ಇದ್ದೇ ಇದೆ. ಅದು ಎಷ್ಟು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ ಎನ್ನುವ ಬಗ್ಗೆ ಚಿತ್ರತಂಡ ಕಡೆಯಿಂದ ಫಿಲ್ಮೀ ಬೀಟ್‌ಗೆ ಅಧಿಕೃತ ಮಾಹಿತಿ ಸಿಕ್ಕಿದೆ. ಭಾರತದಾದ್ಯಂತ 'ವಿಕ್ರಾಂತ್ ರೋಣ' ಸಿನಿಮಾ ಸುಮಾರು 3500 ಸ್ಕ್ರೀನ್‌ಗಳಲ್ಲಿ ತೆರೆಗೆ ಬರಲಿದೆ. ಇನ್ನು ಈ ಸಿನಿಮಾ ರಿಲಸ್‌ಗೆ ಕೆಲವು ದಿನಗಳು ಬಾಕಿ ಇದೆ. ಹಾಗಾಗಿ ಈ ಸ್ಕ್ರೀನ್‌ಗಳ ಸಂಖ್ಯೆ ಮತ್ತಷ್ಟು ಹೆಚ್ಚಾಗಲಿದೆ. (ಜುಲೈ 23)ರ ವರೆಗೆ ಸ್ಕ್ರೀನ್ ಲೆಕ್ಕ ತೆಗೆದುಕೊಂಡರೆ ಒಟ್ಟಾರೆ 3500 ಸ್ಕ್ರೀನ್‌ಗಳು ಈಗಾಗಲೇ ವಿಕ್ರಾಂತ್ ರೋಣನಿಗಾಗಿ ಬುಕ್ ಆಗಿವೆ.

ಬಾಲಿವುಡ್‌ನಲ್ಲಿ 'ವಿಕ್ರಾಂತ್ ರೋಣ'!

ಸೌತ್ ಸಿನಿಮಾಗಳಿಗೆ ನಾರ್ತ್‌ನಲ್ಲಿ ಬೇಡಿಕೆ ಹೆಚ್ಚಾಗಿದೆ. 'ವಿಕ್ರಾಂತ್ ರೋಣ' ಹಿಂದಿ ಅವತರಣಿಕೆ 1000 ಸ್ಕ್ರೀನ್‌ಗಳಲ್ಲಿ ತೆರೆಗೆ ಬರಲಿದೆ. ಇನ್ನು ಬಾಲಿವುಡ್‌ನಲ್ಲಿ ಬಂದ ಶಂಶೇರಾ ಸಿನಿಮಾ ಅಷ್ಟಾಗಿ ದೊಡ್ಡಮಟ್ಟದಲ್ಲಿ ಸದ್ದು ಮಾಡದ ಕಾರಣ, ಮತ್ತಷ್ಟು ಸ್ಕ್ರೀನ್‌ಗಳು ವಿಕ್ರಾಂತ್ ರೋಣನ ಪಾಲಾಗಲಿವೆ. ಹಾಗಾಗಿ ಸಾವಿರಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಹಿಂದಿ ಅವತರಣಿಕೆಯ 'ವಿಕ್ರಾಂತ್ ರೋಣ' ಅಬ್ಬರಿಸಲಿದ್ದಾನೆ.